SSFblaðið - dec. 2014, Side 9

9
stytting vinnuvikunnaR og baRáttan gegn
mismunun á gRundvelli fastlaunasamninga
Mikil umræða varð um styttingu vinnuvikunnar og hvaða áherslur
ætti að leggja á í þeim efnum við kjarasamningsgerð. Sjónarmið
félagsmanna var að semja ætti um að vinnuvikan verði stytt niður í 36
klukkustunda vinnuviku. Mikil umræða var um þessa kröfu og áhrif
þeirra á opnunartíma útibúa viðskiptabanka og fastlaunasamninga
starfsmanna en almennt voru félagsmenn sammála um mikilvægi
þess að stytta vinnuvikuna.
Á meðal þess sem einnig var rætt var að framlag í Styrktarsjóð verði
hækkað og að SSF taki þá við að greiða íþróttastyrki til félagsmanna.
Krafa er að fæðingarorlof skuli reiknast af heildarlaunum en ekki af
viðmiði fæðingarorlofssjóðs eins og nú er, það myndi auka nýtingu
fæðingarorlofs hjá öllum félagsmönnum, jafnt konum sem körlum.
Fastlaunasamningar voru mikið til umræðu á fundinum enda
margir sem hafa farið halloka frá slíkum samningi. Formenn og
trúnaðarmenn SSF voru sammála um að mjög mikilvægt væri
að setja utan um fastlaunasamningana ákveðinn ramma s.s. með
því að setja ákveðið hámark á tíma unna í yfirvinnu á grundvelli
fastlaunasamninga. Til greiðslu fyrir yfirvinnu kæmi til eftir að slíku
hámarki væri náð. Einnig er að mati félagsmanna nauðsynlegt að
fastlaunasamningar þurfi að taka mið af aukinni vinnuvernd t.d.
um almennan vinnutíma.
veRkfallsboðun
Afstaða félagsmanna til verkfallsboðunar var könnuð á fundinum
og var ekki að sjá annað en að mikill vilji væri til þess nú að reyna
til þrautar með kröfur félagsmanna þ.m.t. með boðun verkfalls. Af
umræðum að dæma voru almennir starfsmenn tilbúnir til þess að
segja að þeim væri nóg boðið. Fram kom að tíðrædd launaskrið og
bónusgreiðslur innan bankanna hafa ekki náð nema til lítils hóps
innan stjórnendahópsins. Í sífellu þarf SSF að hlusta á og berjast
gegn röksemdum um launaskrið og bónusgreiðslur fárra útvaldra
þegar reynt er að semja um laun fjöldans og er það afar móðgandi
að festast í sífellu í umræðum um launaskrið annarra en félagsmanna
SSF vegna réttmætra og tímabærra kjarabóta fjöldans.
Eftir á að greina niðurstöður hópavinnu fundarins frekar en hugur
félagsmanna á fundinum var skýr og „við göngum út af fundinum
vitandi að erfiðar kjarasamningsviðræður eru framundan og því
gríðarlega mikilvægt að fá skýra afstöðu okkar félagsmanna um
áherslur og forgangsröðun fyrir þær viðræður“ sagði Friðbert að
loknum fundi.
Fulltrúar SSF á formanna- og trúnaðarmannafundi SSF þann 14. nóv. á Selfossi.