Hlynur - 15.02.1978, Page 4
Nemendasamband
Samvinnuskólans
Rætt við Atla Frey
Þar sem NSS er tuttugu ára á þessu ári, fannst okkur tilhlýðilegt
að ganga á fund formannsins, Atla Freys Guðmundssonar og ræða
við hann um félagið og framtíð þess.
Nemendasamband Samvinnuskólans er eina nemendasambandið,
sem starfar af einhverjum þrótti og hefur einhver áhrif. Við, sem
teljumst til þessa félagsskapar, erum oft mjög drjúg yfir því að
hafa verið í Samvinnuskólanum og teljum okkur hafa fulla ástæðu
til þess. En við megum heldur ekki ofmetnast, og til þess að líta
raunhæft á málin, skulum við heyra hvað gert hefur verið og hvað
er á döfinni.
— Hver er forsaga Nemenda-
sambands Samvinnuskólans?
— Pessi saga hefur verið rakin
áður, en NSS var stofnað 1958,
að mestu leyti af nýútskrifuðum
nemendum úr Bifröst, en fyrsti
formaður þess var einn af eldri
nemendum, Sigurvin Einarsson,
fyrrv. alþm. Frá upphafi hefur
meginverkefnið verið að halda sem
bestum tengslum milli þeirra sem
stundað hafa nám í Samvinnuskól-
anum. En því er ekki að neita, að
miklu minni þátttaka hefur verið
af hálfu nemenda úr Reykjavíkur-
skólanum en við höfum óskað.
— En hver hafa þá verið helstu
verk NSS?
— Meginstarfið hefur verið
nokkuð líkt frá ári til árs. Að
hausti er haldinn aðalfundur og
eftir hann hefst vetrarstarfið. Yfir
veturinn er reynt að hafa margs-
konar skemmtanir, spilakvöld,
dansiböll o. fl. Farin er á hverjum
vetri ferð að Bifröst og haldin
kvöldvaka þar og keppt í hinum
ýmsu íþróttum. Hefur sú heimsókn
ætíð verið nokkur viðburður í
skólalífinu.
Annar megin þátturinn er svo
útgáfa fréttabréfa og tímarita. NSS
Atli Freyr Guðmundsson.
gaf út Hermes um margra ára
skeið, 1—2 blöð á ári auk blaðs
með nóbelskynningu skólans, en
það skáld, sem hlaut Nóbelsverð-
laun hverju sinni, var rækilega
kynnt uppfrá, með sérstakri dag-
skrá. Þegar svo hvorttveggja fór
saman að mjög dýrt var orðið að
gefa Hermes út, en hann var
sendur félögum að kostnaðarlausu,
og LÍS hugðist yfirtaka Hlyn, þótti
ekkert áhorfsmál að taka þátt í
því samstarfi. Og þótt ýmsir sakni
gamla Hermesar, þá held ég að
samstarfið um Hlyn hafi tekist
afar vel.
— Starfið hefur nokkuð breyst
með tilkomu Hamragarða?
— Jú, það má segja það, og auð-
vitað hlaut starfið að breytast með
svo breiðri samstöðu fleiri félaga.
En ef horft er yfir þann hóp, sem
sækir Hamragarða að staðaldri, er
ljóst að nemendur úr Samvinnu-
skólanum eru þar mjög fjölmennir,
svo ég segi ekki að þeir beri uppi
starfið. í hússtjórninni munu fjórir
af sjö Samvinnuskólamenn og í
blaðstjórn Hlyns allir. Nú er það
ljóst að menn eru ekki valdir til
þessara trúnaðarstarfa vegna þess
að þeir hafa verið í Samvinnu-
skólanum, heldur vegna þess að
þetta fólk er atkvæðamikið í félags-
starfi.
í þessu sambandi getum við vik-
ið að stofnun LÍS og starfi. Þar
hafa margir lagt hönd að verki,
en ég held að á engan sé hallað, þó
sagt sé, að hlutur Samvinnuskólans
sé alldrjúgur. Ástæðan til þess er
auðvitað sú félagslega æfing, sem
þetta fólk hefur fengið að Bifröst.
1 mínum huga er samstarf LÍS og
NSS sjálfsagt og ætti frekar að fara
vaxandi. Þessi félög ættu að hafa
álíka hugsjónalegan bakgrunn og
ættu að vinna að miklu leyti að
sömu verkefnum, m. a. fræðslu-
starfsemi og uppbyggingu að Bif-
röst.
— Ætti þá NSS að helga sig
fræðslustarfi t framtiðinni?
— Þegar við förum að tala um
framtíð NSS, fer málið nokkuð
að vandast. Við höfum okkar sam-
eiginlega grundvöll, þar sem skólinn
4 HLYNUR