Heimsmynd - 01.09.1990, Qupperneq 13

og vera vel kynntur í flokksstarfinu. Geir Haarde hefur aunn-
ið sér traust innan þingflokksins og verið virkur en hann er að
mati eins úr forystunni, „faglegasti þingmaður flokksins1'.
Óvissa ríkir um styrk Eyjólfs Konráðs, Ragnhildar Helga-
dóttur og Guðmundar H. Garðarssonar en þau gjalda þess
líka að „endurnýjunarkrafan beinist að eldri þingmönnunum",
eins og einn forkólfanna orðar það. „Guðmundur H. Garðar-
son hefur ekki sömu tengsl við verkalýðshreyfinguna og áður
og Ragnhildur hefur verið mikið erlendis síðasta kjörtímabil.
Sólveig Pétursdóttir gæti ögrað Ragnhildi. Hún hefur verið
virk á síðasta kjörtímabili, oft komið inn sem varamaður og
hefur sótt sín mál fast á þinginu. Þuríður Pálsdóttir, sem flaug
inn í miðstjórn flokksins á síðasta landsfundi, er einnig talin
eiga góða möguleika „í eitt skipti", eins og einn forkólfanna
orðaði það.
Þótt nafn Ólafs B. Thors hafi verið nefnt hér virðist það
frekar bera keim af ákveðinni óskhyggju vissra afla í flokknum
sem langar til að koma honum að. Hann hefur oft verið nefnd-
ur sem arftaki Davíðs í borgarstjórastöðunni og nú síðast er
talað um að hann ætli í prófkjör. Að sögn eins sem þekkir
persónulega vel til Ólafs er ólíklegt að hann fari fram, „þótt
það kitli hann að vera í umræðunni".
Um Björn Bjarnason og hugsanlegt framboð hans eru skipt-
ar skoðanir. Að sögn eins er Björn orðinn leiður á starfi sínu
sem aðstoðarritstjóri Morgunblaðsins. Færi hann í prófkjör í
Reykjavík nyti hann gífurlegrar velvildar sem sonur Bjarna
Benediktssonar. „Menn treysta honum. Hann er ekki með
glamuryrði. Fari hann í prófkjör ruglar það algerlega núver-
andi lista. Hann flýgur inn og verður utanríkisráðherraefni
flokksins sökum þekkingar sinnar á alþjóðamálum," segir aðili
úr forystusveit flokksins. Annar úr innsta kjarna segist telja að
Björn Bjarnason eigi ekki mikla möguleika í almennu próf-
kjöri. „Hann nýtur ættartengslanna í upphafi en á ekki gott
með að umgangast fólk," segir einn þingmanna flokksins.
„Sjálfstæðisflokkurinn gæti flaggað mjög reyndum mönnum ef
vilji væri til staðar þótt það verði að viðurkennast að þessi
nöfn beri keim af ákveðinni valda- og ættarhyggju," segir einn
forkólfanna.
Um Ellert B. Schram er það vitað að pólitíkin togar alltaf í
hann en ýmsir benda á að stuðningsmenn hans í næstsíðustu
kosningum hafi orðið mjög hvekktir á honum og að auki sæki
hann inn á sömu mið og Ingi Björn Albertsson.
Um eitt eru þó flestir sammála að það er áberandi karla-
veldi í flokknum, mikil áhersla á ættarveldið, skortur á fleiri
konum og ákveðnu nýjabrumi, sem kemur vel í ljós þegar litið
er yfir landsbyggðina.
Á Vesturlandi er líklegt að Friðjón Þórðarson, sem var fyrst
kjörinn á þing 1956, verði í efsta sæti og Sturla Böðvarsson,
bæjarstjóri í Stykkishólmi, í öðru sæti. Matthías Bjarnason og
Þorvaldur Garðar Kristjánsson verða líklega í efstu sætunum á
Vestfjörðum. Pálmi Jónsson og Vilhjálmur Egilsson hagfræð-
ingur verða á listanum í Norðurlandskjördæmi vestra. Halldór
Blöndal og Tómas Ingi Olrich verða í efstu sætunum í Norður-
landskjördæmi eystra. Egill Jónsson og Hrafnkell A. Jónsson
skipa efstu sætin á Austfjörðum. Formaðurinn, Þorsteinn Páls-
son, og Eggert Haukdal verða í efstu sætum á Suðurlandi,
nema Árni Johnsen nái að ýta Eggert út sem honum hefur
ekki tekist hingað til. í Reykjaneskjördæmi eru svo Matthías
Á. Mathiesen, Ólafur G. Einarsson og Salóme Þorkelsdóttir í
efstu sætunum.
Af framansögðu má ljóst vera að áhyggjur ýmissa frammá-
manna innan Sjálfstæðisflokksins eru ekki út í hött. „Þessi
uppstilling dugir flokknum ekki til sigurs," segir einn þeirra og
því allsendis óvíst að Sjálfstæðisflokkurinn verði í ríkisstjórn á
næsta kjörtímabili.D
Evuklæði og Astor-augnskuggar
... er allt sem þarf!
Þú velur úr haust- og vetrartískulitunum 1990-91:
Varalitir og naglalökk nr. 78, 79, 80, 81, 82, 83.
Tvöfaldir augnskuggar nr. 47 & 48.
Nýr automatic Kajal nr. 96 & 97.
-/fíorgoret
fs/or