Morgunblaðið - 14.09.2019, Blaðsíða 16
16 FRÉTTIRInnlent
MORGUNBLAÐIÐ LAUGARDAGUR 14. SEPTEMBER 2019
SVIÐSLJÓS
Sigurður Bogi Sævarsson
sbs@mbl.is
Ríflega 700 manns stunda í vetur
nám við Háskólann á Bifröst og
hafa aldrei verið fleiri. Forysta og
stjórnun eru meðal þeirra greina
við skólann sem mestra vinsælda
njóta, það er nám á meistarastigi
sem er mikið sótt af fólki sem hefur
skapað sinn feril í atvinnulífinu en
vill hafa þekkingu til að takast á við
stjórnunarstörf. Þá er mikil aðsókn
í nám í viðskiptafræði, við-
skiptalögfræði og miðlun og al-
mannatengslum, en fyrrgreind fög
eru í raun kjarninn í starfinu á Bif-
röst, segir Vilhjálmur Egilsson,
rektor skólans.
Flestir eru í fjarnámi
Sex ár eru um þessar mundir síð-
an Vilhjálmur var ráðinn rektor og
segir hann að á því tímabili hafi
margt breyst í starfi skólans. Flest
þar megi rekja til örrar tækniþró-
unar og samfélagsbreytinga sem
fylgt hafi. Nýr veruleiki í atvinnu-
lífinu, svo sem í tengslum við fjórðu
iðnbyltinguna, krefjist þess að fólk
afli sér nýrrar menntunar, þá
gjarnan jafnhliða vinnu. Þá nýta
sér margir möguleika fjarnáms, en
nú er svo komið að 85% nemenda
eru í fjarnámi. Aðeins 15% eru í
staðnámi, það er búa á Bifröst og
sækja þar tíma og sinna verkefna-
vinnu.
„Skólinn og starf hans hefur
gjörbreyst á þessum árum mínum
hér, “ segir Vilhjálmur sem lætur
af starfi rektors eftir líðandi vetur.
Sífellt er verið að bryddda upp á
nýjungum í starfinu á Bifröst og
meðal nýrra námslína þar er BA-
nám í opinberri stjórnsýslu. Þar er
fléttað saman lögfræði, stjórn-
málafræði og viðskiptafræði þannig
að nemendur kynnast gagnvirkni
hins opinbera stjórnkerfis, sem er
flókið og margslungið. Þá er bætt
við greinum eins og vinnurétti,
mannauðsstjórnun og verk-
efnastjórnun, svo nemendur séu
sem best í stakk búnir til að sinna
opinberum störfum.
Uppfærð þekking
„Fjarnám er framtíðin, því þann-
ig má betur en ella mæta nem-
endum á þeirra forsendum. Fram-
setningin verður stöðugt
markvissari og fyrirlestrar kenn-
ara, sem hægt er að nálgast hve-
nær sem er í gegnum netið, eru í
örri þróun. Eru orðnir miklu meira
en einræða og þróast í að verða
heimildamyndir,“ segir Vilhjálmur
og heldur áfram:
„Í stóra samhenginu er þróunin
annars sú að í dag þarf fólk stöðugt
að uppfæra þekkingu sína, því nú
skipta flestir um störf oft á lífsleið-
inni eða þurfa á einhverjum tíma-
punkti að skapa sér eigið starf.
Þetta þýðir þá að fólk þarf geta að-
lagast breytingum, haft sam-
skiptahæfni, verið læst á upplýs-
ingar og tekið ákvarðanir á réttum
forsendum. Sé fólk með þetta á
hreinu er það jafnan eftirsótt á
vinnumarkaði. Í dag segjum við að
líka fólk taki sér mislangt hlé frá
námi, það er úrelt hugsun að segja
að fólk heltist úr lestinni.“
Þegar tal berst að tækniþróun og
hröðum samfélagsbreytingum, svo
sem á vinnumarkaði, segir Vil-
hjálmur að hafa beri í huga að nýj-
ar lausnir skapi vandamál eða ný
úrlausnarefni. Iðnbyltingin á Vest-
urlöndum fyrir meira en 200 árum
hafi mætt harðri andstöðu því
þannig hafi tapast fjöldi starfa þar
sem handaflið þurfti áður. Iðnvæð-
ingin hafi hins vegar leitt af sér
verðmætari störf sem urðu und-
irstaða betri lífskjara. Sama gerist
væntanlega nú, þegar til dæmis
hefðbundin afgreiðslustörf í versl-
unum eru á undanhaldi.
Afskriftir og létt á skuldaklafa
Háskólinn á Bifröst stendur vel
um þessar mundir. Árin 2014-2016
voru erfið í rekstri skólans, en þá
töpuðust samanlagt um 250 millj-
ónir. Munaði þar mikið um af-
skriftir á skólagjöldum sem ekki
innheimtust. Einnig höfðu framlög
ríkisins til skólans verið stórlega
skert. Þau hafa nú verið aukin aft-
ur og eru tæpar 500 milljónir króna
í ár, en skólagjöld og sértekjur
verða um 400 millj. kr. Þá er búið
að selja um 100 af 200 íbúðarein-
ingum á Bifröst og létta á skulda-
klafa sem þeim fylgdi. Íbúðir sem
áfram eru í eigu fasteignafélags
skólans munu nýtast nemendum í
staðnámi og starfsmönnum – svo
og sumaskólastarfsemi á Bifröst.
Nýjar aðstæður í atvinnulífinu
krefjast að fólk afli sér menntunar
Metfjöldi á Bifröst Upplýsingalæsi Nýjum lausnum fylgja vandamál
Morgunblaðið/Sigurður Bogi
Borgarfjörður Rekstur Háskólans á Bifröst gengur vel um þessar mundir, þegar létt hefur verið á skuldum, fram-
lög hafa verið aukin og nemendum fjölgar. Komið er til móts við samfélagið með ýmsum nýjum námsbrautum.
Menntun Fjarnám er framtíðin,
segir Vilhjálmur Egilsson rektor.
Frá og með 1.
október næst-
komandi verður
póstnúmerið 102
tekið upp fyrir
Vatnsmýri. Þá
mun sá hluti
póstnúmers 101
sem er sunnan
Hringbrautar
breytast í póst-
númerið 102. Mörk fyrir póstnúmer
105 og 107 haldast óbreytt.
Þá hyggst Pósturinn einnig gera
nokkrar breytingar á póstnúm-
erum á landsbyggðinni en helsti til-
gangur þeirra er að afmarka sveit-
arfélög með sérstökum póst-
númerum og einfalda þannig
flokkun og dreifingu. Þannig munu
hreppirnir í nágrenni Selfoss, sem
áður voru með áritunina 801 Sel-
foss, fá hver sitt póstnúmer. Árborg
verður áfram með 801 en Flóa-
hreppur verður með númerið 803,
Gnúpverjahreppur með 804 og
Grímsnes- og Grafningshreppur
805. Þá verður Bláskógabyggð með
áritunina 806 Selfoss frá og með
næstu mánaðamótum.
Sveitir í nágrenni Akureyrar sem
áður voru með áritunina 601 Ak-
ureyri eru sömuleiðis aðgreindar
frekar, þannig að Hörgársveit fær
póstnúmerið 604 Akureyri, Eyja-
fjarðarsveit 605 og Svalbarðs-
hreppur verður með 606 Akureyri.
102 Reykjavík frá
mánaðamótum
Lögreglu barst í vikunni tilkynning
um óprúttinn ferðalang sem hafði
látið greipar sópa í fríhöfninni í
Leifsstöð. Lagði viðkomandi leið
sína inn í verslunina í þrígang og
hafði á brott með sér varning án
þess að greiða fyrir hann.
Er lögregla kom á staðinn var
hinn grunaði kominn um borð í
flugvél og var hann handtekinn
þar. Við leit í ferðapoka sem hann
var með fannst merkjafatnaður
með verðmiðum á, samtals að verð-
mæti tæpar 50 þúsund krónur.
Ferðalangurinn, sem var erlend-
ur, viðurkenndi að hafa tekið fötin
án þess að greiða fyrir þau og bar
fyrir sig að hann hefði hvorki verið
með peninga né kort til að borga
fyrir varninginn.
Gripinn með merkja-
föt í Leifsstöð
Meistarakokkarnir Viktor Örn
Andrésson og Hinrik Lárusson hafa
gengið til liðs við Saffran-veitinga-
staðina. Munu þeir m.a. þróa nýja
rétti á matseðlinum ásamt því sem
þeir munu hafa yfirumsjón með
gæðamálum á Saffran-stöðunum.
Í fréttatilkynningu frá Saffran
segir að Viktor Örn og Hinrik séu á
meðal fremstu matreiðslumanna
landsins en Viktor var valinn mat-
reiðslumaður ársins árið 2013, auk
þess sem hann vann til brons-
verðlauna í matreiðslukeppninni Bo-
cuse d’Or árið 2017 sem er ein sú
virtasta í heimi. Viktor Örn segir í
tilkynningunni að hann og Hinrik
hlakki mikið til að prófa sig áfram
með að bæta nýjum réttum á mat-
seðilinn hjá Saffran. „Þetta er líka
gott tækifæri til að spreyta sig
meira á tandoori-pottinum, eld-
unartæki sem Indverjar hafa unnið
með í margar aldir,“ segir Viktor
Örn. Jóhann Örn Þórarinsson, einn
af eigendum Saffran, segir mikinn
feng í nýju liðsmönnunum. „Við
hlökkum til að kynna viðskiptavin-
um Saffran nýja rétti á næstu vikum
og mánuðum,“ segir Jóhann.
Kokkar Viktor Örn Andrésson og Hinrik Lárusson hefja störf hjá Saffran.
Viktor Örn og Hinrik
til liðs við Saffran
kulturntc
verslunin.kultur
Kringlan
Nýjar haustvörur frá