Skessuhorn - 10.08.2016, Blaðsíða 24

MIÐVIKUDAGUR 10. ÁGÚST 201624
Listahátíðin Plan-B artfestival
verður haldin í Borgarnesi fyrsta
sinni helgina 12-14. ágúst næst-
komandi. Hátíðin er fjölþjóðleg,
en um 20 listamenn af sjö mismun-
andi þjóðernum munu taka þátt í
henni. Listamennirnir stunda fjöl-
breytta list og verða til sýnis verk
úr öllum miðlum nútíma-mynd-
listar. Verkin spanna allt frá olíu-
málverkum og innsetningum til
vídeóverka. Hilmar Guðjónsson er
einn skipuleggjenda hátíðarinnar.
Hann kvaðst fullur eftivænting-
ar þegar blaðamaður Skessuhorns
sló á þráðinn til hans. „Ég er orð-
inn spenntur, það er stutt í þetta,“
segir Hilmar. „Þegar maður er far-
inn að sjá eitthvað gerast, búið að
setja upp í rými og svona þá verður
maður spenntur,“ bætir hann við.
Aðspurður af hverju Borgarnes
hafi orðið fyrir valinu segir Hilm-
ar að allir skipuleggjenda hátíðar-
innar hafi tengingu við Borgarnes
eða Borgarfjörð, séu þar búsett-
ir eða hafi búið þar. Sjálfur á hann
rætur í Reykholtsdalnum. „Okkur
þykir öllum vænt um sveitina og
við sáum pláss og rými fyrir mynd-
list og meiri lifandi listastarfsemi
í bænum,“ segir hann. „Bærinn
sjálfur er fallegur og þar er mik-
ið af fallegum húsum. Við viljum
bara virkja þessa tegund af menn-
ingu í bænum því okkur finnst hell-
ings pláss fyrir hana,“ bætir Hilm-
ar við. Mörg af helstu kennileitum
Borgarness verða nýtt sem sýning-
arrými á meðan hátíðinni stendur.
Verður meðal annars hægt að sjá
vídeóverk og gjörninga á stöðum
sem flestir hafa þjónað verslunar-
mönnum í gegnum tíðina. Sýning-
arstaðir verða Gamla mjólkursam-
lagið, pakkhúsið í Englendingavík,
pakkhúsið sem hýsir Landnáms-
setur Íslands og Studio Mjólk sem
áður var fjósið í Einarsnesi.
Myndlist er fyrir alla
Hilmar segir enn fremur ánægju-
legt að geta fært samtímalist út fyrir
höfuðborgarsvæðið. „Því hefur oft
verið haldið fram að samtímalist
geti ekki dafnað nema á fjölmenn-
um þéttbýlissvæðum en ég held að
það sé bara mýta. Myndlist er fyr-
ir alla,“ segir hann, „og það hefur
sýnt sig á mörgum öðrum stöðum
að svona hátíðir geta haft margt
jákvætt í för með sér,“ bætir hann
við og nefnir til dæmis Listahátíð
unga fólksins á Seyðisfirði, Lunga.
„Fleiri staðir hafa farið af stað með
viðburði í alternatífum listgrein-
um og samsýningar á sviði nú-
tímalistar og það hefur gefið mik-
ið til bæjarfélaganna,“ segir hann
og nefnir að listamenn, innlend-
ir sem erlendir, sæki staðina heim
og dvelji í lengri tíma. „Við, með
aðstoð sveitarfélagsins, náðum að
bjóða listamönnum upp á að vinna
að undirbúningi sýninga sinna í
félagsheimilinu Valfelli. Þar hafa
þrír til fjórir erlendir listamenn
unnið öllum stundum undanfarið
við að undirbúa sig fyrir hátíðina,“
segir Hilmar ánægður.
Frá vegglistaverkum
til gjörninga
Hann segir að listamennirnir sem
sýni á hátíðinni séu jafn fjölbreytt-
ir og þeir eru margir. „Þetta er
alls konar fólk víða að úr heim-
inum. Sýningarnar verða breiður
þverskurður af því sem er í gangi
í samtímalist í dag, allt frá vegg-
listaverkum og hefðbundnum mál-
verkum yfir í hljóðverk, vídeóverk
og gjörningana í Einarsnesi,“ seg-
ir hann. Gjörningarnir eru einu
verkin sem fólk verður að koma
og skoða á ákveðnum tímum og
aðspurður vill Hilmar ekkert gefa
upp um efnistök þeirra. „Ég vil
halda gjörningunum leyndum en
ég lofa því að í Einarsnesi verða
fluttir merkilegir gjörningar,“ seg-
ir hann. „Það er líka svo gaman að
fá listamenn frá mörgum löndum
inn. Þá fær maður tengingu við
það sem er að gerast annars staðar,
eitthvað sem maður vissi kannski
ekki að væri í gangi,“ segir hann.
Þó að hátíðinni ljúki formlega 14.
ágúst næstkomandi kveðst Hilm-
ar vonast til að ákveðnar sýning-
ar, eins og sú sem verður í gömlu
mjólkursamsölunni, verði áfram
uppi. „Það er rosalega fallegt hús,
eins og hannað fyrir sýningar af
þessu tagi. Við vonumst til að geta
haldið að minnsta kosti þeirri sýn-
ingu gangandi svo fólk geti skoð-
að ef það kemst ekki um helgina.
En ég hvet auðvitað alla sem geta
til að koma og skoða á meðan há-
tíðinni stendur,“ segir hann, „og
það er frítt inn á alla viðburði. Við
erum ógeðslega stolt að geta boð-
ið fólki upp á það,“ segir Hilmar
Guðjónsson að endingu.
kgk
FORMLEG OPNUN
GAMLA MJÓLKURSAMLAGIÐ BORGARNESI
FÖSTUDAGUR 12. ÁGÚST
18:00
www.planbartfestival.is
Plan-B artfestival í Borgarnesi um helgina
Hilmar Guðjónsson, einn skipuleggjenda
Plan-B artfestival.
Boðskort aðstandenda Plan-B artfestivals. Héraðsbúum og öðrum gestum er boðið frítt á allar sýningar.
Lógó hátíðarinnar.
Verk sem listakonan Katorina Pling vinnur að þessa dagana í félagsheimilinu
Valfelli.
Gjörningur sem Maiken Stæhr sýndi í Danmörku í lok síðasta árs. Hún kemur fram
á Plan-B listahátíðinni í Borgarnesi um helgina.