Heimsmynd - 01.09.1990, Síða 15

I
að honum hafi ekki fundist það þá þungbær röksemd." Páll
klykkir svo út með því að lýsa yfir: „Loks ber okkur að nota
þau lýðræðislegu réttindi sem við höfum þannig að þeir sem
eru reiðubúnir að fórna grundvallarmannréttindum til að leysa
stundarvanda komist aldrei aftur í valdastöðu." Birgir Björn
Sigurjónsson, framkvæmdastjóri BHMR, segir: „Helsta verk-
efni samninganefnda og félagsmanna BHMR er nú að finna
nýjan viðsemjanda í fjármálaráðuneytinu, sem hægt er að
treysta, og endurheimta almenn lýðréttindi.“ Og Össur Skarp-
héðinsson sagði nýlega í viðtali: „Tilhugsunin um að starfa
áfram í stjórnmálaflokki sem lifir í fortíðinni er að verða næst-
um óbærileg.“ En hann vill „leggja niður Kvennalistann, Al-
þýðubandalagið og Alþýðuflokkinn. í staðinn vil ég stofna
nýjan jafnaðarmannaflokk, sem væri þó nógu víðsýnn til að
i soga til sín slatta af Sjálfstæðismönnum.“ Óg spurningu um
hvort hann trúi á líf eftir dauðann, svarar Össur: „Eg hlýt að
gera það. Ég er í Alþýðubandalaginu." Einn náinn vopnafé-
lagi Ólafs Ragnars í gegnum pólitískar sviptingar síðustu ára
sagði nýlega að stjórnarþátttakan væri nú það eina sem héldi
flokknum saman. Ráðherrarnir þrír vissu að uppgjör í flokkn-
um nú væri það sama og að slíta stjórnarsamstarfinu og það
vildi enginn þeirra fyrir nokkurn mun. En þegar að því upp-
gjöri kæmi væri Ólafur viss með að tapa því uppgjöri „því að
hann hefur enga handlangara lengur. Allir eru gersamlega
búnir að glata trú á Alþýðubandalaginu og hafa ekki nokkurn
minnsta áhuga á hver þar fer með forystu.“ Það má því segja
að Alþýðubandalagið hangi nú eingöngu saman á gagnkvæm-
um fjandskap, sem enginn nenni að leiða til lykta.
itt er þá jafnvíst að ólgan sem kraumar
undir niðri mun brjótast út í vali á fram-
boðslista flokksins. Eftir að ráðherrageng-
ið sameinaðist um að standa að bráða-
birgðalögum gegn BHMR hefur gengi
Svavars Gestssonar líka fallið í Reykjavík,
en fyrir þann tíma höfðu sumir flokks-
menn gælt við þá hugmynd að uppgjör
milli Svavars og Ólafs Ragnars færi fram í
prófkjöri um sæti á listanum í Reykjavík.
Uppistaða flokksfólks í Reykjavík er hins
vegar menntafólk sem þykist illa svikið af
þeim báðum. Því hafa sögur komist á
kreik um að reynt verði að fá mann með
óflekkaðar hendur, eins og Össur Skarp-
héðinsson, til að fara fram í Reykjavík en Svavar muni leita
annað, til dæmis á Vesturland, þar sem hann eigi frændgarð
og sé raunar kjördæmi sem henti honum betur sem „þjóð-
garðssósíalista'* sem kunni að meta stemmninguna í réttunum.
Skúli Alexandersson segist óneitanlega hafa heyrt sögur í
þessa átt, en sín skilaboð væru skýr: „Skúli muni halda fast í
sitt kjördæmi."
Þá kemur þáttur Ragnars Arnalds. Mjög hefur verið talað
um að Ragnari hafi verið boðin staða þjóðleikhússstjóra, sem
Svavar Gestsson veitir. Þar gæti verið komið það „örugga“
kjördæmi sem vantar undir formanninn. Þegar vika var eftir af
umsóknarfresti kvaðst Ragnar engan veginn vera búinn að
taka ákvörðun. Um pólitíska leikfléttu í því sambandi sagði
hann að á þeirri kenningu væri sá galli að Ólaf Ragnar hefði
aldrei borið á góma í sambandi við þetta kjördæmi.
Einn þingmanna Alþýðubandalagsins taldi það hins vegar
athyglisvert að þarna hefðu Ólafur Ragnar og Svavar samein-
ast um að ryðja úr vegi þeim eina manni sem gæti borið klæði
á vopnin og stríðandi öfl sameinast um sem formann. Það
hefði þó verið Ragnar sem hefði bjargað málunum eftir að
miðstjórn flokksins var í raun búin að hafna aðild að núver-
andi ríkisstjórn og fundið leikfléttu til að fresta málinu og
leysa það. I staðinn hefði honum ekki verið boðin ráðherra-
staða, né nokkur önnur virðing, sem formaður þingflokks eða
forseti sameinaðs þings. Því væri svo komið að hann hlyti að
hugleiða alvarlega hvort hann hefði nokkru hlutverki að gegna
í þessum flokki og ekki væri vænlegri kostur að taka stöðu sem
samrýmdist hugðarefnum hans.
Tvöfaldur
raki
ACO FUKTLOTION gefur
húð þinni tvö náttúruleg
rakabindiefni.
Finndu sjálf hve ACO Fukt-
lotion smýgur hratt inn í húð-
ina án þess að klægi eða svíði
undan og hve húðin verður
mjúk.
ACO FUKTLOTION ilmar
einnig þægilega.
Heldurðu að þú finnir betri
húðmjólk?
Hún er notaleg fyrir allan
líkamann.
ACO Fuktlotion!
Með og án ilmefna.
Fæst aðeins í apótekinu.