Tímarit hjúkrunarfræðinga - 2016, Blaðsíða 13
Fólkið02/07
Ungir karlmenn óttast við að vera öðruvísi
„Við Erum ekki enn komin á þann stað að allir séu á eitt sáttir að
karlmenn hjúkri. Staðalmyndin um hjúkrunarfræðinga sem kvenna-
stétt er enn svo sterk í samfélaginu, en þegar á reynir, þá þykir fólki
þetta ekkert tiltökumál,“ segir Tryggvi Hjörtur Oddson, nemandi á
lokaári í hjúkrunarfræði við Háskólann á Akureyri. Tryggvi bendir
á að margir ungir menn víli það frekar fyrir sig að leggja fyrir sig
hjúkrun þar sem svo fáir karlmenn séu í stéttinni.
„Óttinn við að vera öðruvísi er meiri hjá mönnum á
aldrinum 20-25 ára, en hjá þeim eldri. Ungir menn
setja það kannski líka fyrir sig að fara að vinna á
vinnustað þar sem meðalaldurinn er 35-40 ára, og
konur í meirihluta. Það vantar að brúa þetta bil. Það
þarf að koma því á framfæri að það séu karlmenn í
hjúkrun, að það sé valmöguleiki að fara í hjúkrun,“
segir hann.
Ástæðan fyrir því að hjúkrun varð fyrir valinu
hjá Tryggva er að hann langar að starfa í bráða- og
utanspítalaþjónustu og hjúkrunin býður upp á flesta
möguleika á því sviði, auk þess að nýtast hvar sem
hann býr. Tryggvi hefur unnið undanfarin þrjú ár á bráðamóttökunni
í Fossvogi en námið hefur hann tekið í fjarnámi. „Þetta hentar mér
mjög vel. Ég er ekki þessi átta-til-fjögur týpa, og með þessu móti get
ég ákveðið hvar og hvenær ég læri. Flest verkefnin vinn ég í Reykjavík
en fer norður einu sinni á ári,“ segir hann, en hann býr með fjölskyldu
sinni í Hveragerði. Karlmönnum fer hægt fjölgandi í stéttinni en betur
má ef duga skal. Þannig hafa karlmenn í stéttinni verið óspart nýttir
til að kynna hjúkrun, til að mynda á Háskóladeginum. Mikilvægt
sé að kynna hjúkrunarfræðina sem spennandi valmöguleika fyrir
karlmenn og koma því á framfæri að það séu karlmenn í stéttinni að
sögn Tryggva.