Skessuhorn - 07.12.2016, Side 30
MIÐVIKUDAGUR 7. DESEMBER 201630
„Hvað er skemmtilegast
við að taka þátt í
Grænfánaverkefninu?“
Spurning
vikunnar
(Grunnskólabörn á Hvanneyri sitja
fyrir svörum í tilefni af afhendingu
Grænfánans í síðustu viku)
Reynir Skorri Jónsson, 2. bekk:
„Að hreinsa heiminn og leika
sér með lauf eins og karlinn á
Grænfánanum gerir.“
Dagný Eyjólfsdóttir, 3. bekk:
„Taka til í náttúrunni því ef
maður gerir það ekki þá mengar
maður meira.“
Erla Eir Pétursdóttir, 2. bekk:
„Gróðursetja tré og hjálpast
að.“
Hlynur Blær Tryggvason, 3.
bekk:
„Að tína rusl og drasl eins og
flöskur því maður fær krónur
fyrir flöskurnar.“
Snæfell lék tvisvar í Domino‘s deild
kvenna í liðinni viku. Síðastlið-
inn miðvikudag töpuðu þær sínum
fyrsta leik á heimavelli svo árum
skiptir þegar þær urðu að játa sig
sigraðar gegn Val, 73-82.
En liðið kom til baka síðastlið-
inn laugardag og sigraði Hauka, en
sá leikur fór einnig fram í Stykkis-
hólmi. Snæfellskonur höfðu heldur
yfirhöndina allan leikinn en gest-
irnir úr Hafnarfirði létu þær engu
að síður hafa fyrir hlutunum. Í síð-
ari hálfleik náðu þær betri tökum á
leiknum eftir því sem leið á og að
lokum fór svo að Snæfell sigraði
með tólf stigum, 75-63.
Leikurinn fór fremur hægt af
stað, sóknarleikur beggja liða var
heldur þungur á fyrstu mínút-
um leiksins og lítið skorað í fyrsta
leikhluta. Eftir fimm mínútna leik
leiddi Snæfell 5-0 áður en gestirnir
skoruðu fyrstu stigin sín. Að upp-
hafsfjórðungnum loknum var stað-
an 11-5 fyrir Snæfelli en eftir það
fóru bæði lið að finna taktinn. Ann-
ar leikhluti var síðan jafn og spenn-
andi, en Snæfellskonur höfðu held-
ur yfirhöndina. Keflvíkingum tókst
þó að jafna þegar fjórar mínútur
voru til hálfleiks en Snæfell tók for-
ystuna á ný og leiddu með fjórum
stigum í hléinu, 33-29.
Snæfellskonur byrjuðu síðari
hálfleikinn betur. Þær sigu hægt
lengra og lengra fram úr gestunum
og náðu ellefu stiga forskoti fyrir
miðjan þriðja leikhluta. Þær þéttu
varnarleik sinn og í kjölfar þess
gekk betur í sókninni. Gestirn-
ir reyndu hvað þeir gátu en höfðu
ekki erindi sem erfiði. Snæfell gaf
ekki færi á sér það sem eftir lifði
leiks. Þær höfðu níu stiga forskot
fyrir lokafjórðunginn og síðustu tíu
mínúturnar héldu þær gestunum í
þægilegri fjarlægð og unnu að lok-
um góðan sigur, 75-63.
Aaryn Ellenberg-Wiley var at-
kvæðamest Snæfellskvenna með 31
stig og sjö fráköst. Berglind Gunn-
arsdóttir var með 15 stig og sex frá-
köst, Gunnhildur Gunnarsdóttir
með níu stig og sjö fráköst og Bryn-
dís Guðmundsdóttir með níu stig
sömuleiðis og sex fráköst.
Snæfell er sem stendur í öðru sæti
deildarinnar með 16 stig eftir ellefu
leiki, tveimur stigum á eftir topp-
liði Keflavíkur en tveimur stigum á
undan Skallagrími í þriðja sætinu.
Næst leikur Snæfell komandi
laugardag, 10. desember, þegar lið-
ið heimsækir Stjörnuna.
kgk
Snæfell kom til baka eftir fyrsta
tapið á heimavelli í mörg ár
Pálína Gunnlaugsdóttir lætur vaða í leik gegn Val fyrr í vetur.
Ljósm. úr safni/ sá.
Skallagrímur mætti 1. deildar liði Vals
í 16 liða úrslitum Maltbikars karla á
mánudagskvöldið. Leikið var á Hlíð-
arenda og voru það heimamenn sem
héldu áfram bikarævintýri sínu. Þeir
sigruðu nokkuð óvænt, 108-103 og
slógu þar með annað úrvalsdeildar-
liðið út úr bikarnum, en í fyrstu um-
ferð lögðu þeir Snæfell.
Mikið jafnræði var með liðunum
í upphafi leiks. Skallagrímsmenn
leiddu með einu stigi þar til um miðj-
an fyrsta leikhluta. Þá tóku Valsarar
forystuna og leiddu með þremur stig-
um áður en Borgnesingar jöfnuðu í
20-20 seint í leikhlutanum. Valur átti
hins vegar lokaorðið í upphafsfjórð-
ungnum og hafði sex stiga forskot að
honum loknum, 28-22. Skallagrímur
minnkaði muninn í tvö stig í upphafi
annars fjórðungs en eftir það náðu
Valsmenn tökum á leiknum og juku
forskot sitt hægt og sígandi allt þar
til hálfleiksflautan gall. Þá höfðu þeir
tólf stiga forystu, 62-50.
Valur var áfram sterkara lið vallar-
ins eftir hléið og Skallagrímur náði
rétt að halda í við þá í þriðja leikhluta.
Mest náði Valur 22 stiga forskoti
seint í þriðja fjórðungi en Skalla-
grímsmenn tóku góðan endasprett
og minnkuðu muninn í fjórtán stig,
88-74, fyrir lokafjórðunginn. Það var
ekki fyrr en þá að leikmenn Skalla-
grímsmenn virtist taka almennilega
við sér. Þegar fjórar mínútur voru
liðnar af lokafjórðungnum skiptu þeir
um gír og hjuggu hvert stigið á fætur
öðru af forskoti Vals. Upphófust þá
spennandi lokamínútur. Munurinn
var kominn undir tíu stig þegar þrjár
og hálf mínúta lifðu leiks og aðeins
mínútu síðar var hann kominn nið-
ur í fimm stig. Staðan var 102-97 og
tvær og hálf eftir af leiknum. Skalla-
grímsmenn héldu áfram, minnkuðu
muninn í eitt stig 106-105 þegar 15
sekúndur lifðu leiks. Þeir brugðu á
það ráð að senda Valsmenn á vítalín-
una og þar fóru tvö víti niður. Staðan
108-105 og Skallagrímsmenn höfðu
færi á að jafna leikinn með þriggja
stiga körfu. Þeir brunuðu upp í sókn,
skotið geigaði en þeir náðu frákastinu
og fengu annan séns. Það skot missti
hins vegar einnig marks og Valur
hafði því sigur, 108-105 urðu loka-
tölur leiksins og Skallagrímur hefur
því lokið þátttöku í bikarkeppni karla
að þessu sinni.
Flenard Whitfield var atkvæða-
mestur Skallagrímsmanna í leikn-
um með 36 stig, átta fráköst og
fimm stoðsendingar. Reynsluboltinn
Magnús Þór Gunnarsson var honum
næstur með 23 stig, þá Sigtryggur
Arnar Björnsson með 20 stig og níu
stoðsendingar og Davíð Guðmunds-
son skoraði ellefu stig.
kgk
Skallagrímur féll úr bikarnum
eftir spennandi lokamínútur
Reynsluboltinn Maggi Gunn átti góðan leik fyrir Skallagrím þegar liðið féll úr
bikarnum gegn Val. Ljósm. Gunnlaugur Auðunn Júlíusson.
Sex ungar og efnileg-
ar knattspyrnustúlk-
ur af Vesturlandi hafa
verið valdar á úrtaksæf-
ingar hjá U16 og U17
landsliði kvenna, fjórar
af Akranesi og tvær úr
Snæfellsbæ. Frá Víkingi
Ó koma þær Birgitta Sól
Vilbergsdóttir og Birta
Guðlaugsdóttir. Í U16
voru valdar frá Akra-
nesi þær Erla Karitas
Jóhannesdóttir, Selma
Dögg Þorsteinsdótt-
ir og Sigrún Eva Sig-
urðardóttir. Í U17 hóp-
inn var loks valin Berg-
dís Fanney Einarsdóttir
úr ÍA. Um næstu helgi,
dagana 9. - 11. desemb-
er, verða haldnar úrtak-
sæfingar fyrir U16 en
það eru stúlkur fæddar
2002 en í U17 hópnum
eru stúlkur fæddar 2000
og 2001.
mm
Sex vestlenskar stúlkur í U16 og U17 æfingahópum
Bergdís Fanney Einarsdóttir, ÍA. Selma Dögg Þorsteinsdóttir, ÍA. Erla Karitas Jóhannesdóttir, ÍA.
Sigrún Eva Sigurðardóttir, ÍA Birgitta Sól Vilbergsdóttir, Víkingi. Birta Guðlaugsdóttir markmaður úr
Víkingi.