Skessuhorn - 18.03.2015, Blaðsíða 55

55MIÐVIKUDAGUR 18. MARS 2015
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
F
ÍT
O
N
/
S
ÍA
Bikarmeistarar frá Akranesi
Um helgina fór fram á Selfossi bik­
armót Fimleikasambands Íslands.
Fimleikafélag Akranes sendi eitt
lið til keppninnar, í mestaraflokki b
stúlkna, sem mun vera þriðji flokk­
ur samkvæmt gamla kerfinu að sögn
Marenar Óskar Elísdóttur þjálf­
ara liðsins. Skagastúlkurnar gerðu
sér lítið fyrir og áttu glæsilegan
dag. Þær stóðu að lokum uppi sem
sigurvegarar í meistaraflokki b og
hömpuðu bikarmeistaratitli. Stúlk­
urnar munu síðan keppa á Íslands­
móti í maímánuði væntanlega ásamt
fleiri flokkum frá FIMA, en á fimmta
hundrað iðkendur hafa verið hjá fé­
laginu síðustu árin.
þá
Bikarmeistarar í meistaraflokki b, lið FIMA frá Akranesi.
Unglingasveit Keilufélags Akra­
ness hampaði Íslandsmeistaratitli
í sveitakeppni í keilu um helgina.
Úrslitakeppni í sveitakeppni ung­
linga fór fram í Egilshöll á sunnu­
dag. Eftir fimm mót í vetur voru
fjórar sveitir eftir sem kepptu til úr­
slita, þar af tvær sveitir frá Keilu­
félagi Akraness. ÍA I keppti við sveit
Keilufélags Reykjavíkur og sigraði.
ÍA II tapaði hins vegar fyrir ÍR. Það
voru því ÍA I og ÍR sem kepptu til
úrslita og voru það Skagamennirn­
ir sem stóðu uppi sem sigurvegar­
ar. Í sveit ÍA I voru Jóhann Atlason,
Ólafur Sveinn Ólafsson og Arnar
Daði Sigurðsson. Þeir eru lengst til
vinstri á myndinni en auk þeirra fé­
lagar í sveit ÍA II, þeir Sæþór Guð­
mundsson, Daníel Trausti Hösk­
uldsson og Ásgeir Darri Gunnars­
son. þá
Skagaunglingar Íslands-
meistarar í keilu
Þar kom að því að löng sigurganga
Snæfellskvenna var rofin í Dom­
inosdeild kvenna í körfubolta.
Það gerðu Haukakonur þegar þær
mættu í Hólminn á sunnudaginn í
tvífrestuðum leik frá deginum áður
vegna veðurs en þar áður hafði
leiknum verið frestað 25. febrú­
ar. Haukakonur sigruðu í leiknum
74:67 en skammt var stórra högga
milli í vikunni hjá Snæfellskonum
sem sigruðu Val síðastliðið mið­
vikudagskvöld 86:70.
Leikurinn var flautaður á í há­
deginu á sunnudaginn. Haukakon­
ur voru lengi að taka við sér eft­
ir ferðalagið og eftir að hafa vakn­
að snemma. Staðan eftir fyrsta fjórð­
ung var 23:14 fyrir Snæfell. Áfram
voru heimastúlkur með frumkvæðið í
leiknum og voru yfir í hálfleik 43:34.
Hlutirnir fóru að gerast hjá gestun­
um snemma í seinni hálfleiknum. Í
stöðunni 47:37 fyrir Snæfell gerðu
Hakar 11:0 áhlaup og komust yfir
48:47. Þær voru yfir fyrir lokafjórð­
unginn 54:53. Jafnt var næstu mín­
úturnar en í stöðunni 59:59 komust
Haukar í tíu stiga forystu 73:63 og þá
var reyndar ekki mikið eftir af leikn­
um því lokatölur voru eins og áður
segir, 74:67. Hjá Snæfelli var Kristen
McCarthy með 20 stig og 11fráköst,
Hildur Sigurðardóttir skoraði 14
stig, tók 8 fráköst og átti 7 stoðsend­
ingar, Gunnhildur Gunnarsdóttir
skoraði 11 stig, Berglind Gunnars­
dóttir 7, Helga Hjördís Björgvins­
dóttir 5, Hugrún Eva Valdimarsdótt­
ir og María Björnsdóttir 4 stig hvor
og Rebekka Rán Karlsdóttir 2.
Snæfell er enn með fjögurra stiga
forskot á Keflavík á toppi deildarinn­
ar. Í næstu umferð verður stórleik­
ur og toppslagur í Hólminum þegar
Keflavíkurstúlkur koma í heimsókn á
laugardaginn.
þá/ Ljósm. sá.
Haukar rufu sigurgöngu
Snæfellskvenna
Karlalið Snæfells náði að knýja fram
sigur á Grindvíkingum þegar liðin
mættust í lokaumferð Dominos­
deildarinnar í Stykkishólmi síðast­
liðið fimmtudagskvöld. Um hörku­
leik var að ræða sem endaði með
tveggja stiga sigri Snæfells; 91:89.
Snæfell endaði með 18 stig í níunda
sæti deildarinnar. Þetta var kveðju­
leikur leikmannsins Pálma Freys
Sigurgeirssonar, hins reynda spilara,
en hann er orðinn 37 ára gamall og
á að baki langan feril í körfuboltan­
um. Pálmi hefur leikið með Snæfelli
frá 2010 og hafði þar á undan spilað
tvö tímabil með félaginu. Lengst af
lék hann með Breiðabliki og KR.
Gestirnir frá Grindavík byrj­
uðu betur í leiknum og voru einu
stigi yfir eftir fyrsta leikhluta 19:18.
Snæfellingar náðu sér á strik strax
í byrjun annars leikhluta og voru
ellefu stigum yfir í hálfleik 51:40.
Sami munur var fyrir lokafjórð­
unginn en þegar leið á hann gerðu
Grindvíkingar áhlaup og náðu að
minnka muninn niður í tvö stig,
78:80. Snæfell náði aftur að rífa sig
burtu en gestirnir náðu síðan aftur
að minnka muninn í tvö stig í blá­
lokin. Lokastaðan eins og áður seg­
ir 91:89 fyrir Snæfell. Chris Wo­
ods skoraði 27 stig, tók 12 fráköst
og varði þrjú skot, Sigurður Á Þor­
valdsson skoraði 17 stig og tók 10
fráköst, Pálmi Freyr Sigurgeirsson
skoraði 16 stig, Austin Bracey 11,
Stefán Karel Torfason 11 stig og 12
fráköst, Snjólfur Björnsson 7 stig og
Sveinn Arnar Davíðsson 2.
þá/ Ljósm. sá.
Snæfellingar kvöddu með sigurleik
Skallagrímsmenn réðu ekki við Tindastól
Skallagrímur fékk Tinda­
stól í heimsókn í loka­
umferð Dominosdeild­
arinnar á fimmtudags­
kvöldið. Þrátt fyrir að tapa 91:101
kvöddu Skallagrímsmenn deild­
ina með ágætum leik. Skallagrím­
ur endaði í neðsta sæti deildarinn­
ar með átta stig, tveimur minna en
Fjölnir en bæði lið leika í fyrstu
deildinni næsta vetur.
Skallagrímsmenn byrjuðu ágæt­
lega í leiknum en Tindastólsmenn
náðu þó fljótt yfirhöndinni og voru
sex stigum yfir eftir fyrsta leikhluta,
23:29. Gestirnir voru áfram með
frumkvæðið en munurinn aldrei
mikill. Fjórum stigum munaði á
liðunum í hálfleik 52:56. Sveiflur
voru í leiknum í seinni hálfleiknum,
Tindastólsmenn komust í tíu stiga
mun en Skallagrímur gerði áhlaup
og minnkaði muninn í tvö stig 68:70
og síðan í eins stigs mun 73:74.
Fimm stigum munaði á liðunum
fyrir lokafjórðunginn 76:81 fyrir
Tindastól. Sauðkrækingarnir virt­
ust síðan eiga meira eftir á tankinum
og innbyrtu öruggan sigur 101:91.
Páll Axel Vilbergsson átti mjög góð­
an leik fyrir Skallagrím, skoraði 30
stig og hirti 8 fráköst, Magnús Þór
Gunnarsson skoraði 19 stig, Sig­
tryggur Arnar Björnsson 15 og átti
6 stoðsendingar, Trausti Eiríksson
skoraði 6 stig og tók 6 fráköst, Eg­
ill Egilsson 7 stig, Davíð Ásgeirsson
5, Daði Berg Grétarsson 4 og Davíð
Guðmundsson 3. þá
Kári sigraði á fotbolti.net mótinu
Knattspyrnumenn í Kára á Akranesi
mættu KB í úrslitaleik í fotbolti.net
mótinu sem lauk fyrr í þessum mán­
uði. Átta lið tóku þátt í mótinu sem
var fyrsta mót fotbolti.net í c­deild,
en í mótinu tóku þátt nokkur af
sterkustu fjórðu deildarliðum lands­
ins og nokkur sterk þriðju deildarlið.
Káramenn kláruðu sinn riðil nokkuð
örugglega og voru búnir að trygga
sér toppsætið eftir aðeins tvo leiki og
í leiðinni sæti í úrslitaleiknum.
Ljóst var í upphafi leiks að bæði lið
voru mætt til að vinna bikarinn eftir­
sótta og voru bæði lið vel mönnuð og
í fínu formi. Káramenn voru nokkuð
meira með boltann í fyrri hálfleik, en
KB beitti mjög hættulegum skyndi­
sóknum. Úr einni skyndisókninni
skoruðu KB fyrsta mark leiksins eft­
ir klaufagang Káramanna og staðan
0­1, en Kwami Obaion Silva Santos
skoraði mark KB. Káramenn héldu
áfram að reyna að jafna fyrir hálfleik
og þrátt fyrir nokkrar góðar tilraun­
ir þá tókst það ekki og staðan 0­1 KB
í vil í hálfleik. Það var ljóst að ræða
Sigurðar Jónssonar þjálfara Kára­
manna hafði sitt að segja í hálfleik
því eftir hlé mættu Káramenn mun
beittari en áður til leiks og seinni
hálfleikur var ekki nemar nokk­
urra mínútna gamall þegar Fjalar
Örn Sigurðsson jafnaði fyrir Kára­
menn með góðu marki. Ekki leið á
löngu þar til Káramenn náðu forystu
í leiknum, en þá tók hægri bakvörð­
urinn Arnar Freyr Sigurðsson góða
rispu og skoraði stórglæsilegt mark
fyrir utan teig efst upp í fjær hornið,
algjörlega óverjandi fyrir markvörð
KB. Káramenn héldu svo áfram að
sækja á meðan KB virtist gefa sold­
ið eftir. Káramenn gerðu svo endan­
lega út um leikinn um miðjan seinni
hálfleikinn þegar Aron Þorbjörnsson
sem var nýkominn inná sem vara­
maður skoraði úr sinni fyrstu send­
ingu. Niðurstaðan sanngjarn 3­1 sig­
ur Káramanna gegn sterku liði KB
og fyrsti bikar félagsins staðreynd.
sgh
Kári bar sigur úr býtum í fotbolti.net mótinu.
Fyrir skemmstu var haldinn stofn­
fundur Klifurfélags Akraness. Í
stjórn voru kosin þau Kjartan Þor­
steinsson, Sigrún Þorgergsdóttir
og Ágúst Heimisson. Félagið stefn­
ir að því að sækja formlega um að­
ild að Íþróttabandalagi Akraness og
keppa undir merkjum ÍA. Fram­
undan hjá Klifurfélaginu er helgar­
ferð, ásamt klifrurum úr Reykjavík­
ur. Farið verður til Dalvíkur þar sem
æft verður í félagsheimilinu Víkur­
röst en þar leynist einn af mörgum
klifurveggjum landsins.
Sunnudaginn 8. mars síðastliðinn
fór síðasta mótið í Íslandsmeistara­
mótaröðinni í klifri fram. Var það
haldið í Klifurhúsinu í Reykjavík.
Fimm þátttakendur tóku þátt frá
Klifurfélagi Akraness; Gyða, Hjalti,
Helga Rós og Sylvía klifruðu í yngsta
flokki (8­10 ára) og Ástrós Elísabet
klifraði í 11­12 ára flokki. „Mótið
var með erfiðara móti í þetta skipt­
ið en mikið um skemmtilegar klif­
urleiðir þar sem miklar framkvæmd­
ir hafa staðið yfir og klifursvæðið í
húsinu stöðugt að stækka. Að loknu
móti fengu allir þátttakendur verð­
launapening fyrir þátttöku. Ástrós
Elísabet varð í öðru sæti í sínum
flokki eftir samanlögð stig úr fjórum
mótum vetrarins og er það glæsileg­
ur árangur,“ segir Þórður Sævarsson
hjá Klifurfélagi Akraness.
mm
Klifurfélagið mun sækja um aðild að ÍA
Silfurverðlaunahafinn frá mótinu í
Klifurhúsinu, Ástrós Elísabet.