Morgunblaðið - 14.09.2019, Side 2

2 FRÉTTIRInnlent
MORGUNBLAÐIÐ LAUGARDAGUR 14. SEPTEMBER 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
ÁMANNM.V. 2 FULLORÐNA
VERÐ FRÁ 89.900 KR.
FLUG&GISTINGMEÐMORGUNVERÐI
NÁNAR Á UU.IS EÐA Í SÍMA 585 4000
Landsréttur hefur staðfest 17 ára
fangelsisdóm yfir Degi Hoe Sigur-
jónssyni fyrir manndráp og tilraun
til manndráps á Austurvelli í desem-
ber árið 2017. Dagur var dæmdur
fyrir að hafa orðið Klevis Sula að
bana með hnífstungum og fyrir að
veita Elio Hasani stunguáverka.
Helgi Magnús Gunnarsson vara-
ríkissaksóknari staðfesti þetta í sam-
tali við mbl.is í gær. Helgi Magnús
flutti málið fyrir hönd ákæruvaldsins
en hann taldi eðlilegt að Dagur yrði
dæmdur í 18-19 ára fangelsi fyrir
brot sín, 16 ár fyrir manndrápið og
tvö til þrjú ár fyrir tilraun til mann-
dráps.
Lúðvík Örn Steinarsson, skipaður
verjandi Dags, gerði kröfu um
sýknu, en til vara að refsing hans
yrði milduð. Auk fangelsisvistarinn-
ar er Degi gert að greiða rúmar
fimm milljónir króna í sakarkostnað.
Þá ber honum að greiða foreldrum
Sula samtals rúmlega sjö milljónir
króna í miskabætur og Hasani 1,5
milljónir.
17 ár fyrir manndráp
 Dómur vegna
árásar á Austur-
velli staðfestur
Morgunblaðið/Árni Sæberg
Dæmdur Dómur héraðsdóms yfir Degi Hoe Sigurjónssyni var staðfestur.
Katrín Jakobs-
dóttir forsætis-
ráðherra hefur
falið settum rík-
islögmanni,
Andra Árnasyni,
að taka afstöðu til
máls Erlu Bolla-
dóttur, sem sak-
felld var fyrir
meinsæri í Guð-
mundar- og Geir-
finnsmálinu. Erla greindi frá því fyr-
ir þremur vikum að hún hygðist
stefna íslenska ríkinu vegna höfn-
unar endurupptökunefndar á beiðni
hennar um að taka upp dóm hennar í
málinu. Hinir fimm sakborningarnir
í málinu fengu mál sín tekin upp og
voru í fyrra sýknaðir af sakfellingu
fyrir manndráp.
Samkvæmt upplýsingum frá for-
sætisráðuneytinu átti Andri nýverið
fund með lögmanni Erlu þar sem
farið var yfir þau sjónarmið sem
fram hafa komið í málinu. Ráðgert
er að niðurstaða muni liggja fyrir
innan tíðar.
Í viðtali við Morgunblaðið í ágúst
sagði Erla að hún hefði átt fund með
forsætisráðherra í lok síðasta árs
þar sem þær ræddu framhald máls-
ins og síðan þá hefði hún beðið við-
bragða yfirvalda. Katrín sagði þá að
sér þætti leitt að meðferð málsins
hefði tekið lengri tíma en búist hefði
verið við. annalilja@mbl.is
Mál Erlu á
borði ríkis-
lögmanns
 Niðurstöðu að
vænta innan tíðar
Erla
Bolladóttir
Helgi Bjarnason
helgi@mbl.is
Forystumenn BSRB og aðildar-
félaga þess og félagsmenn eru orðnir
óþreyjufullir vegna þess hversu litlu
viðræður þeirra við samninganefnd-
ir ríkisins, Reykjavíkurborgar og
sveitarfélaganna hafa skilað. Við-
ræðurnar hafa staðið yfir í sex mán-
uði. Krafa um styttingu vinnutímans
og krafa vinnuveitenda um að fá eitt-
hvað á móti virðist aðalágreinings-
málið. Forystumenn eru að íhuga að
vísa deilunni til ríkissáttasemjara og
undirbúa aðgerðir.
Viðræðurnar fara fram á tvennum
vígstöðvum. BSRB fer með sameig-
inleg mál félaganna, eins og vinnu-
tímamálin, en félögin fara sjálf með
launamálin. „Við erum búin að vera
ansi lengi í þessum viðræðum og þær
ganga að okkar mati ekki neitt. Við
höfum ekki fengið neinar beinar til-
lögur frá samninganefnd ríkisins,“
segir Árni Stefán Jónsson, formaður
Sameykis – stéttarfélags í almanna-
þjónustu sem er stærsta félagið inn-
an BSRB.
Vilja skerða réttindi á móti
Sonja Ýr Þorbergsdóttir, formað-
ur BSRB, tekur í sama streng og
Árni Stefán. Hún bendir á að BSRB
hafi verið með styttingu vinnuvik-
unnar sem áherslumál í mörg ár. Til-
raunaverkefni sem unnið hafi verið
að sýni jákvæða niðurstöðu og sé góð
leið til að vinna gegn streitu og ein-
kennum kulnunar sem starfsfólk í al-
mannaþjónustu finni fyrir vegna
mikils álags.
Segir Sonja að BSRB hafi lagt upp
með að stytta vinnuvikuna án þess að
skerða önnur réttindi á móti. For-
mannaráð BSRB hafnar í ályktun al-
farið hugmyndum samninganefnda
ríkisins, borgarinnar og sveitar-
félaganna um að gefa eftir kaffitíma
eða önnur réttindi félagsmanna í
skiptum fyrir styttingu vinnuvikunn-
ar. Sonja segir að þar sé átt við ýmis
réttindi sem tengist vaktavinnu, auk
almennra kaffitíma.
Hugað að vísun til
sáttasemjara
Áfram verður fundað í deilunni
eftir helgi. Árni Stefán og Sonja
segja að óþreyja sé komin í fé-
lagsmenn vegna þess hversu hægt
viðræðurnar ganga. „Ef þetta fer
ekki að ganga á næstu dögum verður
að grípa til næstu úrræða; vísa deil-
unni til ríkissáttasemjara. Það er
undanfari þess að við getum þrýst á
um lausn deilunnar með aðgerðum,“
segir Árni Stefán.
BSRB hugar að aðgerðum
 Viðræður stranda á kröfum um skerðingu réttinda á móti styttingu vinnutíma
Árni Stefán
Jónsson
Sonja Ýr
Þorbergsdóttir
Árlegt púttmót íbúa og starfsmanna Hrafnistu í Hafnarfirði fór fram í gær.
Kepptu Hrafnistumenn gegn bæjarstjórn þar sem bæjarstjórinn, Rósa
Guðbjartsdóttir, var í fremstu víglínu. Keppt er um Hrafnistubikarinn eins
og ávallt á mótum Hrafnistu. Keppendur úr báðum liðum nutu veðurblíð-
unnar á púttvellinum, klæddu sig eftir aðstæðum og nutu síðan góðra veit-
inga að leik loknum.
Morgunblaðið/Hari
Hrafnistumenn leika á bæjarstjórann
Óþekktur maður kynnti sig sem
starfsmann Norðurorku þegar
hann bankaði upp á í húsi á Akur-
eyri á dögunum og sagðist þurfa að
lesa af mælum. Barn sem kom til
dyra hleypti honum inn. Fór hann
síðan út aftur.
Lögreglan á Norðurlandi eystra
segir frá þessu á facebooksíðu
sinni. Þegar farið var að skoða mál-
ið kom í ljós að þarna var ekki
starfsmaður Norðurorku á ferð.
Starfsmenn fyrirtækisins eru allir í
merktum yfirhöfnum og með
starfsmannapassa. Þá er þeim
uppálagt að lesa ekki af ef enginn
fullorðinn er á heimilinu.
Lögreglan hvetur fólk til þess að
brýna það fyrir börnum að hleypa
ekki ókunnugum inn á heimili sín.
Fór inn á heimili á
fölskum forsendum