Ársrit um starfsendurhæfingu - 2019, Blaðsíða 73
VIÐTAL
Markmiðið
er að koma
þeim út í lífið, út í
virkni og sjá þau
blómstra.“
„Seinni 8 vikurnar notum við til að meta
hvert þau vilja fara, hvað þau vilja gera,
skoðum hvernig þau sækja um vinnu og
æfum t.d. atvinnuviðtöl. Markmiðið er að
við lok námskeiðsins verði næstu skref
þátttakenda skýr, ráðningarsamningur liggi
fyrir eða skólavist,“ segir Kolbrún.
Hvernig er hópurinn samsettur á Pepp
Upp námskeiðunum?
„Núna eru kynjahlutföllin jöfn en á síðasta
námskeiði voru strákar fleiri en stelpurnar
og yfirleitt kemur um 85% af hópnum til
okkar í gegnum VIRK,“ segir Elísabet.
Þær segja unga fólkið oft mjög upp-
burðarlítið í upphafi námskeiðs. Tekið sé
tillit til þess og horft til hvers og eins fyrir
sig. Þótt unnið sé með hópinn þá sé
nálgunin einstaklingsmiðuð.
Skilgreina út frá styrkleikum
„Þegar við hittum þau fyrst í einkaviðtölum
í byrjun námskeiðs viljum við m.a. gera
okkur grein fyrir því af hverju viðkomandi
er kominn á námskeiðið en eftir það
horfum við fram á veginn. Undirliggjandi
markmið alllra fyrirlestranna er að hjálpa
þeim, kenna þeim, að skilgreina sjálfan sig
útfrá styrkleikum sínum,“ segir Kolbrún.
„Undir lok námskeiðsins eru þau búin
að vinna ferliskrá og umsögn um sjálfan
sig og eru komin með hugmynd um það
hvert þau vilja halda, hvað þau vilja gera.
Og hugmyndir þeirra taka oft miklum
breytingum frá byrjun námskeiðs til
útskriftar,“ segir Elísabet.
Pepp Upp verkefnið er í stöðugri
þróun. Að loknu hverju námskeiði gefa
þátttakendur endurgjöf sem er mikilvæg
til frekari þróunar á námskeiðinu.
Endurgjöfin hefur einnig verið nýtt til þess
að þróa opin sjálfstyrkingarnámskeið fyrir
ungt fólk sem Ljósbrot býður upp á.
Kolbrún segir vinnuna með unga fólkinu
vera næringu fyrir sálina. „Fólk hefur
svo oft gefist upp á þeim, þau eru orðin
vanvirk og skilgreind út frá greiningum
sínum. Þau sjá ekki útúr öllum þessum
hörmungum. Við sleppum aldrei hendinni
af krökkunum, erum að senda þeim
skilaboð reglulega og ef þau þurfa þá geta
þau komið aftur til okkar.“
„Þetta er Non-profit verkefni, það sem við
fáum út úr þessu er að sjá þessa krakka
blómstra. Við sleppum þó ekki hendinni
alveg af þeim þótt námskeiðinu sé lokið.
Einu sinni í himnaríki, alltaf í himnaríki,“
segir Elísabet og brosir. „Þetta er ekki
meðferð, þetta er heilsueflingarprógramm
og starfsendurhæfing. Ef eitthvað kemur
upp á þá er þeim velkomið að hafa
samband og þau gera það.“
Þeir sem vinna með þessum aldurshópi
vita að öðruvísi áskoranir fylgja því að
eiga í samskiptum við hann en fyrri
kynslóðir. Hvað hefur reynst áhrifaríkast í
samskiptum við þá sem svara helst ekki
í síma?
„Samskiptin fara eftir ákveðnu og skýru
ferli, aðallega í gegnum samskiptaforritið
Messenger en við þurfum stundum að
hringja. Yfirleitt svara þau ekki í fyrstu en
þá sendum við SMS og þá hringja þau
oftast strax. Aðalatriðið er að fá þau til
að mæta í fyrsta tíma á námskeiðinu og
mynda tengsl,“ segir Kolbrún. „Við viljum
að þau mæti á réttum tíma og það getur
verið erfitt til að byrja með. Þau sofa aðeins
yfir sig í byrjun en skipulag námskeiðsins
hjálpar þeim að vinda ofan af því,“ bætir
hún við.
Nýtt viðfangsefni í hverri viku
„Við erum öll með einhverskonar kvíða og
það að stíga skrefið inn í nýjan hóp getur
verið skelfileg tilhugsun í fyrstu en við
notum léttan húmor og tökum okkur ekki
alvarlega, ég er bara manneskja að hitta
aðra manneskju. Við tökum niður allar
faglegar grímur í samskiptum við þennan
hóp en vinnum eftir mjög skýrum strúktúr.
Hugmyndafræðin og verklagið er úthugsað,
við byrjum á því að fá þau til að svara
okkur, tengjast okkur. Síðan tökum við
einstaklingsviðtalið, þá fyrsta tímann
á námskeiðinu þar sem við kynnum
hugræktina sem er undirliggjandi allar
16 vikurnar í námskeiðinu. Næst er það
líkamsræktin og næringarfyrirlestrarnir og
svo koll af kolli, nýtt viðfangsefni og nýir
fyrirlesarar í 8 vikur, sérvalið fólk í hverju
rúmi. Fyrirlestrarnir eru stuttir og markvissir
og brotnir upp með hreyfihléum og
næringu,“ segir Elísabet.
73virk.is