Heimsmynd - 01.10.1991, Qupperneq 22

22 HEIMSMYND
Megináherslan í vetur er á fjölbreytileg efni. Ein helsta
nýjungin eru galla- og tweedefni sem skotið hafa upp koll-
inum í haust- og vetrarlínu hátískuhúsanna. Hönnuðir eru
djarfari en nokkru sinni fyrr í samsetningu ólíkra efna.
Köflóttur tweedjakki og svartur silkikjóll er dæmi um
kokteilklæðnað frá hönnuðinum Christian Lacroix og
Ralph Lauren setur saman gallabuxnaskyrtu bundna í
mittið og sítt svart pils úr sléttflaueli. Hins vegar eru sniðin
einföld og heldur látlaus. Þegar á heildina er litið eru
breytingar þó ekki miklar. Það eru helst pilsin sem hafa
tekið stakkaskiptum. Þau eru gjarnan plíseruð, sitja á
mjöðmunum og sveiflast með göngulaginu. Þá hafa bjöllu-
laga pils verið áberandi hjá hönnuðum eins og Valentino
og Karli Lagerfeld. Þessi pils eru mjög þröng í mittið, eru
úr stífum efnum og víkka út. Við þau eru notaðir jakkar,
gjarnan þröngir í mittið.
Tweedefnin hafa verið endurbætt þannig að þau eru
þynnri og þegar þau eru notuð að kvöldlagi eru glitrandi
þræðir gjarnan ofnir í efnið. Með þessu móti hefur verið
komið til móts við þær konur sem ekki eru í laginu eins og
sýningarstúlkur en vilja fylgjast með straumum í hátísk-
unni. Bandaríski tískuhönnuðurinn Ralph Lauren hefur
komið með skemmtilega útfærslu á tweedtísku vetrarins
sem ætti að geta hentað mörgum konum. Hann setur sam-
an aðskorna tweedjakka með dálitlum axlapúðum og
þröngar svartar buxur úr sléttflaueli. Þannig er dregið úr
áhrifum kaflanna í tweedefninu. Fjólublái jakkinn og pilsið
eru frá ítalanum Giorgio Armani. Útfærsla hans er að
vanda sígild og glæsileg. Flegið hálsmálið, breiðar axlirnar
og þröngt mittið undirstrika grannar línur líkamans. Yves
Saint Laurent snýr dæminu við. Hann notar svartan jakka
með köflóttu pilsi. Oscar De La Renta setur hins vegar
svartan topp með rauðköflóttu pilsi. Plíseraða röndin
neðst gefur létta og leikandi áferð.
Vel sniðinn tweedjakki í skærum lit er ágæt fjárfesting
fyrir veturinn. Hann má nota hvort sem er að degi til með
einlitum buxum eða kvöldi og þá með litlum svörtum silki-
kjól, helst með plís-
eruðu pilsi.
Nýstárlegur kvöldklæðnað-
ur frá Oscar De La Renta.
TÍSKfl:
HAUSTTÍSKAN í
HNOTSKURN
H