Dagblaðið Vísir - DV - 20.12.2019, Blaðsíða 44

44 PRESSAN 20. desember
Forlagið og Verðlaunasjóður íslenskra
barnabóka auglýsa eftir handriti að skáldsögu
fyrir unglinga til að keppa um Íslensku
barnabókaverðlaunin 2020.
Skilafrestur er til og með 10. janúar.
Allar upplýsingar á www.forlagid.is
Þrautaganga vinsæls jólalags
All I Want for Christmas is You loksins á toppinn í Bandaríkjunum 25 árum eftir útgáfu
F
lestir hafa eflaust heyrt stórsöngkon-
una Mariuh Carey þenja raddböndin
í laginu All I Want for Christmas Is
You í kringum jólahátíðina. Lagið er
spilað í verslunum, á öllum útvarpsstöðv-
um og í heimahúsum. Útgáfur af því heyr-
ast í vinsælum jólamyndum og auglýsing-
um. Þannig hefur það verið síðan það var
gefið út árið 1994. Því verða eflaust ein-
hverjir undrandi þegar þeir heyra að lagið
komst í fyrsta sinn í efsta sæti vinsældalista
í Bandaríkjunum í vikunni.
Nær hún Bítlunum?
Lagið var gefið út á EP-plötu fyrir 25 árum.
Þá kváðu reglur um vinsældalista á um að
lagið mætti ekki keppa við aðrar smáskíf-
ur. Árið 2000 var lagið endurskilgreint sem
stakt lag og þá mátti Mariah demba sér í
vinsældabaráttuna. Nítján árum síðar hef-
ur sú þrautaganga skilað sér í toppsætinu.
Þetta er nítjánda lagið sem Mariah kem-
ur á topp vinsældalista í Bandaríkjunum
og andar því ofan í hálsmálið á Bítlunum.
Þeirra met er tuttugu lög. Þetta er einnig
fyrsta jólalagið til að ná toppsætinu síðan
íkornaprakkararnir vermdu það árið 1958
með lagið The Chipmunk Song (Christmas
Don’t Be Late).
„Þetta er eitthvað sem dyggir aðdáend-
ur mínir hugsa um og eitthvað sem fólk í
kringum mig talar um bókstaflega allt árið.
En ég þarf ekki staðfestingu á að þetta lag
er til. Ég hnýtti einu sinni í allt þegar ég
hlustaði á það en núna get ég loksins notið
þess. Ég elska hátíðarnar. Ég veit að þetta er
væmið, en mér er sama,“ segir Mariah í við-
tali við New York Times.
Streymt fyrir allan peninginn
Þó að lagið hafi ekki vermt toppsætið á
vinsældalistum áður hefur því gengið
afar vel á streymisveitum. Greiningarfyr-
irtækið Nielsen segir að streymisvöxtur
lagsins milli ára sé óviðjafnanlegur. Jólin
2014 var því streymt 12,6 milljónum sinn-
um. Tveimur árum síðar var sú tala kom-
in upp í 61 milljón og yfir jólin í fyrra var
laginu streymt 185 milljón sinnum. Þá hef-
ur spilunartími í útvarpi vestanhafs næst-
um því tvöfaldast yfir sama tímabil. Mariah
hefur notið góðs af þessari velgengni. Hún
skrifaði barnabók út frá laginu og teikni-
mynd svo fátt eitt sé nefnt. Í tilefni vel-
gengni lagsins í Bandaríkjunum í ár gaf
hún út glænýtt tónlistarmyndband fyrir
þetta sögufræga lag.
Samið á korteri
Lagið var samið með hvelli einn dag í
ágúst árið 1994. Það tók Mariuh og Wal-
ter Afanasieff korter að semja það og var
það smellurinn á jólaplötu söngkonunnar,
Merry Christmas. Lagið var samið heima
hjá Mariuh í New York og fyllti hún íbúð-
ina af alls kyns jólaskrauti til að koma sér
í lagasmíðagírinn, sem virkaði svona líka
vel. Walter var ekki sannfærður í fyrstu.
Hann skildi ekkert hvert Mariah var að fara
með lagið en ákvað að treysta henni, sem
betur fer.
Þótt gagnrýnendur hafi almennt verið
ánægðir með lagið hefur það heldur aldrei
náð toppsæti vinsældalista í Bretlandi.
Það var í þrjár vikur í öðru sæti árið 1994
en náði ekki að skáka ballöðunni Stay
Another Day með East 17, strákasveit sem
varla nokkur man eftir lengur. n
„Þetta er eitthvað sem dyggir
aðdáendur mínir hugsa um og
eitthvað sem fólk í kringum mig talar
um bókstaflega allt árið
Lilja Katrín Gunnarsdóttir
lilja@dv.is
Jól í botni Mariah tekur lagið á tónleikum.
MYND: GETTY IMAGES