Skessuhorn - 10.08.2016, Blaðsíða 12

MIÐVIKUDAGUR 10. ÁGÚST 201612
Á fundi bæjarráðs Akraneskaup-
staðar fimmtudaginn 28. júlí síðast-
liðinn var lagt fram bréf frá Sæljóni,
félagi smábátaeigenda á Akranesi. Í
bréfinu mótmæla smábátaeigendur
í bænum harðlega 200 tonna skerð-
ingu strandveiðiheimilda á svæði D,
sem nær frá Höfn að Borgarbyggð.
„Með útgáfu reglugerðar nr. 337
þann 26. apríl sl. ákveður sjávarút-
vegsráðherra að auka heildarkvóta
fyrir strandveiðar á fiskveiðiárinu
2015-2016 um 400 tonn og jafn-
framt á sama tíma að skerða veiði-
heimildir á strandveiðisvæði D um
200 tonn,“ segir í bréfi frá Sæljóni.
Félagar í Sæljóni funduðu með sjáv-
arútvegsráðherra sem varði þessa
ákvörðun með þeim rökum að svæði
D hefði ekki náð að veiða viðmiðun-
arkvóta fiskveiðiársins 2014/2015.
Þá hefðu færri dagar komið í hlut
annarra svæða og tilgreindi hann
sérstaklega svæða A, sem nær frá
Eyja- og Miklaholtshreppi til Súða-
víkurhrepps. Smábátaeigendur á
Akranesi segja hins vegar að slæm-
ar gæftir hafi verið í maí og júní á
síðasta ári og aflabrögð eftir því. Til
samanburðar benda þeir á að land-
anir í júní 2015 hafi verið 412 en
850 í júní 2016. „Kvótinn klárað-
ist tveimur dögum á eftir svæði A í
maí og júní og tveimur dögum fyrr
í júlí. „Ljóst er að forsendur fyr-
ir ákvarðanatöku sjávarútvegsráð-
herra standast engan veginn,“ segir
í bréfi frá Sæljóni sem krefjast þess
að þau 200 tonn sem færð voru af
svæðinu yfir á önnur svæði verði
skilað á svæði D.
Bæjarráð Akraneskaupstaðar tók
á fundi sínum undir gagnrýni félags
smábátaeigenda. „Strandveiðar hafa
undanfarin sjö sumur verið jákvæð
viðbót í útgerð á Íslandi og auðg-
að starfsemi fjölda hafna um land
allt. Það á einnig við um Akranes-
höfn og starfsemi Fiskmarkaðs Ís-
lands á Akranesi. Bæjarráð Akraness
lýsir því yfir miklum vonbrigðum
með þá ákvörðun sjávarútvegsráð-
herra að minnka aflamagn á strand-
veiðisvæði D, frá sveitarfélaginu
Hornafirði að Borgarbyggð, um
200 tonn fyrirvaralaust. Slík vinnu-
brögð eru með öllu óásættanleg og
er þess krafist að ráðherra endur-
skoði reglugerð um strandveiði fyr-
ir fiskveiðiárið 2015 til 2016 og auki
veiðiheimildir á strandveiðisvæði D
til fyrra horfs,“ segir í bókun bæj-
arráðs.
kgk
Mótmæla skerðingu á
strandveiðikvóta
Á vef Fiskistofu er gert grein fyrir
afla úr deilistofnum í síðasta mán-
uði. Þar kemur fram að íslensk skip
lönduðu 35.632 tonnum af makríl
í júlí síðastliðnum. Nokkur kraftur
hljóp í veiðarnar í síðasta mánuði
miðað við þann gang sem fyrir var
á þeim. Nær allur makrílafli júlí-
mánaðar veiddist í íslenskri lögsögu
að undanskildum 906 tonnum sem
veidd voru í lögsögu Grænlands.
Makrílafli íslenska flotans fyrstu
sjó mánuði ársins var 39,3 þúsund
tonn, sem er töluvert minni afli en
á sama tíma í fyrra þegar hann nam
64 þúsund tonnum.
Nær enginn kolmunni
Kolmunnaafli íslenskra skipa í júlí
nam 31 tonni og er vertíðinni lok-
ið þetta árið. Heildarafli íslenskra
skipa á kolmunna var 161 þúsund
tonn, sem er töluvert minni afli en í
fyrra. Þá veiddust samtals 215 þús-
und tonn af kolmunna.
Veiðar á síld úr norsk-íslenska
síldarstofninum eru ekki hafnar að
neinu marki. Sá afli sem landað var
í júlí var meðafli við makrílveiðar,
samtals rúm 1500 tonn.
kgk
Kraftur hljóp í
makrílveiðar í júlí
Makríll í frystingu hjá HB Granda á Akranesi. Ljósm. úr safni.
Síðastliðinn miðvikudag var tek-
in fyrsta skóflustungan að nýju
Amtsbókasafni og skólabókasafni í
Stykkishólmi. Verður nýbyggingin
við hlið grunnskólans. Skóflustung-
una tóku í sameiningu Ragnheiður
Valdimarsdóttir formaður safna- og
menningarnefndar, Hafdís Bjarna-
dóttir forseti bæjarstjórnar og
Hrafnhildur Hallvarðsdóttir for-
maður skólanefndar Stykkishólms-
bæjar. Samið verður við Skipavík
um framkvæmdina og við athöfn-
ina undirrituðu Sturla Böðvarsson
bæjarstjóri og Sævar Harðarson
forstjóri Skipavíkur, yfirlýsingu um
byggingu nýs Amtbókasafns. Áður
en langt um líður verður undirrit-
aður samningur um framkvæmd-
ina. Tilboð Skipavíkur í byggingu
nýs Amtsbókasafns hljóðaði upp á
rúmar 247 milljónir króna og var
lægsta boð af tveimur sem bárust.
Kostnaðaráætlun gerði ráð fyrir að
bygging bókasafnsins myndi kosta
tæpar 198 milljónir króna.
Kölluðu eftir
íbúakosningu
Þegar tilboð sem bárust í fram-
kvæmdina voru kynnt á bæjar-
stjórnarfundi um miðjan síðasta
mánuð lögðu bæjarfulltrúar L-
listans fram breytingartillögu. Þar
lögðu þeir til, þar sem nánast all-
ar tölur vegna kostnaðar að bygg-
ingarframkvæmdum lægju fyrir, að
bæjarbúum yrði gefinn kostur á að
greiða atkvæði um hvort ætti að
ráðast í framkvæmdina með því að
ganga til samninga við lægstbjóð-
anda. Tilboðið hljóðaði upp á rúm-
ar 247 milljónir, eins og áður seg-
ir, rúmum 49 milljónum yfir kostn-
aðaráætlun. Breytingartillagan var
felld með fjórum atkvæðum gegn
þremur og síðan samþykkt með
fjórum atkvæðum gegn þremur að
ganga til samninga við lægstbjóð-
anda, Skipavík ehf. Lögðu bæjar-
fulltrúar L-listans þá fram bókun.
Þeir segja að þar sem lægsta boð
hafi verið um 25% yfir kostnaðar-
áætlun megi varlega gera ráð fyrir
því að heildarkostnaður vegna verk-
efnisins verði á bilinu 350-360 millj-
ónir króna, að meðtalinni hönnun
hússins, frágangi skólalóðar, auka-
verkum, leigu á núverandi bókasafni
og framkvæmdakostnaði. „Fulltrú-
ar H-listans hafa talað um að með
þessari framkvæmd verði mikil hag-
ræðing í rekstri bæjarins. Bæjarbú-
um hafa aldrei verið sýndir útreikn-
ingar sem styðja þessi orð fulltrúa
meirihlutans,“ segir í bókuninni.
Þá lýsa þeir áhyggjum sínum yfir
því að ráðist sé í þessa framkvæmd
á sama tíma og fjármagna þurfi mik-
ið af daglegum rekstri bæjarins með
lántöku. Einnig sé með þessu geng-
ið gegn ráðleggingum Sambands ís-
lenskra sveitarfélaga um að sveit-
arfélög haldi að sér höndum, ráð-
ist ekki í stórar fjárfestingar á næstu
árum heldur greiði niður skuld-
ir. „Fulltrúar L-listans harma þessa
ákvörðun, sérstaklega í ljósi þess að
miklu brýnni verkefni munu sitja á
hakanum á næstu árum vegna þess-
arar ákvörðunar,“ segir í bókuninni
sem undirrituð er af Lárusi Ástmari
Hannessyni, Ragnari Má Ragnars-
syni og Helgu Guðmundsdóttur.
Segja að kostnaður
gæti lækkað
Meirihluti bæjarstjórnar lagði þá
einnig fram bókun þar sem vísað er
í framkvæmdaskýrslu ríkisins. Þar
er tekið saman fermetraverð 14 út-
boðsverka vegna bygginga vítt um
landið. Meðalverð á fermetra vegna
þeirra bygginga miðað við vísitölu
júlímánaðar er rúmar 510 þúsund
krónur. Samkvæmt tilboði Skipa-
víkur í byggingu Amtsbókasafns
og skólabókasafns er fermetraverð-
ið rúmar 449 þúsund krónur. „Til-
boð Skipavíkur er því nokkuð und-
ir meðalverði ríkiseignanna og gæti
lækkað enn frekar samkvæmt þeim
upplýsingum sem liggja fyrir eft-
ir viðræður við forsvarsmenn fyrir-
tækisins,“ segir í bókun meirihlut-
ans. Þar er gert grein fyrir því að
í viðræðum bæjarstjóra og skipu-
lags- og byggingafulltrúa við for-
svarsmenn fyrirtækisins hafi kom-
ið fram vilji til að gera breytingar
á tilboði sem gæti leitt til lækkunar
á samningi um verkið. „Undirrit-
uð fögnum því að fyrirtæki í Stykk-
ishólmi skuli vera lægstbjóðandi
og leggjum til að bæjarstjóri fái
heimild til þess að ganga til samn-
inga við Skipavík ehf um verkið á
grundvelli tilboðsins og að teknu
tilliti til þeirra breytinga á verkinu
sem leitt geta til lækkunar á samn-
ingsfjárhæðinni frá því sem tilboð-
ið gerir ráð fyrir,“ segir í bókuninni
sem Hafdís Bjarnadóttir, Sigurður
Páll Jónsson, Katrín Gísladóttir og
Sturla Böðvarsson rita undir.
kgk/ Ljósm. sá.
Skóflustunga að nýju
Amtsbókasafni í Stykkishólmi
Ragnheiður Valdimarsdóttir formaður safna- og menningarnefndar, Hafdís
Bjarnadóttir forseti bæjarstjórnar og Hrafnhildur Hallvarðsdóttir formaður skóla-
nefndar Stykkishólmsbæjar tóku fyrstu skóflustunguna að nýju Amtsbókasafni.
Teikning af nýju Amtsbókasafni í Stykkishólmi.
Sturla Böðvarsson bæjarstjóri og Sævar Harðarson forstjóri Skipavíkur, undir-
rituðu yfirlýsingu um byggingu Amtsbókasafnsins. Gengið verður frá samningum
bæjaryfirvalda og Skipavíkur á næstunni.