Morgunblaðið - 14.09.2019, Side 40

40 MINNINGAR
MORGUNBLAÐIÐ LAUGARDAGUR 14. SEPTEMBER 2019
✝ Adda KristrúnGunnarsdóttir
fæddist 7. júní
1933 á Brettings-
stöðum á Flateyj-
ardal. Hún lést á
Sjúkrahúsinu á
Akureyri 21. ágúst
2019.
Foreldrar henn-
ar voru hjónin Em-
ilía Sigurðardóttir
húsmóðir, f. 8.
október 1893, d. 30. mars 1960,
og Gunnar Tryggvason bóndi,
f. 30. júní 1885, d. 23. október
1973, sem bæði voru af Brett-
ingsstaðaætt. Systkini Öddu
eru: a) Sigurður Þórður vél-
stjóri, f. 1925, d. 1990. b)
Tryggvi skipstjóri, f. 1927, d.
þýðuskólanum á Laugum.
Haustið 1953 fluttist hún til
Akureyrar með foreldrum sín-
um frá Flateyjardal. Þá fór
dalurinn í eyði. Adda var
starfsstúlka á Fjórðungssjúkra-
húsinu á Akureyri í hartnær
hálfa öld, frá 1954 til 2001.
Heimili Öddu stóð öllum opið
og var þar mikill gestagangur.
Hún var sumum börnum systk-
ina sinna sem önnur móðir,
enda dvöldu þau hjá henni í
lengri eða skemmri tíma á
námsárum sínum, jafnvel öll
gagnfræða- og menntaskóla-
árin.
Adda hélt tryggð við æsku-
stöðvarnar og varði þar mörg-
um sumrum með Sigurði bróð-
ur sínum. Eftir fráfall hans
kom hún þangað lengst af á
hverju sumri, í eina eða fleiri
heimsóknir, með systkinum sín-
um og börnum þeirra.
Adda var jarðsungin í kyrr-
þey frá Höfðakapellu á Ak-
ureyri 5. september 2019.
2015, kvæntur
Heiðbjörtu Björns-
dóttur, f. 1930, d.
2018. Börn þeirra
eru Þorgerður, f.
1949, Hulda, f.
1953, Gunnar
Björn, f. 1955,
Emma, f. 1959, og
Adda, f. 1961, d.
2002. c) Óli Brett-
ingur sjómaður, f.
1929. d) Ingveldur
ljósmóðir, f. 1931, gift Albert
Þorvaldssyni, f. 1915, d. 2006.
Synir þeirra eru Sigurður
Malmquist, f. 1957, og Emil, f.
1960.
Adda ólst upp á Brettings-
stöðum. Hún var við nám í
Flatey á Skjálfanda og í Al-
Það er margt í lífinu sem gefur
því líf og lit. Adda frænka, með
stórum staf, var liturinn og lífið.
Yndislegri manneskja er vand-
fundin, en við vorum svo lánsöm í
minni fjölskyldu að eiga hana að,
aldrei styggðaryrði, hlý hönd á
vanga og væntumþykja var það
sem hún var örlát á, svo ekki sé
nú talað um mat, kaffi og gist-
ingu, að ógleymdu spjalli um það
sem á dagana dreif.
Dalurinn okkar var okkur öll-
um hugleikinn og afar kær, þar
áttum við margar ánægjustundir
sem glöddu hug og hjarta.
Far þú í friði, elsku hjartans
Adda frænka.
Guð geymi þig og allar fallegu
minningarnar.
Athvarf hlýtt við áttum hjá þér
ástrík skildir bros og tár.
Í samleik björt, sem sólskinsdagur
samfylgd þín um horfin ár.
Fyrir allt sem okkur varstu
ástarþakkir færum þér.
Gæði og tryggð er gafstu
í verki góðri konu vitni ber.
Aðalsmerkið: elska og fórna
yfir þínum sporum skín.
Hlý og björt í hugum okkar
hjartkær lifir minning þín.
(Ingibjörg Sigurðardóttir)
Þín
Þorgerður Tryggvadóttir
(Gerða).
Adda frænka var góðhjörtuð,
hlý og glaðlynd kona. Við einfald-
lega munum ekki eftir því að hafa
séð hana í vondu skapi og höfum
við systur eflaust gefið henni ófá
tækifæri til þess að vera pínu
pirruð. Við munum eftir einu
skipti sem við buðumst til að
þrífa baðherbergið hennar.
Við vorum nú örugglega ekki
nema 10 ára og kunnum ekkert
að þrífa.
Við skrúbbuðum það hátt og
lágt með vatni og settum allt á
flot. Adda knúsaði okkur, þakk-
aði okkur kærlega fyrir og borg-
aði okkur fyrir ómakið.
Hún var bara þannig. Þolin-
móð og hjartahlý og hugsaði svo
vel um alla í kringum sig. Maður
gat alltaf treyst á það að fá eitt-
hvað gott að borða þegar maður
kom í heimsókn, sætabrauð og ís-
blóm. Það var hið mesta afrek að
yfirgefa Holtagötuna án þess að
þiggja veitingar.
Það var allt svo einfalt með
Öddu frænku, það þurfti enga
dagskrá.
Samvera hennar var mikið
meira en nóg og sýnir það hvað
allar þessar hversdagslegu
stundir eru dýrmætar. Adda
frænka var svo góð að maður get-
ur ekki annað en tekið það sér til
fyrirmyndar.
Takist okkur það, jafnvel bara
að hluta til, erum við í góðum
málum. Takk fyrir knúsin, brosin
og hláturinn, elsku frænka, þér
munum við aldrei gleyma.
Góða tungl um loft þú líður,
ljúft við skýja silfur skaut.
Eins og viljinn alvalds býður,
eftir þinni vissu braut.
Öllum þreyttum, ljós þitt ljáðu,
læðstu um glugga sérhvern inn.
Lát í húmi, hjörtun þjáðu
huggast blítt við geisla þinn.
Góða tungl um götur skírðar
gengur þú og lýsir vel.
Þar er setti sér til dýrðar,
sjálfur Guð, þitt bjarta hvel.
Lít til vorra lágu ranna,
lát þitt friðarandlit sjást.
Og sem vinhýr vörður manna
vitna þú um drottins ást.
Góða tungl í geislamóðu
glansar þú í stjarnasæ
og með svifi hvelfist hljóðu
hátíðlega’ í næturblæ.
Þú oss færir, frá þeim hæsta
föður mildan náðar koss.
Og til morguns, gullinglæsta,
góða tungl þú leiðir oss.
(Steingrímur Thorsteinsson)
Berglind og Dagný
Steindórsdætur.
Okkar ástkæra Adda frænka
er látin, 86 ára gömul, eftir stutt
veikindi.
Minningar koma fram í hug-
ann og tengjast þær allar Daln-
um okkar, Flateyjardalnum,
Brettingsstöðum og Jökulsá.
Þetta eru æskustöðvar Öddu
frænku og föður míns, Blængs
Grímssonar, d. 2003, en þau voru
systkinabörn í báðar ættir.
Adda var fædd og uppalin á
Brettingsstöðum til tvítugs. Hún
var yngst fimm systkina.
Brettingsstaðir fóru í eyði
1953, síðastur bæja á Flateyjar-
dal.
Fluttist fjölskyldan inn á Ak-
ureyri og keypti efri hæðina á
Holtagötu 12. Þar bjó Adda
frænka alla sína tíð eftir það. Hún
sá um heimilið fyrir foreldra sína
og síðan bræður sína.
Hún var ógift og barnlaus.
Adda frænka starfaði í fjölda-
mörg ár sem starfsstúlka á hand-
lækningadeild Fjórðungssjúkra-
húss Akureyrar þar til hún fór á
eftirlaun. Hún átti farsælan feril
þar og vann sitt verk af alúð.
Það var yndislegt að koma til
Öddu frænku og alltaf var komið
við á leið út á Dal á sumrin. Ávallt
átti hún góðgæti með kaffinu,
sama á hvaða tíma dagsins.
Hún vildi fá fréttir af Dalnum í
bakaleiðinni og þá sérstaklega
hvernig berjasprettan væri í ár.
Hún elskaði Dalinn sinn og æsku-
stöðvarnar og vildi hvergi annars
staðar vera.
Adda frænka var umhyggju-
söm, hreinskilin, skemmtileg og
hlý kona og talaði ekki illa um
nokkurn mann. Hún hugsaði
ávallt um velferð annarra en
minna um sjálfa sig. Þannig var
það alla tíð.
Ég minnist þess hve fasið
hennar var skemmtilegt, brosið
breitt og hláturinn innilegur.
Alltaf jákvæð og yndisleg.
Að leiðarlokum vil ég þakka
þér fyrir alla væntumþykju og
umhyggju sem þú sýndir okkur
systkinum alla tíð.
Hlýja þín og mildi var svo
notaleg, nokkuð sem umvafði allt
um kring.
Eftirlifandi systkinum Öddu,
Ingu, Óla og öðrum aðstandend-
um, sendi ég, fyrir hönd Mar-
grétar móður minnar, systkina
og maka míns, okkar innilegustu
samúðarkveðjur.
Blessuð sé minning hennar.
Megi sál þín ná áfangastað.
Gríma Huld Blængsdóttir.
Adda Kristrún
Gunnarsdóttir
✝ Guðrún Atla-dóttir fæddist
9. nóvember 1951 í
Holti í Hafnarfirði.
Hún lést 31. ágúst
2019.
Foreldrar henn-
ar: Þóra Sigurjóns-
dóttir og Atli
Ágústsson. Systkini
Guðrúnar: Ágúst
Atlason, Sigríður
Atladóttir og Jó-
anna Atladóttir.
Maki Guðrúnar: Helgi Vil-
berg Sæmundsson. Foreldrar
maka: Sæmundur
Kristjánsson og
Bjarglaug Jóns-
dóttir.
Guðrú nólst upp í
Holti og í Heið-
argerði í Reykja-
vík.
Hún starfaði sem
dagforeldri og
einnig sem hómó-
pati, svæðanuddari
og höfuðbeina- og
spjaldhryggsjafnari.
Útförin fór fram í kyrrþey 6.
september 2019.
Farin er frá okkur góð og
hjartahlý kona og margs er að
minnast.
Ég kynnist þeim mæðgum
þegar þær flytja í Garðabæinn
1989 og urðum við Íris strax
mjög góðar vinkonur.
Ég minnist þess að Guðrún
hafi alltaf verið glöð og jákvæð.
Hún brosti mikið og ég gleymi
aldrei smitandi hlátrinum henn-
ar.
Það var ýmislegt brallað í
Lækjarfitinni með frændsystk-
inum Írisar sem bjuggu á efri
hæðinni. Guðrún kom alltaf
fram við okkur eins og jafningja
og þær mæðgur áttu mjög gott
og fallegt mæðgnasamband.
Guðrún var einstaklega ósér-
hlífin og lagði mikið á sig til að
geta veitt þeim mæðgum gott
líf.
Alla tíð var gott að koma
heim til Írisar. Guðrún tók alltaf
vel á móti öllum. Sama hvaða
vitleysu okkur vinkonum datt í
hug, þá sýndi hún okkur alltaf
traust. Þegar við vorum að fara
út á lífið þá sagði hún alltaf:
„Passið ykkur sjálfar og hvor
aðra. Það er enginn sem gerir
það fyrir ykkur.“ Þessu hef ég
aldrei gleymt og segi núna við
mína dóttur og vinkonur hennar.
Elsku Íris, Grettir, Atli, Rósa,
Bjartmar, Helgi og fjölskyldur,
við sendum ykkur okkar innileg-
ustu samúðarkveðjur á þessum
erfiðu tímamótum.
Hér er ljóð sem Íris samdi
þegar bróðir minn og góður vin-
ur hennar lést. Ég laga það hér
að Guðrúnu:
Góði Guð gefðu að
Guðrún ljósið finni.
Þó hún hverfi hef ég hana
hérna, í minningunni.
(Íris Kristinsdóttir)
Stefanía Sif og fjölskylda.
Guðrún Atladóttir
Við önnumst alla þætti undirbúnings og fram-
kvæmd útfarar ásamt vinnu við dánarbússkiptin.
Við þjónum með virðingu og umhyggju að
leiðarljósi og af faglegum metnaði.
Jón G. Bjarnason,
umsjón útfara
Við erum til staðar
þegar þú þarft á
okkur að halda
Útfararþjónusta
& lögfræðiþjónusta
Vesturhlíð 2, Fossvogi | Sími 551 1266 | útför.is
Með kærleik og virðingu
Útfararstofa Kirkjugarðanna
HJARTAVERND
Minningarkort
535 1800
www.hjarta.is
Innilegar þakkir til allra þeirra sem sýndu
okkur samúð vegna andláts bróður okkar,
mágs og frænda,
ÁSMUNDAR ÁRMANNSSONAR
frá Akranesi,
Meistaravöllum 17.
Sérstakar þakkir til allra þeirra sem
aðstoðuðu hann í veikindunum.
Þóra Emilía Ármannsdóttir
Ármann Ármannsson Sigurbjörg Ragnarsdóttir
Margrét Ármannsdóttir Þorvaldur Jónasson
og fjölskyldur
Þökkum auðsýnda samúð og hlýhug við
andlát og útför
HARÐAR GUÐMUNDSSONAR,
Holtsgötu 19, Hafnarfirði.
Sérstakar þakkir til heimahjúkrunar
Hafnarfjarðar.
Jóhanna Gunnlaugsdóttir
Gunnlaugur Harðarson
Guðrún Harðardóttir Pétur Einarsson
Jóhanna Harðardóttir Stefán Sigurðsson
og fjölskyldur
Ástkær faðir okkar, tengdafaðir, afi
og langafi,
BJARNI KRISTJÁNSSON
fyrrv. rektor Tækniskóla Íslands,
lést á hjúkrunarheimilinu Sóltúni
6. september.
Útförin fer fram í Garðakirkju þriðjudag 17. september
klukkan 13.
Gunnar Bruun Bjarnason Bára Einarsdóttir
Kristján Bjarnason Svava Bogadóttir
Snjólaug Elín Bjarnadóttir Hans Kristjánsson
Björn Bjarnason Kolbrún Elíasdóttir
Knútur Bjarnason Helga Friðriksdóttir
barnabörn og barnabarnabörn
Einar Oddsson
læknir er fallinn frá
eftir langvinn veik-
indi.
Einar útskrifað-
ist úr læknadeild 1971. Hann
stundaði sérnám í Danmörku frá
1972-77 en flutti þá aftur til Ís-
lands. Hann starfaði sem sér-
fræðingur í meltingarsjúkdóm-
um á Landspítalanum frá
1980-2013.
Ferill Einars sem meltingar-
læknis var farsæll. Hann var vel
liðinn bæði af samstarfsmönnum
og sjúklingum. Hann gegndi
ýmsum trúnaðarstörfum fyrir
Landspítalann og hafði sérstak-
an áhuga á siðfræði. Hann var
virkur í starfi Félags sérfræð-
inga í meltingarsjúkdómum, var
í stjórn félagsins nánast samfellt
á annan áratug og formaður
þess um hríð.
Einar hætti ekki að mæta á
samkundur félagsins þó að hann
væri hættur að vinna og var allt-
af gaman að hitta hann. Hann
var fyrstur til að gera gallvega-
speglun á Íslandi, árið 1981.
Hann var einnig einn af stofn-
endum Meltingarsetursins og
vann þar í tæp 15 ár.
Einar var góður samstarfs-
maður og félagi. Ég varð þeirrar
gæfu aðnjótandi að vinna með
honum á Landspítalanum og
Meltingarsetrinu og fórum við
saman á nokkrar ráðstefnur þar
sem hann var hrókur alls fagn-
Einar Oddsson
✝ Einar Oddssonfæddist 30. des-
ember 1943. Hann
lést 24. ágúst 2019.
Úför Einars fór
fram 5. september
2019.
aðar. Þægilegri og
betri ferðafélaga
var ekki hægt að
hugsa sér. Hann
var fróður um sögu,
bókmenntir, mat-
gæðingur og nátt-
úruunnandi en tróð
ekki fram þekkingu
sinni heldur gaf
hana frá sér ef eftir
var leitað. Hann
var mjög gagnrýn-
inn í hugsun og ekki hræddur
við að láta í sér heyra þegar
hann taldi kollega fara með
fleipur. Hann var bóngóður og
átti erfitt með að segja nei þegar
sjúklingar og læknar þurftu á
sérþekkingu hans að halda.
Einar var góð fyrirmynd okk-
ar hinna jafnt í starfi en ekki
síður í einkalífinu. Hann og Eva
voru einstaklega samhent hjón
og Einar talaði af stolti um fjöl-
skyldu sína.
Leitt þótti mér svo að heyra
af veikindum hans um það leyti
sem hann hætti á Landspítalan-
um. Einar nálgaðist veikindi sín
af æðruleysi og minnisstæður er
fundur okkar meltingarlækna
þegar hann ræddi um veikindi
sín af hispursleysi og einlægni.
Það var okkur lærdómsríkt. Við
munum sakna þess að hitta Ein-
ar á fundum og í góðra vina
hópi.
Einar er farinn en eftir sitja
minningar okkar um sómamann
og þakklæti fyrir samstarf og
samverustundir.
Evu og fjölskyldu sendum við
innilegar samúðarkveðjur.
Fyrir hönd Félags sérfræð-
inga í meltingarsjúkdómum,
Sigurður Einarsson
formaður.