Skessuhorn - 17.02.2016, Page 10
MIÐVIKUDAGUR 17. FEBRÚAR 201610
Kattarfló hefur greinst í ketti á höf-
uðborgarsvæðinu en óværa þessi er
ekki landlæg hér á landi. Kattafló
getur valdið bæði dýrum og mönn-
um miklum óþægindum og jafnvel
veikindum. Matvælastofnun hvetur
í tilkynningu fólk til að vera á varð-
bergi gagnvart þessari óværu og
leggur áherslu á að reynt verði að
uppræta hana.
Kattafló hefur aðeins greinst í
stökum tilfellum hér á landi, m.a. á
hundum á árunum 1980 og 1984 og
á innfluttum dýrum í einangrun árið
2012 (kanína) og árið 2013 (hund-
ur). Í öllum tilvikum náðist að upp-
ræta flóna. Vert er að vekja athygli
á að kattafló er frábrugðin fuglafló
(Ceratophyllus gallinae), sem er
landlæg hér á landi. Fuglaflær geta
ekki fjölgað sér á og lifað á köttum
og hundum eins og kattaflóin. Dýr-
in geta þó borið fuglaflærnar í feldi
sínum í skamman tíma og þá oft
eftir að hafa komið nálægt hreiðr-
um eða fuglum á sumrin. Ekki er
hægt að greina milli kattaflóa og
fuglaflóa með berum augum, það
þarf að gera í smásjá af fagfólki.
Kattaflóin getur valdið bæði dýr-
um og mönnum miklum óþægind-
um og jafnvel veikindum. Hún get-
ur jafnframt borið með sér sýkla
sem ekki hafa greinst í dýrum hér á
landi, svo sem Rickettsia og Barto-
nella, sem geta valdið veikindum í
köttum og jafnframt borist í fólk.
Það er því mikils um vert að koma
í veg fyrir að hún nái fótfestu hér
á landi. Matvælastofnun hvetur því
fólk til að vera á varðbergi og hafa
samband við dýralækni ef það telur
sig sjá flær á dýrum sínum.
Ef dýrin klóra sér, sleikja eða
bíta í húðina meira en venjulega
er rétt að skoða feldinn vel. Flærn-
ar eru dökkbrúnar, u.þ.b. 1-3 mm
að stærð og eru því sýnilegar með
berum augum. En stundum get-
ur verið erfitt að koma auga á þær
sjálfar og oft auðveldara að sjá flóa-
skítinn. Ráð er að setja hvítt hand-
klæði undir dýrið og nudda feldinn
eða kemba með flóakambi, ef svört
korn falla úr feldinum er hugs-
anlegt að þau séu flóaskítur. Haf-
ið samband við dýralækni ef grun-
ur um flær vaknar. Dýrin þarf að
meðhöndla og samhliða þarf að
gera ráðstafanir á heimilinu til að
uppræta flærnar. Egg flónna falla
af dýrinu og klekjast út t.d. í tepp-
um, húsgögnum og glufum í gólfi.
Lirfurnar þrífast best við stofuhita
og hátt rakastig. Lirfurnar púpa sig
eftir nokkra daga og fullorðnar flær
koma svo úr púpunum þegar að-
stæður eru hentugar, s.s. þegar lif-
andi dýr eða manneskja er í hæfi-
legri nálægð.
mm
Kattarfló greinist á ketti
Miðvikudaginn 10. febrúar síð-
astliðinn hittu björgunarsveitir úr
Borgarfirði og Akranesi þyrlubjörg-
unarsveit frá kanadíska flughern-
um uppi á Langjökli. Þyrlusveitin
var stödd hér á landi í boði Land-
helgisgæslu Íslands. Með þeim kom
að auki sveit undanfara frá Hjálp-
arsveit skáta í Garðabæ sem flaug
með þeim frá Reykjavík.
Þyrlusveitin sinnir björgun og
eftirliti á hafsvæðinu sem nær frá
Nýfundnalandi að björgunarsvæði
Íslands. Tilgangur ferðarinnar var
að kynnast viðbragðsaðilum á Ís-
landi, kynnast starfsaðferðum þeirra
og deila sinni reynslu og kunnáttu
með þeim. Heimsóknir sem þess-
ar eru einnig mikilvægar til að gera
íslenska viðbragðsaðila betur búna
undir að taka á móti erlendu björg-
unarliði ef á þyrfti að halda.
Ætlunin var að æfa með þyrlum
kanadísku sveitarinnar og Land-
helgisgæslu Íslands um morguninn.
Sú áætlun fór þó úr skorðum þar
sem báðar þyrlurnar voru kallað-
ar út vegna slyss í Reynisfjöru, þeg-
ar erlendan ferðamann tók þar út
með briminu. Þrátt fyrir það náðist
að nýta tímann nokkuð vel. Þyrlu-
sveitin fékk að kynnast björgunar-
tækjum íslensku sveitanna og fékk
bílferð um jökulinn þar sem mann-
gerðu ísgöngin hjá Into the Gla-
cier voru meðal annars skoðuð. Þá
fékk íslenska björgunarsveitarfólkið
að kynnast þyrlunni og fór í stutta
flugferð.
Kanadíska þyrlan er mjög stór
og öflug, af gerðinni Agusta West-
land CH-149 Cormorant. Hún er
næstum helmingi stærri en þyrl-
ur íslensku Landhelgisgæslunnar.
Hún getur tekið 30 farþega í sæti
eða 16 sjúklinga í börum, auk fimm
manna áhafnar. Flugþolið er allt
að 750 sjómílur (1.389 km). Und-
ir stéli hennar er rampur sem hægt
er að setja niður til að taka inn og
setja út farm.
Kjartan S Þorsteinsson, Björgunar-
félagi Akraness skráði.
Ljósm. Kristveig Anna Jónsdóttir.
Kanadísk þyrlusveit æfði með
björgunarsveitum á Langjökli
Vilhjálmur Egilsson rektor útskrif-
aði á laugardaginn tæplega 80 nem-
endur úr öllum deildum skólans. Í
útskriftarræðu sinni vék Vilhjálmur
að því að fyrst og fremst væri Há-
skólinn á Bifröst til fyrir nemend-
ur og allt starf skólans mjög nem-
endadrifið. Þannig lifi skólinn á því
að veita nemendum framúrskar-
andi kennslu og námsumgjörð og
búa nemendur vel undir þátttöku
á vinnumarkaðnum í framhaldi af
skólanáminu. Þá ræddi Vilhjálmur
um að í stefnumörkun ársins sem
og í nánustu framtíð væri að gera
enn betur, enn hagkvæmar og enn
meira. „Þess vegna erum við á árinu
2016 að beina nýsköpunargetunni
fyrst og fremst að núverandi náms-
línum og núverandi kennsluaðferð-
um og skipulagi þannig að skólinn
eins og hann er verði betri, hag-
kvæmari og skili meiru til nemend-
anna,“ sagði Vilhjálmur.
Fín lína á milli
metnaðar og græðgi
Í ræðu sinni vék Vilhjálmur einnig
að mikilvægi þess að þekkja mun-
inn á metnaði og græðgi þar sem
að oft gæti verið erfitt að finna lín-
una þar á milli. Hann sagði metn-
að sannarlega vera eina af dyggð-
um mannsins en græðgin verði
fólki aldrei annað en að fótakefli
þar sem það sæktist eftir sífellt
meiru án þess að taka tillit til ann-
arra og verði aldrei ánægt með það
sem það hafi. Þetta væri mikilvægt
að hafa í huga á tímum sem nú
þegar ör hækkun verður á tekjum
og kaupmætti í samfélaginu. Sam-
hliða rifjaði Vilhjálmur upp gildi
Háskólans á Bifröst; frumkvæði,
samvinnu og ábyrgð, þar sem
frumkvæði og metnaður haldist í
hendur en ábyrgðin sé eitt af þeim
tækjum sem megi nota til að verj-
ast græðginni. „Við eigum líka eft-
ir að sjá margar freistingarnar í at-
vinnulífinu verða á vegi þeirra sem
þar hasla sér völl. Ótal tilboð og
tækifæri munu koma fram þar sem
menn vilja kaupa og selja á háu
verði verðmæti sem ekki er búið að
skapa og fjárfesta á grunni óraun-
hæfra væntinga. Á endanum munu
þeir svo lifa sem hafa getuna til að
taka á sig áföll þegar þau koma,“
sagði Vilhjálmur.
Í ræðu sinni rakti rektor einn-
ig það ferli sem liggur að baki því
að gæði Háskólans á Bifröst voru
nýverið staðfest af Gæðaráði ís-
lenskra háskóla. Bæri nemendum
að líta á þá staðfestingu sem sína
útskriftargjöf. „Gleðjumst í dag.
Framtíðin kemur á morgun. Við
erum undirbúin fyrir hana,“ sagði
Vilhjálmur í lok ræðu sinnar til út-
skriftarnema.
Verðlaun og
útskriftarræður
Útskriftarverðlaun hlutu Elva Pét-
ursdóttir á viðskiptasviði, Björn
Líndal Traustason á lögfræðisviði
og Gústaf Gústafsson á félagsvís-
indasviði. Í meistaranámi hlutu út-
skriftarverðlaun Magnús Bolla-
son á viðskiptasviði, Rakel Marín
Jónsdóttir á lögfræðisviði og Þór-
unn Björnsdóttir á félagsvísinda-
sviði. Malin Marika Eldh hlaut
viðurkenningu frá VR fyrir best-
an árangur í diplómanámi í versl-
unarstjórnun. Að auki fengu eftir-
farandi þrír nemendur felld nið-
ur skólagjöld á haustönn í tilefni
af framúrskarandi námsárangri:
Ása María H. Guðmundsdóttir á
félagsvísindasviði, Svanberg Hall-
dórsson á viðskiptasviði og Ellen
Ósk Eiríksdóttir á lögfræðisviði.
Nemendur sem héldu útskriftar-
ræðu voru: Jóna Dóra Ásgeirsdótt-
ir fyrir hönd viðskiptasviðs, Sjöfn
Hilmarsdóttir fyrir hönd lögfræði-
sviðs og Georg Kristinsson fyrir
hönd meistaranema.
Í ávörpum fulltrúa allra útskrift-
arhópa kom fram mikil ánægja með
að hafa valið Háskólann á Bifröst.
Samkenndin meðal nemenda væri
rík á Bifröst og að Háskólinn á Bif-
röst væri í alla staði góður skóli til
að öðlast framúrskarandi menntun
sem skilaði nemendum vel undir-
búnum út í atvinnulífið. Karlakór-
inn Söngbræður sá um söngatriði
við útskriftina við undirleik Heim-
is Klemenzsonar.
mm/mó
Brautskráð frá Háskólanum á Bifröst
Vilhjálmur Egilsson rektor stýrði
athöfninni.
Horft yfir salinn við útskriftarathöfnina.