Dagblaðið Vísir - DV - 15.11.2019, Side 25

Vetur
15. nóvember 2019
KYNNINGARBLAÐ
Ábyrgðarmaður: Kolbrún Dröfn Ragnarsdóttir / kolla@dv.is Umsjón: Jóhanna María Einarsdóttir / johanna@dv.is
RÓTOR:
Gæða kamínur frá Spáni
Rótor ehf. hefur um langt árabil sérhæft sig í rafbúnaði bíla, ferðavörum, sólarorku, smíði
húsbíla, sölu pallhýsa og nú býður
það einnig upp á gæða kamínur og
arna frá Spáni.
Með áratuga reynslu
Fyrirtækið var upphaflega stofnað
árið 1989 af Lárusi G. Brandssyni
og er hann því búinn að reka það í
30 ár samfleytt. Lengst af var það
bíla- og vélaverkstæði samhliða
verslun í Hafnarfirði en rekstrinum
var síðan skipt upp í tvö sjálfstæð
fyrirtæki árið 2016.
Síðan þá hefur Rótor blómstrað í
Bæjarlind 6, Kópavogi, undir stjórn
Lárusar og hafa viðskiptavinirnir
kunnað að meta stærri verslun,
betri þjónustu og aukið vöruúrval.
Verslunin er gjarnan kölluð
„Dótabúðin“ af viðskiptavinunum því
þeir gleyma margir stað og stund
þegar skoðað er í hillurnar.
„Við aðstoðum viðskiptavininn
eins og við getum í vali íhluta, hvort
sem um er að ræða sólarsellur,
markísur, kamínur, rafbúnað
eða hvers konar sérpantanir.
Oft kemur viðskiptavinurinn með
grunnhugmyndir, sem við síðan
útfærum í samráði við hann,
þannig að allt virki nú eins og til er
ætlast,“ segir Lárus.
Árstíðabundnar sveiflur
Fyrirtækið státar af mörgum
vöruumboðum, sem öll eiga það
sameiginlegt að bjóða upp á
hágæða vörur, sem er jafnframt
aðaláhersla fyrirtækisins ásamt
því að stilla vöruverði í hóf. Flest
eiga þau það þó sammerkt að
bjóða vörur sem tengjast beint eða
óbeint sól og sumri þó svo að alltaf
sé eitthvað um verslun á veturna,
einkum í rafbúnaði hvers konar.
Árstíðabundin sveifla er því
óhjákvæmilegur fylgifiskur þeirra
fyrirtækja sem bjóða aðallega upp
á ferðatengdan búnað og er Rótor
þar engin undantekning. Lárus
hefur þó leyst það með því að
bjóða upp á spænskar kamínur og
rafmagnsvélahitara, sem hvort tveggja
hefur slegið í gegn hjá landanum.
Úrval af vönduðum kamínum
Heitasta varan um þessar mundir
er spænsku kamínurnar og arnarnir
frá Panadero, sem hafa algjörlega
slegið í gegn. Þær þykja afskaplega
vandaðar, fallegar og á sérstaklega
góðu verði. Kamínurnar eru
smíðaðar úr plötustáli með tvöfalt
byrði og eru því einstaklega öruggar
og þægilegar í notkun,“ segir Lárus.
Rótor selur eingöngu kamínurnar
sjálfar en vísar á blikksmiði og
-smiðjur um allt land varðandi
reykrör, rétta uppsetningu
og tengingar. Hvetur Lárus
áhugasama blikkara til að skrá sig
á lista hjá þeim, einkum þá sem búa
nærri sumarhúsahverfum s.s. á
Suður- og Vesturlandi.
Mikið hefur verið pantað af
kamínum fyrir hátíðirnar, rétt eins og
í fyrra, en hægt verður að panta inn
í síðustu sendinguna fyrir jól til 20.
nóvember. „Jólagjöf fjölskyldunnar í
ár,“ segi Lárus að lokum.
Hægt er að hafa samband við Rótor
í síma 555-4900 eða með tölvupósti
á rotor@rotor.is.
Fyrirtækið heldur úti öflugri
heimasíðu, www.rotor.is ásamt
vinsælli Facebook-síðu undir
merkjum Rótors. Þar er hægt að
fylgjast með því, sem er helst að
gerast frá degi til dags á meðan
heimasíðan geymir upplýsingar
um flestar þær vörur sem fást í
versluninni.