Dagblaðið Vísir - DV - 13.09.2019, Side 51

KYNNING
Ný og glæsileg uppskera
af íslensku grænmeti!
Matvörubúðirnar eru heldur betur orðnar litríkar enda er íslenska haustuppskeran
komin í rekkana og bíður þess að fá
að leika stjörnuhlutverk í girnilegri
matargerð frá öllum heimshornum.
„Bændurnir okkar standa vaktina
nótt sem nýtan dag við að taka upp
kynstrin öll af blómkáli, spergilkáli,
rófum, gulrótum og fleiru og skortir
eflaust einhverja svefn.
Garðyrkjubændurnir hafa margir
hverjir verið að gera tilraunir með ný
yrki fyrir sprotaspergilkál, blómkál
í bæði gulum og fjólubláum lit sem
og fjólublátt kínakál. Sumt af þessu
hefur fengist áður í búðunum en
sumt er algerlega nýtt af nálinni.
Þetta virðist koma ágætlega undan
íslensku sumri og eru bændur bjart­
sýnir á að geta boðið upp á fleiri
nýjungar á næsta ári. Tíðin hefur
líka verið góð í sumar, mikil sól og
veður mild. En það hefur rignt heldur
lítið sem hefur valdið örlítilli seinkun
á útiræktinni,“ segir Kristín Linda
Sveinsdóttir markaðsstjóri.
Það gerist varla ferskara
Íslenskt grænmeti er eins ferskt og
hægt er að ímynda sér. Bragðgæði
þess koma til vegna þess að það fær
að þroskast á viðeigandi hraða uns
það er tilbúið til átu. Og ástæðan
fyrir því hvað íslensku tómatarnir eru
ótrúlega bragðgóðir og sætir er sú
að tómatarnir fá að fullþroskast á
plöntunni. Kalda íslenska loftslagið
gerir það svo að verkum að úti­
grænmetið vex hægar en á heitari
svæðum og því græðum við á því
að það tekur í sig meira bragð og
næringargildi.
Flutningsleið frá garðyrkjubónda
til kaupanda er alla jafna stutt og því
líður oft ekki nema einn dagur frá því
varan er tínd og þar til hún er komin
í búðirnar. Því er íslenskt grænmeti
með því ferskasta sem hægt er að
fá.
Íslenskt grænmeti: Kolefnisjafnað
frá bónda til þín!
Það eru ótal ástæður fyrir því að
Íslendingar ættu að velja íslenskt
grænmeti. Fyrir utan það hvað það
er ótrúlega ferskt, hollt og bragðgott
þá er það einnig gott fyrir umhverfið.
Nú er allur flutningur á grænmeti,
frá grænmetisbændum í Sölufélagi
garðyrkjumanna í verslanir, kolefnis­
jafnaður að fullu, sem þýðir að ís­
lenskur grænmetisiðnaður er orðinn
enn umhverfisvænni en áður.
Þú færð ferskt íslenskt grænmeti
úti í næstu matvörubúð.
Ný uppskera á
ferskum íslenskum
gulrótum
„Stór og góð uppskera
af nýjum og ferskum
gulrótum hefur ratað
í búðirnar og því ekki
til setunnar boðið að
benda á vef Íslenskra
garðyrkjubænda,
islenskt.is þar sem
finna má ógrynnin öll
af girnilegum upp­
skriftum þar sem
íslenskt grænmeti er í
hávegum haft.
Ef ýtt er á flipann
„eftir tegund“ má
velja uppskriftir út frá
ákveðinni grænmetis­
tegund. Þá eru t.d. 23
girnilegar uppskriftir
að finna á síðunni
þar sem gulrótin er
í forgrunni og því
tilvalið að skella sér í
næstu búð og næla
sér í poka af nýjum
og ferskum íslenskum
gulrótum.“