Skessuhorn - 17.02.2016, Side 22
MIÐVIKUDAGUR 17. FEBRÚAR 201622
Pennagrein
Opið hús verður haldið í Fjöl-
brautaskóla Vesturlands Akra-
nesi, miðvikudaginn 24. febrúar
kl. 17:00 – 19:00. Þá mun grunn-
skólanemendum og forráða-
mönnum þeirra gefast kostur á
að kynnast námsframboði skól-
ans og aðstöðu.
Skólinn hefur gengið í gegnum
mikla innri skoðun á síðustu mán-
uðum. Brýnt er að breið samstaða
sé meðal stjórnenda og starfsfólks
um það leiðarljós að byggja núver-
andi skólastarf á skýrri, framsæk-
inni stefnu sem er þess eðlis að nýj-
ar leiðir eru reyndar til að kljást við
þá þætti skólastarfsins sem ekki hef-
ur tekist nógu vel upp með. Stefn-
an er sett á að gera góðan skóla enn
betri, að skólinn verði lýðræðisleg-
ur, þar ríki jákvætt og gott andrúms-
loft og kennsluhættir séu fjölbreytt-
ir og framsæknir, því námsefni og
kennsluhættir hafa þróast og breyst
í takt við nýja tíma. Að sama skapi sé
lögð áhersla á kennslu við hæfi hvers
og eins.
Eins og aðrir framhaldsskól-
ar hefur FVA fengið nokkurt svig-
rúm til að móta starf sitt á þann hátt
sem menntaumræða samtímans hef-
ur kallað á. Kennarar og skólastjór-
nendur eiga að geta mótað starf og
sérstöðu hvers skóla fyrir sig á fag-
mannlegan og markvissan hátt.
Úr öldurótinu
Það er engin launung að gengið var
í gegnum erfiðan tíma á síðasta ári
sem nú er að baki. Sátt er um að
starfsfólk skólans beini kröftum sín-
um í jákvæðan farveg, til uppbygg-
ingarstarfs innan og utan skólans.
Eins og fram hefur komið í fjöl-
miðlum voru vinnusálfræðingar og
stjórnunarráðgjafi fengnir til að gera
úttekt á skólanum og hafa þeir nú
skilað niðurstöðum sínum. Í þeim
kemur m.a. fram að efla megi lýð-
ræðislegt skólastarf innan FVA sem
felur það í sér að allir hafi jafnsterka
rödd, hvort sem um er að ræða
starfsfólk eða nemendur, og komist
sé að sameiginlegri niðurstöðu um
þá þætti sem hægt er með umræðu. Í
því samhengi megi t.d. fjölga skóla-
fundum og efla teymisstjórnun.
Góður vinnustaður
Nemendur eru virkir og ánægð-
ir í skólanum og fram kom á bæj-
arstjórnarfundi unga fólksins að þó
að umræðan um skólann hafið verið
frekar neikvæð undanfarið þá hefur
mjög margt gott verið gert í skólan-
um og það þurfi að koma fram.
Skólinn er í stöðugri þróun.
Starfsmenn eru sífellt að endur-
mennta sig og hafa mikinn metnað
og áhuga á að bæta starf sitt. Mik-
ilvægt er að starfsfólkið sé meðvitað
um framsækna stefnu skólans og sé
tilbúið að leggja það á sig sem þarf
til að hún nái fram að ganga. Mark-
miðið er að jákvætt og þægilegt and-
rúmsloft ríki í skólanum og hann sé
góður vinnustaður, bæði fyrir nem-
endur, kennara og annað starfsfólk.
Í því skyni þarf að efla mannauðs-
þátt stjórnunar og leggja áherslu á
innleiðingu viðurkenndra vinnu-
verndarsjónarmiða og samskipta-
hefða sem stuðla að góðum starfs-
anda, heilbrigði og öryggi á vinnu-
staðnum.
Skólastarf í FVA gengur með
ágætum, skólastjórn og fjárhagur
skólans eru nú komin í góðan far-
veg og gera má ráð fyrir að afkoma
skólans á árinu 2015 verði svo já-
kvæð, að uppsafnaður halli skól-
ans frá fyrri árum verði greiddur
upp. Fjárhagstölur fyrir árið 2015
sýna að skólinn hafi verið rekinn
með um 25,0 millj. kr. rekstraraf-
gangi. Áætlanir fyrir árið 2016 eru
enn betri, og ljóst er að skólinn get-
ur nú hafist handa við að endurnýja
tækjabúnað sinn, sem ekki er van-
þörf á, þar sem fjármagn hefur ekki
verið til staðar síðastliðin ár. Til að
skólinn njóti trausts, virðingar og
almennrar viðurkenningar í samfé-
laginu þarf að skipuleggja stjórnun
og rekstur skólans þannig að há-
marksárangur náist.
Ný tækifæri
Skólinn hyggst fara í átak í málm-
iðngreinum ásamt hagsmunaaðil-
um, því endurnýjun tækjabúnað-
ar þar er brýn. Er hér með kallað
eftir hugmyndum um heiti á átakið
og verða verðlaun í boði fyrir bestu
hugmyndina. Bætt aðstaða kallar á
ábyrgð okkar sem hér störfum að
nýta hana til enn betri árangurs í
skólastarfinu.
Íþróttaafrekssvið var sett á á
laggirnar haustið 2015, ásamt því
að nám á sjúkraliðabraut og í meist-
araskóla hófst að nýju. Einnig er
verið að skoða þróun nýrra náms-
brauta, t.a.m. ferðamálabrautar, og
hleypa auknu lífi í Fab Lab smiðju
skólans, sem er stafræn smiðja með
tækjum og tólum til að búa til nán-
ast hvað sem er. Fab Lab smiðjan
er samstarfsverkefni FVA, Akra-
neskaupstaðar, Samtaka sveitarfé-
laga á Vesturlandi, Nýsköpunar-
miðstöðvar Íslands og Norðuráls.
Verið er að endurskoða sjálfs-
matskerfi skólans og hvernig veita
eigi nemendum, foreldrum og
öðrum hagsmunaaðilum upplýs-
ingar um skólastarfið. Sjálfsmat-
ið mun hjálpa til við að skilgreina
hvað sé góður árangur og hvaða
mælikvarða skuli nota til að meta
árangur skólans og nemenda. Gott
samstarf við foreldra, góð líðan og
gagnkvæm virðing nemenda og
starfsfólks eru forsendur árangurs.
Lengi býr að fyrstu gerð
Nemendur frá FVA hafa sýnt góða
frammistöðu í háskóla sem er vís-
bending um gæði skólans. Hlut-
verk skólans er þó einnig að stuðla
að margvíslegum þroska hvers
nemanda og leggja sitt af mörkum
til að undirbúa hann undir líf og
starf í flóknu og síbreytilegu sam-
félagi. Undirbúningur undir nám í
háskóla er aðeins hluti þessa und-
irbúnings. Einnig verður að líta til
þess að skólinn hefur fengið vel
undirbúna nemendur úr grunn-
skólum af svæðinu og ,,lengi býr
að fyrstu gerð“. Mikilvægt er að
bæði skólastigin eigi í góðu sam-
starfi og tengslum, þ.e. bæði fag-
legum tengslum milli kennara og
stjórnenda, og einnig hvað varð-
ar vinnubrögð og tengsl nemenda.
Slíkt samstarf er nú þegar í gangi.
Þá er mikilvægt að komið verði á
skýrari verkaskiptingu og aukinni
samvinnu milli framhaldsskólanna
þriggja á Vesturlandi.
Skólinn leggur mikla áherslu á
að sýna viðleitni til að gera sífellt
betur. Framtíð skólans er björt og
áframhaldandi uppbygging hans
mun skila miklum verðmætum til
samfélagsins.
Akranesi, 15. febrúar 2016
Ágústa Elín Ingþórsdóttir
Skólameistari FVA
Af starfi Fjölbrautaskóla Vesturlands á Akranesi
Ágústa Elín Ingþórsdóttir, skólameistari FVA.