Dagblaðið Vísir - DV - 08.11.2019, Qupperneq 39

SAKAMÁL 398. nóvember
FRANSKT ELDHÚS MEÐ SNÚNINGI
n Rosso og félagar hans voru iðnir við bankarán n Koddahjal kærustunnar hafði morð í för með sér n Sektarkenndin náði yfirhöndinni að lokum
„Síðan losaði ég mig
við líkið með því að
skera það í bita og hakka allt
saman í matvinnsluvélinni
Stíflað klósett
Í íbúð sinni við Rue Dubray var
Rosso með böggum hildar. Það
sem við honum blasti var blóð
uppi um alla veggi, nánast, og í
einu horni var haugur af plast-
pokum. Innihald þeirra var það
sem eftir var af Renard – beinin.
Luc Onfray sat makindalega í
sófa í stofunni og reykti jónu. „Ég
losa okkur við þá,“ sagði hann og
kinkaði kolli í átt að pokunum.
Ekki hafði þó allt gengið sem
skyldi hjá Onfray því hann hafði
hent bleika maukinu í klósettið
en „það var svo mikið af því að
það virðist hafa stíflað það.“
Nú, það var seinni tíma vanda-
mál og tvímenningarnir tóku á sig
náðir.
Íbúðin þrifin hátt og lágt
Daginn eftir tóku þeir til við að
þrífa íbúðina og að því loknu
hefði aðeins verið á færi rann-
sóknardeildar lögreglunnar að
finna vegsummerki þess voða-
verks sem þar hafði verið framið.
Onfray og Rosso voru svo ákaf-
ir í að losa sig við líkamsleifar
Renard að þeir steingleymdu að
sjónir lögreglunnar beindust að
þeim – ekki fyrir morð, heldur
bankarán.
Liðu nú þrír mánuðir og virtist
sem félagarnir hefðu komist upp
með hinn fullkomna glæp. Þá
hljóp snurða á þráðinn því í febr-
úar 1999 voru Onfray og Rosso
handteknir og lögreglan vildi
einnig hafa hendur í hári Renard,
en hann var hvergi að finna.
Dæmdir fyrir bankarán
Það liðu þrjú ár áður en réttað
var yfir Onfray og Rosso vegna
bankarána. Onfray fékk 12 ára
dóm, Rosso 16, og Renard – eðli
málsins fjarverandi – fékk 20 ár.
Alexandra Martyn var aldrei
nefnd til sögunnar og vann þegar
þarna var komið sögu á dagheim-
ili og sennilega búin að sveipa
skuggalega fortíð sína þykkri
hulu.
Onfray og Rosso voru aftur á
móti á bak við lás og slá, dagarn-
ir voru langir og tíminn mjakaðist
áfram með hraða snigils. Fátt var
til dundurs og þeim mun meira
hugsað.
Sektarkenndin sigrar
Í október, 2004, bugaði sektar-
kenndin Rosso og hann skrifaði
orðsendingu til saksóknarans í
Nice og leysti frá skjóðunni um
afdrif Michels Renard. Rosso var
mjög ítarlegur í frásögn sinni og
dró ekkert undan.
Áhugi lögreglunnar var vakinn
og hún heimsótti Onfray í fang-
elsið en hann neitaði allri aðild
eða vitneskju um málið.
Íbúðin í Rue Dubray var rann-
sökuð hátt og lágt og það sem í
henni fannst tók af allan vafa um
að þar hefði verið framið morð.
Alexandra Martyn var hand-
tekin og ákærð fyrir aðild að
morðinu og Rosso og Onfray voru
kærðir fyrir morð. Í janúar, 2012,
voru þeir aftur mættir í dómsal
en ákærurnar ívið alvarlegri en
bankarán.
Málalok
Alexandra viðurkenndi sinn þátt
í morðinu sem hún sagði hafa
einskorðast við að útvega svefn-
lyfið sem Renard var byrlað. „Ég
hefði þó kosið að hann hefði ver-
ið drepinn með kúlu í höfuðið,“
bætti hún við.
Luc Onfray fullyrti að hann
hefði bara slegið Renard í höf-
uðið með hamri; Rosso hefði síð-
an kyrkt hann.
Alexandra Martyn fékk fimm
ára skilorðsbundinn dóm, Luc
Onfray fékk 30 ára dóm og Phil-
ippe Rosso fékk 28 ár. n
Philippe Rosso
Ákvað að gera kær-
ustu sinni greiða.
Í dómsal Lengi vel virtist sem Rosso
og Onfray kæmust upp með morð.