Ársrit um starfsendurhæfingu - 2018, Qupperneq 78

ÚTGÁFA VIRK
VIRK gefur út margvíslegt kynningar- og fræðsluefni fyrir starfsmenn, einstaklinga í þjónustu, almenning og stjórnendur í atvinnulífinu.
Hægt er að nálgast efnið á vefsíðu VIRK (www.virk.is) en einnig er hægt að hafa samband við skrifstofu VIRK og fá senda bæklinga og
fræðsluefni eftir þörfum.
Myndband um
starfsendurhæfingarferilinn
Unnið var stutt myndband sem skýrir starfsendurhæfingar-
ferilinn. Í myndbandinu er tveimur ímynduðum notendum
þjónustunnar, þeim Sigmari og Ástríði, fylgt eftir frá því
að þau hverfa af vinnumarkaði og þar til þau snúa aftur
til vinnu. Myndbandið má finna á íslensku og ensku á
Youtube-rás VIRK og á virk.is.
Dagbók
VIRK gefur út sérstaka dagbók fyrir einstaklinga sem eru
í starfsendurhæfingu á vegum VIRK. Henni er ætlað að
aðstoða einstaklinga við að efla starfsgetu sína og lífsgæði
með skipulegri markmiðssetningu og skráningu. Dagbókin
er með vikuyfirliti á hverri opnu ásamt fjölbreyttum mögu-
leikum til skráningar á markmiðum, líðan, virkni og árangri
bæði fyrir árið í heild sinni, hvern mánuð og hverja viku
ársins.
VIRK Atvinnutenging
Samstarf við fyrirtæki
Í bæklingnum er þróunarverkefnið VIRK Atvinnutenging
kynnt. Í verkefninu er megináherslan lögð á að aðstoða
einstaklinga með skerta starfsgetu sem eru í starfsendur-
hæfingu hjá VIRK við endurkomu inn á vinnumarkaðinn með
markvissum stuðningi sérfræðinga í starfsendurhæfingu.
Með tromp á hendi frá VIRK
Ýtt var úr vör kynningarherferð grundvallaðri á sögum ein-
staklinga sem nýttu sér þjónustu VIRK til að ná árangri.
Slagorð herferðarinnar var „Með tromp á hendi frá VIRK“ og
henni var m.a. beint að stjórnendum fyrirtækja og stofnana
og undirstrikar hversu verðmætir starfskraftar einstaklingar
sem lokið hafa starfsendurhæfingu eru.
78 virk.is