Skessuhorn - 17.02.2016, Síða 18
MIÐVIKUDAGUR 17. FEBRÚAR 201618
Knattspyrnufélag ÍA er 30 ára um
þessar mundir og mun þess verða
minnst á aðalfundi félagsins sem
verður á morgun, 18. febrúar. Knatt-
spyrnufélag ÍA var formlega stofn-
að 2. febrúar 1986. Stofnun þess
markaði tímamót í knattspyrnusögu
Akraness, þar sem hin gömlu og rót-
grónu knattspyrnufélög KÁRI og
KA voru sameinuð í rekstri nýs fé-
lags. Í raun hefur gömlu félögun-
um aldrei verið slitið, en um það var
samkomulag að þau fengju að lifa
sem tákn um gamla tíma.
Aðdragandi þessara breytinga áttu
sér nokkun aðdraganda, en nefnd
á vegum félaganna hafði unnið að
þessum breytingum og gert tillögur
að þessu nýja félagaformi. Nefndin
vann gott starf undir styrkri stjórn
Gísla Gíslasonar fyrrum formanns
KFÍA sem á þessum árum var vara-
formaður stjórnar Íþróttabandalags
Akraness. Óhætt er að segja að ýms-
ir annmarkar hafi strax komið upp,
en nefndin vann vel úr þeim málum
og þegar grunnhugmyndin hafði
verið samþykkt í gömlu félögunum
var boðað til félagsfundar og þessar
breytingar samþykktar. Árin þarna
á undan höfðu verið knattspyrnu-
fólki á Akranesi sérlega sigursæl, en
áhöld voru um hvort félagaform-
ið stæðist lög. Það umfram annað
kallaði á þessar breytingar. Á stofn-
fundinum 1986 var kosin stjórn fyr-
ir hið nýja félag. Formaður var Jón
Gunnlaugsson og aðrir stjórnar-
menn voru Hörður Helgason, Áki
Jónsson, Kristján Sveinsson, Hörð-
ur Jóhannesson og Ólafur Grétar
Ólafsson.
Saga gömlu félaganna
Saga gömlu knattspyrnufélaganna
hafði verið farsæl allt frá stofnun
þeirra 1922 og 1924. Þau gengdu
lykilhlutverki í félagsstarfi á Akra-
nesi og þó rígur hafi verið mik-
ill milli félagsmanna, gleymdu þeir
þó aldrei því meginhlutverki sínu að
efla íþróttastarfið og með árunum
stigu forráðamenn þeirra það gæfu-
spor að ganga sameinaðir til lands-
keppni. Með tilkomu nýrra íþrótta-
laga 1946 urðu það hérðaðssambönd
sem leiddu íþróttastarfið. Þá varð
Íþróttabandalag Akraness til í þeirri
mynd sem það hefur síðan verið.
Frá sama tíma gengu knattspyrnu-
menn sameinaðir til átaka og byggð-
ist félagsstarf þess á stofnun knatt-
spyrnuráðs sem skipað var fulltrúum
gömlu félaganna. Knattspyrnuráðið
annaðist með öllu allt knattspyrn-
ustarfið og sinnti því starfi á farsæl-
an hátt. Þannig var formið áður en
hið nýja félag var stofnað. Óhætt er
að segja að sú velgengni sem knatt-
spyrnan á Akranesi hafði, hafi í meg-
inefnum byggst á sterkri framtíðar-
sýn forráðamanna þess tíma. Að
senda eitt keppnislið til keppni setti
ÍA á hærri stall og því má segja að
Akranes hafi verið á undan öðrum
landsbyggðarlögum í árangri um
áratugaskeið. Með árunum og nýj-
um kynslóðum breyttist starf gömlu
félaganna. Félagsstarf eins og það
hafði verið mestan þennan tíma
hafði dregist mikið saman. Af þeim
sökum hafði lengi verið umræða
um breytingar sem síðan drógust á
laginn til ársins 1986. Við stofnun
Knattspyrnufélags ÍA 1986 var þess
gætt að hið nýja félag væri byggt á
þeim gamla grunni sem fyrir var.
Árin síðan hafa sýnt svo um mun-
ar að lítil breyting varð á árangri og
félagsstarf hefur þróast með árunum
og er sérlega gott í dag. Hér verður
stiklað á stóru úr starfi Knattspyrnu-
félags ÍA í 30 ár.
Fyrstu árin
Strax á fyrsta starfsárinu var að
mörgu að hyggja. Metnaðarfullt
íþróttastarf eins og það hafði þró-
ast varð að halda áfram og eins
lagði stjórnin áherslu á að byggð
yrði upp meiri og betri íþróttaað-
staða og félaginu yrði sköpuð að-
staða til að sinna félagsstarfinu bet-
ur. Á þessum fyrstu árum má segja
að brotið hafi verið blað á fjóra
vegu í verkefnum sem til framfara
horfðu. Í fyrsta lagi fékk félagið af-
not að félagsaðstöðu í hinni nýju
sundlaugarbyggingu sem þá var í
byggingu, í öðru lagi var hafin upp-
bygging æfingasvæðisins, í þriðja
lagi var sett á stofn barna- og ung-
lingamót í stíl við það sem þekk-
ist í dag með Norðurálsmótið og
í fjórða lagi yfirtók félagið rekstur
íþróttavallarins. Allt þetta breytti
miklu um starfsemi og uppbygg-
ingu félagsins og örugglega hafði
það mikil áhrif á árangur á keppnis-
vellinum. Allar þessar framkvæmd-
ir byggðu á miklu sjálfboðaliða-
starfi og þannig var haldið áfram
þegar byggt var búningsklefahús
og fjölbreytt aðstaða á árunun eftir
1990 og síðan kom svo áhorfenda-
stúkan 1995. Árangur á íþróttavell-
inum lét ekki á sér standa og strax
á fyrsta starfsárinu var karlalið-
ið bikarmeistari, 3. flokkur kvenna
og eldri flokkur karla urðu Íslands-
meistarar. Ári síðar varð kvenna-
flokkur félagsins Íslandsmeistari
og tapaði naumlega í bikarúrslit-
um og karlaliðið vann Meistara-
keppni KSÍ og 4. flokkur drengja
varð Íslandsmeistari. Árið 1989 var
merkilegt ár í sögu knattspyrnunn-
ar á Akranesi. Á þeim tíma hafði ÍA
unnið gullverðlaun í öllum keppn-
isflokkum nema tveimur. Það voru
bikarmeistaratitill í kvennaflokki
og eins í þriðja flokki kvenna. Allir
aðrir flokkar félagsins höfðu unnið
meistaratitla og flestir margsinnis.
Báðar þessar keppnir unnust 1989
og þannig braut ÍA blað í íslenskri
knattspyrnusögu.
Langt sigurtímabil
Í byrjun tíunda áratugar síðustu
aldar var árangur misjafn en átti
síðan eftir að vera í hæstu hæð-
um. Karlaliðið var að ganga í gegn-
um breytingar en kvennaliðið hélt
sínu en ljóst var að stutt yrði í eitt-
hvað sérstakt. Eftir að karlaliðið
hafði unnið sig að nýju upp í úr-
valsdeild 1991 var ekki aftur snúið
og við tók árangur sem ekki á sér
hliðstæðu í íslenskri knattspyrnu.
Á árunum 1992 til 1996 var sam-
felld sigurganga í úrvalsdeildinni
og fimm meistaratitlar unnust í röð
og á þessum tíma vann liðið bæði
deild og bikar tvívegis sama árið. Þá
unnust tveir titlar í Meistarakeppni
KSÍ og liðið varð einnig fyrst til að
sigra í deildarbikarkeppninni 1996.
Kvennaliðið stóð sig einnig vel, var
í fremstu röð í deildarkeppninni
og lék til úrslita í bikarkeppnini
1989 – 1993 eða fimm ár samfellt.
Tvö fyrstu árin tapaðist leikur-
inn en þrjú síðustu árin vannst sig-
ur. Við áttum líka bestu og efnileg-
ustu leikmennina bæði í karla- og
kvennaflokki svo og markakónga
flest sigurárin. Yngri flokkarnir,
bæði drengir og stúlkur, stóðu sig
mjög vel og unnust nokkrir meist-
aratitlar á þessum árum. Árin í
kringum aldamótin voru á margan
hátt erfið fyrir knattspyrnustarfið á
Akranesi og var þar einkum um að
kenna fjárhagserfiðleikum, en ár-
angur á knattspyrnuvellinum var
þó vel viðunandi. Karlaliðið komst
í úrslit bikarkeppninnar árin 1999
og 2000 og sigraði í leiknum seinna
árið. Þá varð 4. flokkur drengja Ís-
landsmeistari 2000.
Breyttir tímar
á nýrri öld
Eins og fyrr er nefnt glímdi Knatt-
spyrnufélagið við fjárhagserfiðleika
um og kringum aldamótin. Því var
þörf á víðtækri endurskipulagningu
félagsins sem gerð var í lok ársins
2000. Það var því ekki mikil bjart-
sýni á góðan árangur strax en það
átti svo sannarlega eftir að breyt-
ast. Karlaliðið vann magnaðan sig-
ur í Íslandsmótinu 2001 og 2. flokk-
ur, bæði í karla- og kvennaflokki,
urðu Íslandsmeistarar og karlaliðið
auk þess bikarmeistari og 5. flokk-
ur drengja vann líka meistaratitil í
sínum flokki. Við áttum þetta ár
besta og efnilegasta leikmanninn
og einnig markakóng deildarinnar.
Þetta var svo sannarlega óvænt en
fyllilega sanngjarnt. Yngri flokkar
félagsins héldu síðan áfram næstu
árin að ná góðum árangri einkum 2.
og 3. flokkur beggja kynja. Þannig
var hægt að líta svo á að í hönd færi
sigursæl ár með svo efnilegt ungt
knattspyrnufólk en eitthvað gaf eft-
ir. Árin fram til 2005 voru ágæt.
Karlaliðið varð bikarmeistari 2003
og sömuleiðis deildarbikarmeistari
í þriðja sinn, vann síðan Meistara-
keppni KSÍ 2004. 2. flokkur karla
Íslandsmeistari 2004 og 2005 og
fjórði flokkur karla meistari 2005
og þriðji flokkur karla bikarmeistari
sama ár. Þegar hér er komið sögu er
eitthvað sem lætur undan og félagið
gefur tölvert eftir á leikvellinum.
Hverju það sætir skal ekki fjölyrt
um en í ljósi góðs árangurs á und-
anförnum árum hjá yngri flokkum
félagsins kom þessi staða nokkuð á
óvart. Með tilkomu Akraneshall-
arinnar 2006 verður bylting í allri
vetrarþjálfun og áhugi fyrir knatt-
spyrnu eykst mikið, enda skap-
aði höllin frábæra aðstöðu, einkum
fyrir yngra fólkið. Húsið er mik-
ið mannvirki og það hefur sýnt sig
að það var mikið framfaraspor tekið
við byggingu þess og er bæjarfélag-
inu til sóma. Þrátt fyrir að árangur
væri lakari á þessum árum en verið
hafði var öflugt félagsstarf til stað-
ar en fjárhagserfiðleikar gerðu stöð-
una erfiðari.
Áfram hélt þó öflugt félagsstarf
en fjárhagserfiðleikar gerðu stöð-
una erfiðari. Árið 2007 gaf þó vonir
um breytingar en þá nær liðið Evr-
ópusæti öllum að óvörum en áfram-
haldið er sorgarsaga því strax á næsta
árið fellur liðið um deild og dvelur
í 1. deild næstu þrjú árin. Haust-
ið 2009 er farið að huga að endur-
skipulagningu félagsins að nýju og
snýr hún einkum að framkvæmda-
stjórn, fjárhag og félagslegum þátt-
um. Í raun höfðu undanfarin ár ver-
ið þrjú knattspyrnufélög hvert með
sinn efnahagsreikning. Nýjar tillög-
ur miðuðu að því að hafa einn efna-
hagsreikning og skipta félaginu í
tvö svið, afrekssvið og uppeldissvið.
Þessar tillögur voru samþykktar á
aðalfundi félgsins árið 2010.
Hér hefur nokkuð verið fjallað
Knattspyrnufélag ÍA þrjátíu ára
-Jón Gunnlaugsson tók saman
Jón Gunnlaugsson.
Lið ÍA sem varð Íslands- og bikarmeistari karla árið 1993. Mynd: Ljósmyndasafn Akraness.
Fyrsta stjórn Knattspyrnufélags ÍA. Aftari röð f.v. Áki Jónsson, Hörður Jó-
hannesson, Kristján Sveinsson og Ólafur G. Ólafsson. Fyrir framan eru Jón Gunn-
laugsson og Hörður Helgason.
Skagamenn hömpuðu bikarmeistaratitli í knattspyrnu karla undir merkjum
Knattspyrnufélags ÍA stofnárið 1986 eftir sigur á Fram í úrslitaleiknum. Pétur
Pétursson og Guðbjörn Tryggvason gæta þess að lokið af bikarnum týnist ekki.
Ljósm. KFÍA.