Skessuhorn - 10.08.2016, Blaðsíða 15

MIÐVIKUDAGUR 10. ÁGÚST 2016 15
Ungmennafélag Íslands (UMFÍ)
hefur áhuga á að stofna og reka
lýðháskóla á Laugarvatni. Horft
er til húsnæðis íþróttakennarahá-
skólans á staðnum, en Háskóla-
ráð Háskóla Íslands ákvað í febrú-
ar á þessu ári að flytja námið frá
Laugarvatni til Reykjavíkur. Gangi
það eftir fækkar opinberum störf-
um í Bláskógabyggð. Með stofnun
lýðháskóla UMFÍ á Laugarvatni
væri gerð tilraun til að sporna gegn
fækkun starfa auk þess sem val-
möguleikum námsmanna að loknu
stúdentsprófi yrði fjölgað.
Haukur Valtýsson, formaður
UMFÍ, segir þörf fyrir þessari teg-
und skóla fyrir íslensk ungmenni
sem hafi lokið stúdentsprófi og
velti framtíðinni fyrir sér. Þá bend-
ir hann á að lýðháskólar eigi upp á
pallborðið hér á landi sem valkost-
ur nú um stundir, ekki síst ef tekn-
ar verði upp meiri fjöldatakmark-
anir í íslenskum háskólum eins og
eru á Norðurlöndunum. „Ef það
verður að veruleika er lýðháskóli
góður kostur fyrir þá sem vilja læra
eitthvað annað en boðið er upp á
í háskóla og vilja einnig fá tíma
til að átta sig á hvað viðkomandi
vill læra í háskóla. Margir innan
og utan UMFÍ hafa farið í erlenda
lýðháskóla og segjast búa að því í
lífinu. Kannski þarf stúdentspróf
ekki að vera skilyrði fyrir námi í
slíkum skóla,“ segir Haukur.
Formaður UMFÍ sér fyrir sér að
í lýðháskóla á Laugarvatni verði
t.d. boðið upp á sérhæft nám sem
tengist ferðamennsku, íþróttum,
útivist og leiðtogahæfileikar ungs
fólks verði efldir. „UMFÍ hef-
ur bakgrunn í lýðháskólum og við
getum leitað leiðsagnar og sam-
vinnu hjá systursamtökum okkar í
Danmörku þar sem mikil þekking
er á slíkum skólum. Miklir mögu-
leikar felast því í stofnun lýðhá-
skóla á Laugarvatni ef hið opin-
bera er tilbúið til að vinna með
okkur að því og mikilvægt er að
vinna þetta allt með og í sátt við
menntamálayfirvöld í landinu, Ég
legg áherslu á það, “ segir Hauk-
ur Valtýsson.
mm
UMFÍ vill stofna lýðháskóla
á Laugarvatni
WWW.UMFI.IS
TAKK FYRIR
FRÁBÆRT UNGLINGALANDSMÓT Í BORGARNESI 28. – 31. JÚLÍ 2016
SJÁUMST Á EGILSSTÖÐUM 2017!
Stundum er einfalt og þægilegt al-
veg ljómandi gott. Þessi kaka ætti
að slá í gegn hjá þeim sem elska
karamellur og ekki skemmir að
hún er svo einföld og fljótleg að
hver sem er getur gert þessa.
Innihald:
Einn poki af mjúkum Wherther‘s
Orginal karamellum
100 grömm smjör
2 matskeiðar rjómi
3 matskeiðar síróp (þetta í grænu
dósunum)
150 grömm rice krispies morgun-
korn.
Aðferð:
Allt nema rice krispies er sett í pott
og látið malla þar til það er orð-
ið silkimjúkt og karamellurnar all-
ar vel bráðnaðar. Þá er þetta tekið
af hitanum og rice krispies morg-
unkornið sett útí. Það kemur ekki
að sök þó það sé sett örlítið meira
eða örlítið minna af því, það fer
eftir því hversu klístrað hver og
einn vill hafa kökuna. Best er að
setja morgunkornið saman við í
litlum skömmtum, og hræra vel
á milli, þar til maður er ánægður
með blönduna.
Þá er þetta allt sett saman í mót
og inn í ísskáp í u.þ.b. klukkustund
eða þar til það er orðið nægilega
kalt til að skera í sneiðar.
arg
Karamellu
rice krispies kaka
Freisting vikunnar