Sveitarstjórnarmál - okt. 2019, Page 29

SVEITARSTJÓRNARMÁL
Að frumkvæði Norrænu velferðarmið-
stöðvarinnar var efnt til vinnustofu
í velferðartækni í samstarfi við
sambandið, félagsmálaráðuneytið og
heilbrigðisráðuneytið þann 20. september
sl. Markmið með vinnustofunni var að
kynna fyrir sveitarfélögum árangursríkar
leiðir til að innleiða velferðartækni
og aðrar tæknilausnir í þjónustu við
notendur.
Stækkandi hópur eldri borgara
Sveitarfélögin standa frammi fyrir því
að hópur eldri borgara sem þurfa á
þjónustu að halda fer ört stækkandi og
það verða færri hendur sem geta sinnt
þjónustu við þann hóp. Sveitarfélögin
þurfa því að finna lausnir svo hægt
sé að þjónusta fleiri án aukningar á
starfsfólki. Tveir sérfræðingar frá Noregi,
Kristin Standal, sem er sérfræðingur
hjá norska sveitarfélagasambandinu í
þróun og nýsköpun og Kirsti Fossland
Brors sem er ráðgjafi og hefur yfirumsjón
með verkefnum á sviði velferðartækni í
Tröndelag, kynntu hvernig sveitarfélög
þar hafa innleitt velferðartækni.
Innleiðing velferðartækni er ferli
sem tekur langan tíma
Sveitarfélög þurfa að átta sig á því að
innleiðing á velferðartækni er ferli sem
tekur langan tíma. Sveitarfélög í Noregi
eru komin mun lengra en á Íslandi í
nýtingu á velferðartækni. Eins og gengur
hafa þau gert mistök á þeirri leið og því
er mikilvægt fyrir okkur að kynnast þeim
aðferðum sem hafa gagnast norsku
sveitarfélögunum vel.
Norska sveitarfélaga-
sambandið í
samvinnu við norska
heilbrigðisráðuneytið hefur
gefið út leiðbeiningar
sem nýtast á landsvísu
við innleiðingu á
velferðartækni. Á
vinnustofunni var farið
yfir þessar leiðbeiningar
og þau skref sem þarf að
taka svo velferðartækni
verði eðlilegur hluti af
þjónustu við notendur.
Það sem skiptir máli er
að fólk átti sig á því að
tæknibúnaðurinn sem nota
á til að létta undir er ekki
aðalatriðið í innleiðingu
á velferðartækni.
Undirbúningur og kennsla
er grunnurinn að því að
hægt verði að nýta sér
velferðartæknina.
Stjórnendur þurfa einnig
að sjá ávinning á því að
nýta tæknina og gera ráð fyrir fjármagni
í slíkar breytingar. Einnig er mikilvægt að
þeir sem hanna tæknilausnir sníði tækin
að þörfum notandans en ekki öfugt.
Vinnustofa í velferðartækni
Kirsti Fossland Brors frá Þrándheimi í Noregi var meðal fyrirlesara á vinnustofunni.
María Ingibjörg Kristjánsdóttir
Félagsþjónustufulltrúi Sambands íslenskra
sveitarfélaga