Skessuhorn - 18.03.2015, Blaðsíða 2

2 MIÐVIKUDAGUR 18. MARS 2015
Illviðri setur
mark á
umferðartölur
VESTURLAND: Öku­
tækjum um Hvalfjarðargöng
fækkaði um 5.700 frá febrúar
2014 til sama mánaðar 2015
eða um 4,8%. Á vef Spal­
ar segir að nærtækasta skýr­
ingin sé auðvitað sú að djúp­
ar læg ðir, sem koma á færi­
bandi til landsins, svipti veg­
farendum ferðaveðrinu aftur
og aftur. Það birtist ljóslega
í umferðartölunum. Vega­
gerðin mældi samdrátt upp á
nánast sama hlutfall á hring­
veginum í febrúar eða um
5%. Þar á bæ þarf að leita
til ársins 2010 til að finna
álíka samdrátt í þessum til­
tekna mánuði frá fyrra ári.
Samdrátturinn var mestur á
Suðurlandi en umferð jókst
hins vegar á Norðurlandi og
Austurlandi.
-þá
Sitja eftir í sam-
göngumálum
BORGARBYGGÐ: Á
fundi sveitarstjórnar Borgar­
byggðar síðastliðinn fimmtu­
dag var samþykkt ályktun
um samgöngumál. Sveitar­
stjórn Borgarbyggðar leggur
áherslu á að auknu fjármagni
verði veitt í bundið slitlag á
tengivegi og að hafnar verði
framkvæmdir til uppbygging­
ar og viðhalds vega í sveitum
héraðsins. Í ályktuninni seg­
ir að það sé orðið mjög að­
kallandi að tryggja greiðari
samgöngur íbúa með tilliti
til aukinna atvinnutækifæra
og þeirrar miklu fjölgunar
ferðamanna sem framundan
er. „Borgarbyggð er eitt víð­
feðmasta sveitarfélag lands­
ins en tengivegir í Borgar­
byggð eru samtals 263,4 km.
Ef litið er til heildartalna yfir
bundið slitlag í stoðvega­
kerfi landsins þá sýna tölur
að einungis 4% af þessu slit­
lagi er í Borgarbyggð, eða
12 km. Þetta telur sveitar­
félagið ekki ásættanlegt en
uppbygging tengivega hef­
ur ávallt verið forgangsmál í
sveitunum og talin forsenda
stækkunar atvinnusvæða og
bættra búsetuskilyrða.
–þá
Arason í
banastuði
BORGARFJ: Einmennings­
keppni Briddsfélags Borg­
arfjarðar hófst á mánudags­
kvöldið. 27 spilarar mættu
til leiks svo úr varð ein yfir­
seta sem flakkaði um salinn.
Guðmundur Arason á titil að
verja og hann gerði mönnum
ljóst að bikarinn yrði ekki lát­
inn af hendi refjalaust. End­
aði Guðmundur langefst­
ur með rúmlega 65% skor.
Kópa­Jón varð annar með
ríflega 61% í vasanum og
Sveinbjörn skoraði 56,3%
líkt og Ingólfur og deildu
þeir því þriðja sætinu. Lár­
us varð svo fimmti með slétt
56%. Mótinu verður fram­
haldið að viku liðinni og ljóst
að menn verða að bæta sig ef
bikarinn á að hafa vistaskipti.
Allir eru velkomnir.
-ij
Sólmyrkvi verður á föstudaginn. Skessu-
horn minnir fólk á að nota skilyrðislaust
sérstök sólmyrkvagleraugu ætli það og
geti horft til sólar. Annað getur valdið
varanlegum augnskaða. Vísað er einn-
ig í grein Guðrúnar Guðmundsdóttur
augnlæknis hér aftarlega í blaðinu.
Minni veðursveiflur virðast í kortunum
næsta daga en verið hafa að undan-
förnu. Á fimmtudag er spáð austlæg-
um strekkingi og rigningu eða slyddu
sunnan- og vestan til en heldur kald-
ara fyrir norðan og austan með snjó-
komu eða slyddu. Á föstudag er spáð
hægri suðlægri eða breytilegri átt og
þurru á flestum svæðum landsins en
bætir í vind vestan til um kvöldið með
rigningu eða slyddu. Á laugardag er út-
lit fyrir stinningskalda að suðri og rign-
ingu eða súld einkum sunnan- og vest-
an til. Útlit er fyrir sömu átt og vindstyrk
á sunnudag en þá kólni aðeins með élj-
um á sunnan- og vestanverðu landinu.
Í síðustu viku var spurt á vef Skessu-
horns: „Hefur tíðarfarið áhrif á geðslag
þitt?“ Samkvæmt svörunum virðist svo
vera. „Já mjög mikil“ sögðu 21,6% og
„já einhver“ 36,8%. „Nei engin áhrif“ var
svar 34,6% en 7% vissu það ekki.
Í þessari viku er spurt:
Hyggur þú á utanlandsferð
á þessu ári?
Frábærar söngkonur af Vesturlandi taka
nú þátt í hæfileikakeppninni „Ísland got
talent“ á Stöð2. Alda Dís Arnardóttir frá
Hellissandi kom, sá og sigraði í keppni
síðastliðið sunnudagskvöld, en næsta
sunnudag keppir Margrét Saga Gunn-
arsdóttir frá Akranesi. Þær eru Vest-
lendingar vikunnar.
Til minnis
Veðurhorfur
Spurning
vikunnar
Vestlendingur
vikunnar
Almannavarnanefnd í Snæ­
fellsbæ kom saman til fundar síð­
astliðinn fimmtudag vegna yfir­
vofandi snjóflóðahættu ofan við
Engihlíð í Ólafsvík. Tekin var
ákvörðun um að rýma tvær neðri
hæðir í efstu íbúðablokkinni við
Engihlíð og einnig heilsugæslu­
stöðina en þessar tvær bygging­
ar standa efst á þessum stað í
kauptúninu. Snjór var þá kom­
Sveitarstjórn Borgarbyggðar sam­
þykkti á fundi 12. mars síðastlið­
inn að ráða Guðrúnu S. Hilmis­
dóttur í starf sviðsstjóra umhverf­
is­ og skipulagssviðs. 23 umsækj­
endur voru um starfið. Guðrún er
byggingaverkfræðingur að mennt
frá Háskóla Íslands og Danmarks
Tekniske Universitet. Hún hef­
ur víðtæka reynslu af stjórnun og
verkfræðistörfum. Guðrún hef­
ur undanfarin ár starfað sem verk­
efnisstjóri hjá umhverfis­ og skipu­
lagssviði Reykjavíkurborgar en
vann áður hjá bæði Eski verkfræði­
stofu og Hönnun. Þá starfaði hún
í nokkur ár hjá Sambandi íslenskra
sveitarfélaga við umhverfismál
sveitarfélaga og menntamálaráðu­
neytinu en þar vann hún m.a. að
verkefnum sem sneru að kostnað­
arþátttöku ríkisins vegna byggingu
grunnskóla. Guðrún þekkir sveitar­
félagið Borgarbyggð vel en hún bjó
um tíma í Borgarnesi.
þá
Tveir hópferðabílar fuku og lentu
utan vegar í óveðrinu sem geisaði
um landið vestanvert á föstudaginn.
Skömmu fyrir klukkan tvö fauk lít­
il rúta út af veginum til móts við
Höfðasel á Akranesi, Æðarodda­
megin. Ökumaður var einn í bíln­
um, kenndi eymsla og var fluttur til
aðhlynningar á sjúkrahúsið á Akra­
nesi. Klukkan 14:18 fauk rúta frá
BSA Norðurleið útaf þjóðveginum
við Hafnarfjall. Sautján manns voru
í bílnum og sluppu allir án meiðsla.
Björgunarsveitarmenn í Brák í
Borgarnesi ferjuðu fólkið í Borgar­
nes. mm/ Ljósm. mþh
Útgerð Arnars ehf. í Stykkishólmi
hefur gert samning við Melnes
ehf. í Rifi um sölu á Arnari II SH
557 ásamt krókaaflahlutdeild og
krókaaflamarki sem bátnum fylgir.
Krókaaflamark á yfirstandandi fisk­
veiðiári var tæp 57 tonn af þorski,
um 1,2 tonn af ýsu, 1,5 af ufsa, 1,2
tonn af blálöngu og um 600 kíló af
öðrum tegundum, alls 60,95 þorsk­
ígildistonn. Með vísan í 3. mgr. 12.
greinar laga nr. 116/2006 um stjórn
fiskveiða var Stykkishólmsbæ boð­
inn forkaupsréttur að Arnari II
SH 557. Sturla Böðvarsson bæjar­
stjóri vakti á laugardaginn máls á
þessu á vef bæjarins, en benti jafn­
framt á að frestur til að ganga inn
í kaupin væri skammur. „Um leið
og vakin er athygli á því að bæjar­
stjórn þarf að taka afstöðu til for­
kaupsréttar er upplýsingum kom­
ið á framfæri um þessa fyrirhuguðu
sölu bátsins og aflaheimilda sem
æskilegt væri að gætu áfram nýst
útgerð, fiskvinnslu og starfsmönn­
um hjá sjávarútvegsfyrirtækjum í
Stykkishólmi, sagði Sturla. Óskaði
hann eftir viðbrögðum þeirra sem
kynnu að vilja nýta sér þann mögu­
leika að ganga inn í fyrirliggjandi
samning. Berist tilboð um að ganga
inn í kaupin mun Stykkishólmsbær
nýta sér forkaupsréttinn. Tilboðum
þurfti að skila inn til bæjarins fyrir
klukkan 16 í gær, þriðjudaginn 17.
mars. Tilboð, ef þau berast, verða
síðan tekin fyrir á fundi bæjarráðs á
morgun, 19. mars.
mm/ Ljósm. af.
Guðrún S. Hilmisdóttir.
Ráðið í nýtt starf sviðsstjóra hjá Borgarbyggð
Vísað til laga um að nýta megi
forkaupsrétt á Arnari II SH
Andri Heide læknir og Þórarinn Steingrímsson neyðarflutningamaður, en rýma
varð heilsugæslustöðina.
inn að hluta til yfir snjóflóða­
varnagirðinguna í Tvísteinahlíð.
Lítilsháttar hreyfing hafði verið
á snjó í hlíðinni en ekkert stórt
flóð fallið. Prýðilegt veður var í
Ólafsvík á fimmtudaginn, lítils­
háttar hiti og kyrrt.
Snjóflóð féll úr Tvísteinahlíð
í óveðri veturinn 1995 og stór­
skemmdist þá húsnæði heilsu­
gæslustöðvarinnar. Eftir það var
tekin ákvörðun um byggingu
varnargirðinganna í Tvísteina­
hlíð en þeim framkvæmdum lauk
2007.
af
Rútan frá Norðurleið sem fór útaf við Hafnarfjall. Sautján voru í henni og sluppu
allir án meiðsla.
Tvær rútur fóru illa í óhöppum á föstudaginn
Hús voru rýmd vegna snjóflóðahættu í Ólafsvík
Rútan sem fauk við Höfðasel á Akranesi er illa farin og líklega ónýt.