Morgunblaðið - 30.11.2019, Qupperneq 4
Greiddur erfðafjárskattur 2007 til 2019 2007
4.681 einstaklingur greiddi erfða-
fjárskatt árið 2007. Þar af 890
af fyrirframgreiddum arfi .
Arfl átar voru alls 1.179.
905 milljónir kr. voru alls greiddar í erfðafjár-
skatt á árinu.
2019
5.928 einstaklingar greiddu
erfðafjárskatt árið 2019. Þar af
1.331 af fyrirframgreiddum arfi .
Arfl átar voru alls 1.543.
4.739 milljónir kr. voru alls greiddar í
erfðafjárskatt á árinu.
5,0
4,5
4,0
3,5
3,0
2,5
2,0
1,5
1,0
0,5
0
2.500
2.250
2.000
1.750
1.500
1.250
1.000
750
500
250
0
Erfðafjárskattur af fengnum arfi
Af fyrirframgreiddum arfi
Fjöldi arfl áta
'07 '08 '09 '10 '11 '12 '13 '14 '15 '16 '17 '18 '19
Alls 4,7 milljarðar kr.
Þar af 1,4 milljarðar af
fyrirframgreiddum arfi .
Erfðafjárskattur, milljarðar kr. Fjöldi arfl áta
31.097 milljónir kr. hafa alls verið
greiddar í erfðafjárskatt árin
2007 til 2019.
Heimild: Fjársýsla ríkisins
Helgi Bjarnason
Ómar Friðriksson
Eitthvað á annað þúsund einstak-
lingar hafa fengið fyrirframgreiddan
arf á ári síðustu árin, 8 til 10 milljónir
að meðaltali. Heildarfjárhæð fyrir-
framgreidds arðs, sem erfðafjár-
skattur hefur verið greiddur af,
nemur 10 til 14 milljörðum á ári. Er
það almennt nálægt þriðjungi af
þeim arfi sem kemur til skipta sam-
kvæmt hefðbundnum skiptum dán-
arbúa.
Fólk getur afhent erfingjum sín-
um verðmæti og telst það fyrirfram-
greiddur arfur.
Síðustu þrjú árin hefur fyrirfram-
greiddur arfur numið 12 til 14 millj-
örðum króna á ári og var rúmir 9
milljarðar árið þar á undan. Þetta
kemur fram í upplýsingum sem Rík-
isskattstjóri hefur tekið saman, með-
al annars úr gögnum Fjársýslu rík-
isins. Er þetta talsverð hækkun frá
árunum á undan.
Til samanburðar má geta þess að
arfur sem fólki hefur tæmst við and-
lát arfgjafa hefur á þessum árum
numið 20 til 35 milljörðum króna.
Fyrirframgreiddi arfurinn hefur á
síðustu árum verið 28-35% af sam-
anlögðum arfi, aðeins misjafnt eftir
árum.
Á annað þúsund nýtur arfs
Á síðustu þremur árum hafa 1.300
til 1.600 einstaklingar notið fyrir-
framgreidds arfs en rúmlega 1.000 í
nokkur ár þar áður. Þeir sem fá fyr-
irframgreiddan arf hafa verið fimmt-
ungur til fjórðungur af heildarfjölda
arfþega.
Fyrirframgreiddur arfur er að
meðaltali talsvert hærri en arfur
sem tæmist fólki við andlát arfgjafa.
Á skattárinu 2018 var fyrirfram-
greiddur arfur að meðaltali rúmar 10
milljónir á mann en 7,6 milljónir til
þeirra sem fengu arf við andlát for-
eldra eða annarra skyldmenna. Árin
þar á undan var fyrirframgreiddur
arfur á bilinu 6 til 9 milljónir en 5 til
rúmar 6 milljónir hjá öðrum arfþeg-
um.
Fólki er heimilt að greiða lögerf-
ingjum og öðrum sem standa til arfs
fyrirfram út arfshluta þeirra að
hluta eða öllu leyti. Er þá gerð erfða-
fjárskýrsla hjá sýslumanni og erfða-
fjárskattur greiddur. Greiddur er
10% skattur af öllum arfshlutanum
og eru engin skattleysismörk á því,
öfugt við hefðbundnar erfðafjár-
skýrslur.
300-500 greiða arf fyrirfram
340 til 524 einstaklingar greiddu
út arf fyrirfram á árunum 2014 til
2018. Á sama tíma var skipt upp arfi
900 til rúmlega 1.100 manna á hefð-
bundinn hátt.
Greiddir voru 1,2 til 1,4 milljarðar
í erfðafjárskatt af fyrirframgreidd-
um arfi á síðustu þremur álagning-
arárum skatts, sem er aukning frá
árunum þar á undan.
Fyrirfram-
arfur tíu
milljónir kr.
Fyrirframgreiddur arfur 10 til 14
milljarðar til á annað þúsund manns
Morgunblaðið/Sigurður Bogi
Fasteignir Arfur sem greiddur er fyrirfram getur verið í formi fasteignar
eða hluta í fasteign, verðbréfa, peninga og ýmissa annarra verðmæta.
4 FRÉTTIRInnlent
MORGUNBLAÐIÐ LAUGARDAGUR 30. NÓVEMBER 2019
Gefðu frí um jólin
með gjafabréfi Icelandair
NÁNAR Á UU.IS
SKEMMTILEG FERÐ SEMHENTAR
ÖLLUMUMAUSTURRÍSKU ALPANA
MEÐMIKLU INNIFÖLDU
12. - 19. SEPTEMBER 2020
NÁNAR Í SÍMA 585 4000 EÐA Á UU.IS
RAF-HJÓLAFERÐ
Guðni Einarsson
gudni@mbl.is
Gunnar Ingi Birgisson, bæjarstjóri í
Fjallabyggð, lætur af störfum á
morgun, 1. desember. Hann tók við
starfi bæjarstjóra Fjallabyggðar 29.
janúar 2015.
„Það stóð aldrei til að ég yrði út
þetta kjörtímabil. Svo færist ald-
urinn yfir og heilsufarið ekki eins
gott og maður vildi. Það er ástæðan
fyrir því að ég ákvað að hætta nú,“
sagði Gunnar. Hann var áður bæj-
arstjóri í Kópavogi í á fimmta ár.
Gunnar sagði að starf bæjarstjóra
væri bæði skemmtilegt og krefjandi
en einnig erilsamt.
„Ég hef haft mikla ánægu af að
vera bæjarstjóri og ekki síst af sam-
starfinu við allt það góða fólk sem
maður hefur unnið með og íbúana
hér í Fjallabyggð sem tóku okkur
hjónum sérstaklega vel,“ sagði
Gunnar. Hann hefur haft búsetu á
Siglufirði og konan hans einnig dval-
ið þar mikið.
Gunnar rak lengi stórt verktaka-
fyrirtæki og þekkir því vel til verk-
legra framkvæmda. Hann sagði það
hafa verið góðan undirbúning fyrir
bæjarstjórastarfið.
„Í verktakastarfseminni verður
maður að geta tekið ákvarðanir. Ef
maður er sveitarstjóri eða bæjar-
stjóri verður líka að taka ákvarðanir.
Í því sambandi er oft betra að veifa
röngu tré en öngvu því maður veit
ekki alltaf fyrirfram hvort maður er
að taka rétta ákvörðun.“
Aðhald og gott starfsfólk
Gunnar kvaðst hafa haft það að
leiðarljósi í störfum sínum sem
bæjastjóri bæði í Fjallabyggð og
Kópavogi að hafa reksturinn í lagi.
„Ef reksturinn er í lagi þá verður
tekjuafgangur sem er hægt að fram-
kvæma fyrir og nota til að greiða
niður skuldir. Þú verður ekki vinsæl-
asti maðurinn á svæðinu fyrir að
gera þetta svona! En með þessu er
hægt að laga innviði og gera ýmis-
legt. Maður sér víða hjá sveitar-
félögum að reksturinn er ekki nógu
góður. Ég bendi á að rekstrar-
afgangur síðasta árs hjá okkur í
Fjallabyggð var 280-290 milljónir á
meðan margfalt stærri sveitarfélög
voru að skila afgangi upp á 5-6
hundruð milljónir. Rekstrar-
afgangur okkar í Fjallabyggð stefnir
í að verða betri á þessu ári en hann
var í fyrra.“ Þess má geta að í Fjalla-
byggð búa rúmlega 2.000 manns.
Gunnar sagði að góður árangur í
rekstri næðist ekki nema með að-
haldi og góðu starfsfólki. „Ég geri
þetta ekki einn heldur með góðu
liði,“ sagði Gunnar. En hvað tekur
við hjá honum nú?
„Ég segi eins og Guðmundur jaki
sagði þegar hann var spurður hvað
hann ætlaði að gera þegar hann
hætti hjá Dagsbrún. „Ég ætla ekki
að fara að safna frímerkjum!““
Gunnar sagðist vera þannig gerður
að hann þyrfti að hafa eitthvað fyrir
stafni. Það þarf ekki vera jafn mikið
og hann hefur haft að gera undan-
farin ár.
Gunnar er doktor í jarðvegsverk-
fræði og kann til verka í verktaka-
starfsemi og sveitarstjórnarmálum.
„Ég hef unnið sem ráðgjafi bæði fyr-
ir sveitarfélög og verktaka. Ég held
að ég verði ekkert atvinnulaus,“
sagði Gunnar.
Mikilvægt að hafa rekstur
sveitarfélagsins í lagi
Gunnar I. Birgisson hættir sem bæjarstjóri í Fjallabyggð
Morgunblaðið/Sigurður Bogi
Bæjarstjóri Gunnar Ingi Birgisson varð bæjarstjóri í Fjallabyggð árið 2015.
Hann er verkfræðingur og var áður bæjarstjóri í Kópavogi og verktaki.