Dagblaðið Vísir - DV - 20.12.2019, Blaðsíða 24

24 FÓKUS 20. desember
HÓFU SAMSTARF Í STIGAGANGINUM
n Vinkonurnar Bára og Eyrún eru spilandi frjóar n Sameinuðu krafta sína með farsælum hætti
V
inkonurnar Bára
Brandsdóttir og Eyrún
Pétursdóttir eiga það
sameiginlegt að elska
skapandi störf en þær gáfu nýverið
út spilið Talnastuð. Spilið er ætlað
börnum á yngri aldursárum og
hverfist, eins og nafn þess gefur til
kynna, allt um tölur.
Leiðir þeirra Báru og Eyrúnar
lágu saman í gegnum dætur
þeirra en þær bjuggu um
tíma í sama húsi, staðsettu í
Hlíðunum. „Stelpurnar okkar
eru á sama aldri og því var mikill
samgangur á milli hæða,“ segir
Eyrún og heldur áfram. „Bára
hafði á þessum tíma nýlokið við
að búa til stafaspil fyrir dóttur
sína sem var að læra stafina.
Spilið vakti mikla lukku og í
kjölfarið kviknaði sú hugmynd
að gefa það jafnvel út svo fleiri
gætu notið góðs af – en þá
vantaði teiknara. Ég gaukaði því
að henni að ég kynni nú alveg
teikna og þar með var boltinn
farinn að rúlla. Við ákváðum að
gera þetta verkefni saman og árið
2016 kom spilið á markaðinn.
Þremur árum síðar erum við
aftur í sömu sporum því það má
segja að Talnastuð sé einhvers
konar framhald af Stafastuði
nema nú snýst allt um tölurnar.
Með spilinu fylgja sex
leikreglur en það er hægt að spila
Talnastuð á nokkra mismunandi
vegu. Þess vegna geta bæði börn
sem eru að kynnast tölunum og
þau sem eru að byrja að vinna
með tölurnar spilað Talnastuð.
Leikirnir felast meðal annars í
því að þekkja tölurnar, að telja,
vita hvort tala sé hærri eða lægri
en önnur, einföld samlagning,
frádráttur og svo framvegis.“
Samhliða því að búa til spil reka
stelpurnar netverslunina Kátínu
þar sem þær selja afraksturinn
en Bára rekur jafnframt
netverslunina Kyrrland. Eyrún
er hins vegar búsett í Svíþjóð
þar sem hún leggur stund
á landslagsarkitektúr. Þær
viðurkenna að því fylgi töluverður
kostnaður að setja svona spil á
markaðinn og sjálfar fái þær lítið
í vasann fyrir afraksturinn. „Við
gerum þetta nú aðallega fyrir
ánægjuna,“ segir Eyrún og heldur
áfram. „Við söfnuðum fyrir
prentkostnaðinum á Karolina
Fund sem gekk ljómandi vel,
við náðum takmarkinu okkar
og gott betur sem er ákaflega
gleðilegt og augljóst að áhugi
fyrir krakkafræðslu er mikill.“
Óhætt er að segja að
spilið sé fallegt en það er
skreytt einstaklega fallegum
vantslitamyndum eftir Eyrúnu
hún segir þær stöllur þó hafa
lagt megináherslu á að spilið
væri skemmtilegt. „Reglurnar
eru ekki skrifaðar í stein og
þær má beygja og sveigja að
vild og aðlaga að leikmönnum
svo allir hafi gagn og gaman af.
Stelpuhópurinn okkar er búin
að vera að prófa spilið fyrir
okkur og einnig hafa vinir þeirra
komið í spilapartí og allir hafa
skemmt sér konunglega. Nú er
endalaust beðið um að spila
Talnastuð og við gætum varla
hugsað okkur betri meðmæli en
það.“ n
Íris Hauksdóttir
iris@dv.is
„Reglurnar eru
ekki skrifaðar í
stein og þær má beygja
og sveigja að vild