Heimsmynd - 01.10.1991, Qupperneq 42

hugtakið software tilkomið vegna þess. Þessi sókn Sony inn í
vitundariðnaðinn er gerð í þeim tilgangi að ýta undir sölu
tækninnar með því að samræma krafta úr kvikmyndum og
tónlist allskonar nýtækni.
Þessi breyting á Sony hefur orðið fjölmiðlum mikið umfjöll-
unarefni. „Nær Sony árangri í Hollywood?“ spyr tímaritið
Fortune nýlega. Öllum ber saman um að Sony er að taka
áhættu en Fortune bendir á að varast beri að vanmeta lang-
tímasjónarmið Japananna, þótt bandarískir viðskiptaspekúl-
antar sjái margir hverjir ekki ávinninginn af þeim skrefum
sem fyrirtækið er að stíga nú.
„Stjórn Sony í Japan tók þessa ákvörðun,“ segir Ólafur.
„Gagnrýnina á forystumenn Sony má að hluta rekja til þeirrar
streitu sem Bandaríkjamenn upplifa í garð Japana og má
kannski aftur rekja til stríðsins. - Þessir píreygu andskotar!"
skýtur hann inn í hlæjandi. Sony þykir vestrænasta japanska
fyrirtækið að því leytinu til að Akio Morita stjórnarformaður
þess og Norio Ohga forstjóri þess skilji betur vestrænan hugs-
unarhátt en margir aðrir japanskir stjórnendur. Engu að síður
benda bandarísk dagblöð á að hvorki Morita né aðrir jap-
anskir forkólfar geti nokkru sinni skilið þann hugsunarhátt
sem bandaríski vitundariðnaðurinn og poppmenningin byggj-
ast á. Sony er fyrsta japanska fyrirtækið til að fjárfesta í kvik-
myndaveri í Hollywood.
Ég spyr hann hvort gagnrýnin stafi ekki líka hugsanlega af
ótta við þau tök sem Sony nær í vitundariðnaðinum. „Það er
ekki einn einasti Japani hjá Columbia og óttinn við að Japanir
séu að kaupa allt upp í Bandaríkjunum er líka svolítið hæpinn
í ljósi þess að Bretar og aðrir eru duglegri við að fjárfesta hér
en þeir.“
Bandarísk blöð benda einnig á að fjárfestingin í kvikmynd-
um og tónlist skili Sony ekki tilskildum arði. Arið 1988 keypti
Sony CBS hljómplötufyrirtækið fyrir 2 milljarða dala. Ólafur
segir að CBS sem nú heitir Sony Music hafi aldrei gengið eins
vel og upp á síðkastið. „Frá því að við keyptum CBS hefur
verð þess þrefaldast og við höfum grætt 3 til 4 milljarða dala á
því. Sá sem stjórnar Sony Music, Tommy Mattola, hefur kom-
ið mjög á óvart.“
Fyrir Columbia kvikmyndaverið greiddi Sony 3,4 milljarða
dala auk 1,2 milljarða dala sem þeir yfirtóku í skuldum og
tæplega 1 milljarð sem það kostaði fyrirtækið að fá Peter Gub-
er og Jon Peters til að stjórna því. Árslaun Gubers eru 2,75
milljónir dala. Jon Peters, sem upphaflega haslaði sér völl sem
hárgreiðslumaður stjarnanna og kærasti Barböru Streisand,
var látinn fara, sakaður um bruðl. Sony ku hafa borgað stór-
fúlgur til að losna við hann í friði. Blöðin vestra hafa gert sér
mat úr því að hann notaði einkaþotu Columbia til að senda
blóm til vinkonu sinnar. Ólafur Jóhann hlær. Hann flýgur
stranda á milli oft í viku en segist aldrei nota einkaþotu Sony
nema hann sé að fljúga með viðskiptavini fyrirtækisins. Hann
segir að helsti keppinautur Columbia, Time Warner, standi
frekar höllum fæti. „Columbia var í rusli þegar við keyptum
það en er nú stærsti framleiðandinn í ár. Ég nefni sem dæmi
kvikmyndina Terminatior 2. Hlutabréfin í Time/Warner hafa
hins vegar lækkað - eru nú í 60 til 70 dollurum í stað 160 til
170 eins og búist var við.“
Þrátt fyrir þessa gagnrýni á kaup Sony á Columbia og CBS,
sem sumir segja jafn fáránleg og að veitingahúseigandi þurfi
einnig að eiga búgarð - er Ólafur Jóhann bjartsýnn. „Áhættan
sem Sony Software byggist að taka að mati margra utanað-
komandi aðila meira á kappi en forsjá og aðallega felst hún í
því hvort nýja strategían borgar sig, að nýtæknin og skemmti-
efnið styðji hvort annað."
Ólafur segir að tölvuleikir á geisladiskum sem fyrirtæki
hans hafi þróað hafi gefið af sér 4 til 5 milljarða dollara í fyrra
Reglan er að rœða