Dagblaðið Vísir - DV - 08.11.2019, Blaðsíða 32

Íslenskar netverslanir 08. nóvember 2019KYNNINGARBLAÐ
HEILSAN MÍN:
Andleg og líkamleg vellíðan
og heilbrigt útlit
Heilsan mín býður upp á fjölbreytt úval af heilsu- og fegrunarmeðferðum.
Irena Auður Pétursdóttir, eigandi
stofunnar, er sérfræðingur í
ristilmeðferðum og hefur veitt slíkar
meðferðir í sjö ár. Fyrst starfaði
hún hjá Heilsuhóteli (Detox) á Ásbrú
en nú hefur Irena opnað Heilsan
mín í Hafnarfirðinum. „Ég hef orðið
vitni að gríðarlegum árangri hjá
meðferðaraðilum mínum. Fólk finnur
jafnvel ótrúlegan mun á sér eftir
fyrsta skiptið í ristilhreinsun. Það
talar um aukna orku, léttleika og
almennt betra skap.“
Ótrúlegur árangur af
ristilmeðferðum
Ristillinn leikur stórt hlutverk í bæði
meltingar- og ónæmiskerfinu.
Hlutverk örvera í þörmunum
er fjölþætt og taka þær þátt í
efnaskiptum, ónæmisviðbrögðum
og brjóta niður eiturefni í líkamanum.
Þessi ferli eru stór hluti af því
að húð, lifur og önnur líffæri og
líkamskerfi starfi á heilbrigðan hátt.
Ristilmeðferðir eru hannaðar til
þess að hreinsa út öll eiturefni sem
safnast upp í líkamanum og gefa
honum nýtt upphaf. „Við erum ekki
bara að hreinsa ristilinn heldur hefur
meðferðin töluvert víðfeðmari áhrif
á líkamann allan. Við ristilmeðferð
hreinsast ekki bara ristillinn heldur
líkaminn allur sem og blóðrásin og
önnur kerfi líkamans.“
Afrakstur ristilmeðferða er
marþættur:
• bætir virkni ónæmiskerfsins,
ristilsins og annarra líffæra
líkamans
• minnkar kólesterol í hjarta- og
æðakerfinu
• gefur húðinni ljóma
• hjálpar til við þyngdartap
• hjálpar til við að vinna gegn
orkuleysi og ofþreytu, þunglyndi
og fleiru sem getur stafað af illa
ræstum líkama
Heilsan mín er eina stofan á
landinu sem býður upp á þessar afar
áhrifaríku og einstöku ristilmeðferðir.
HIFU Andlitslyfting án
skurðaðgerðar
HIFU stendur fyrir „high intensity
focused ultrasound“. HIFU er
ómbylgjumeðferð þar sem notuð
er sérhönnuð vél til að skjóta
samþjöppuðum ómbylgjum djúpt
niður í húðina sem hefur áhrif á
húðlög og andlitsvöðva. HIFU eykur
framleiðslu á kollageni og elastíni í
húðinni og því afar áhrifarík meðferð
í baráttunni gegn hrukkum og fínum
línum í andliti. Meðferðin er svokölluð
andlitslyfting án skurðaðgerðar og
í mörgum tilfellum getur hún veitt
fólki allt að 3–5 ára yngra útlit.
Andlitið lyftist og andlitsdrættir
skerpast, húðin verður sléttari og
stinnari, hægt er að vinna á signum
augnalokum sem og siginni höku.
Nudd gegn kvíða og stressi
Heilsan mín býður upp á nokkrar
gerðir af nuddmeðferðum, en
nudd eykur blóðflæði í líkamanum,
lagar efnaskipti og gefur aukna
orku og ferskleika. Nudd getur
hjálpað til við að vinna á stress- og
kvíðavandamálum sem hjálpar til
gegn svefnvandamálum. Heilsan
mín státar af frábærum nuddara,
henni Sangwan, sem kemur frá
Taílandi. „Hún er sérfræðingur í
taílensku og klassísku nuddi. Þeir
sem hafa komið til hennar í nudd
hafa verið himinlifandi enda veitir
hún nuddmeðferð sem er sérsniðin
að hverjum og einum. Þá greinir
hún hvaða vandamál hrjá hvern og
einn og nýtir þekkingu sína sem og
taílenskar jurtir og olíur til þess að
vinna á þeim í gegnum nuddið.“
Reiki er aldagömul óhefðbundin
lækningameðferð sem japanski
búddamunkurinn Mikao Usuie fann
upp og fullkomnaði. Meðferðin byggir
á orkuheilun og reikimeistarar notast
við tækni sem kallast handaheilun.
Þá miðlar heilarinn alheimsorkunni
gegnum hendur sér til þeirra staða
í líkama meðferðaraðila þar sem
orkunnar er þörf. Í reikispekinni er
sársauka og kvillum lýst sem stíflaðri
orku eða ójafnvægi. Þá vinna
reikimeistarar í því að opna fyrir
orkuna, afstífla og koma á jafnvægi
til þess að heila meðferðaraðilann.
Innrauð sána fyrir alla
Að stunda innrauð sánaböð hefur
heilmikinn heilsufarslegan ávinning.
Í innrauðri sánu hitnar líkaminn af
völdum innrauðra hitageisla sem
hita líkamann upp á þægilegan
máta. Bylgjurnar hita ekki upp
rýmið í kringum heldur eingöngu
líkamann og auka svitamyndun
sem hjálpar líkamanum að losa sig
við skaðleg eiturefni. Einnig hafa
innrauðu geislarnir jákvæð áhrif
á blóðþrýsting og getur í sumum
tilfellum hjálpað í baráttunni gegn
svefnleysi. Geislarnir ná um fjóra
sentimetra ofan í húðina, sem er
töluvert meiri og dýpri virkni en
hefðbundin sána, sem nær eingöngu
um fimm millimetra ofan í húðina.
Pantaðu tíma í einhverja af
þeim fjölmörgu heilsu- og
fegrunarmeðferðum sem Heilsan
mín býður upp á, á vefsíðunni
heilsanmin.com
Bæjarhraun 2, 220 Hafnarfjörður
Sími: 852-2777
Fylgstu með á Facebook: Heilsan mín
Myndir: Eyþór Árnason