Skessuhorn - 17.02.2016, Síða 20

MIÐVIKUDAGUR 17. FEBRÚAR 201620
Öskudagur hér og þar á Vesturlandi
Hann var fengsæll Öskudagurinn hjá þessum krökkum sem voru að
koma út úr Olís í Borgarnesi og voru að hraða sér í Húsasmiðjuna,
þegar ljósmyndari Skessuhorns tók þau tali. Aldrei þessu vant þá
var skóli á Öskudaginn og fóru börnin því óvenju seint af stað í
söng og sælgætisleiðangra sína. Ljósm. þg.
Gangandi veisluborð var á ferðinni á Akranesi. Þessi piltur átti m.a.
leið um Landmælingar Íslands þar sem myndin var tekin.
Ljósm. Guðni Hannesson.
Foreldrafélag Auðarskóla stóð fyrir öskudagsskemmtun í Dalabúð
í Búðardal. Þar koma hinar ýmsar furðuverur saman þar sem
kötturinn var sleginn úr tunnunni, dansað og haft gaman. Veitt
voru verðlaun fyrir flottasta búninginn, frumlegasta búninginn
og verðlaun fyrir þann sem hélt sér best í karakter. Fyrr um daginn
gengu skrautlega búin börn milli fyrirtækja og fengu góðar gjafir
að launum fyrir söng og veðrið lék við þennan fjörlega og flotta
hóp sem börnin eru. Ljósm. sm.
Margir lifðu sig inn í hlutverkin. Svipmynd úr Búðardal.
Ljósm. sm.
Syrpa með hluta þeirra sem komu við á ritstjórn Skessuhorns að morgni Öskudags. Ljósm. bbm
Í félagsmiðstöinni Arnardal á Akranesi var Öskudagsskemmtun
fyrir krakka í 5. - 7. bekk. Þar var kötturinn sleginn úr tunnunni
auk þess sem farið var í leik og sprell. Í ár var það hún Tanía Sól
Ragnarsdóttir í 6. CBR í Grundskóla sem sló köttinn úr tunnunni.
Seinna um daginn var svo skemmtun fyrir yngri krakkana en hún
fór fram í Grundaskóla. Ljósm. Arnardalur.
Yngstu mennirnir fengu að spreyta sig á að slá köttinn úr tunnunni í
Grundarfirði. Ljósm. tfk.
Hér gerir músin aðför að kettinum í tunnunni.
Ljósm. úr Búðardal. sm.
Á harðahlaupum í Hólminum. Ljósm. sá. Í Stykkishólmi er farin skrúðganga, m.a. að dvalarheimilinu. Hér er skólastjórinn að ræða við hópinn. Ljósm. sá.
Kraftur settur í höggið. Á öskudagsskemmtun í Grundarfirði.
Ljósm. tfk.