Morgunblaðið - 30.11.2019, Blaðsíða 20
ÚR BÆJARLÍFINU
Ólafur Bernódusson
Skagaströnd
Skógræktarstjóri og sveitar-
stjórinn á Skagaströnd undirrituðu
um miðjan október samning um
þjóðskóg á Skagaströnd. Fyrir-
hugað er að koma upp 10 hektara
skógi í landi sveitarfélagsins og
munu framkvæmdir hefjast næsta
sumar á vegum skógræktarinnar í
samvinnu við heimamenn. Af þessu
tilefni gróðursettu Þröstur skóg-
ræktarstjóri og Alexandra sveit-
arstjóri eitt tré til að staðfesta samn-
inginn á táknrænan hátt. Farið er í
þetta skógræktarverkefni til að
fegra umhverfið, binda kolefni, efla
lífríkið og bæta aðstöðu til útivistar
ásamt því að framleiða timbur þegar
fram líða stundir.
Í haust urðu stjórnendaskipti í
Höfðaskóla á áttatíu ára afmælisári
skólans. Vera Valgarðsdóttir skóla-
stjóri og Guðjón Sigurðsson aðstoð-
arskólastjóri létu af störfum eftir að
hafa stýrt skólanum af festu og skör-
ungsskap í fimm ár. Tvær ungar
konur, Sara Diljá Hjálmarsdóttir og
Guðrún Elsa Helgadóttir, tóku við
stjórnartaumunum, Sara sem skóla-
stjóri en Guðrún sem aðstoðar-
skólastjóri. Báðar höfðu þær áður
starfað í nokkur ár sem kennarar við
skólann.
Vörusmiðjan hjá BioPol hefur
rækilega sannað tilverurétt sinn því
þar hefur verið nánast fullbókað við
námskeiðahald og vinnslu bænda á
eigin afurðum í allt haust. Fyrir þá
sem ekki vita þá er Vörusmiðjan
vottað vinnslurými þar sem hver
sem er getur leigt sér aðstöðu til að
vinna matvæli sem síðan má selja
beint frá býli og auka þannig verð-
mætasköpun framleiðsluvara sinna.
Verkefnisstjóri Vörusmiðjunnar,
Þórhildur M. Jónsdóttir matreiðslu-
meistari, er einnig fólki innan hand-
ar þegar það er að störfum þar.
Á íbúafundi um sameiningar-
mál í nóvember kom fram að íbúum í
Sveitarfélaginu Skagaströnd fjölg-
aði um 15 manns á árinu. Þetta er já-
kvæð þróun eftir fækkun undanfar-
inna ára. Svo undarlega sem það
kann að virðast kostar þessi fjölgun
sveitarfélagið 30 milljónir í minna
framlagi úr jöfnunarsjóði sveitar-
félaga. Helgast það af þeirri reglu
sjóðsins að auka framlag til þeirra
sveitarfélaga þar sem fækkun er en
kippa þeim svo af þegar aftur fjölg-
ar.
Á íbúafundinum kom einnig
fram mikil óánægja með þau áform
yfirvalda sveitarstjórnarmála að
svipta fólk sjálfræði sínu með því að
sameina sveitarfélög hvort sem það
er vilji íbúanna eða ekki. Sýnist fólki
að ákvæðið um 1.000 íbúa lágmark
sé gripið úr lausu lofti án þess að
hafa við nein sérstök hagræn rök að
styðjast.
Nokkur hreyfing er á fast-
eignamarkaðinum á Skagaströnd og
seljast fasteignir yfirleitt mjög
fljótt ef þær eru í boði. Eftir að
sveitarfélagið auglýsti ókeypis lóðir
hafa tveir aðilar sótt um bygging-
arlóðir og ætla að hefja fram-
kvæmdir á næsta ári. Vonandi
verður það til að hleypa auknum
krafti í byggingu íbúðarhúsnæðis
því húsnæðisskortur er farinn að
standa vexti byggðarlagsins fyrir
þrifum.
Ný smábátahöfn var tekin í
notkun í október þó enn eigi eftir að
malbika planið við höfnina. Það
verður ekki gert fyrr en næsta
sumar því uppfyllingin sem planið
er á verður að fá að síga og jafna
sig betur áður en lagt verður á það.
Mikil ánægja er meðal smábáta-
manna með nýju höfnina sem er
skjólsæl í öllum áttum og er því
örugg og fer vel með bátana auk
þess sem umgengni um hana er
auðveld og þægileg.
Í október keypti sveitarfélagið
eignarland og fasteignir Golfklúbbs
Skagastrandar í Háagerði. Jafn-
framt var gerður samningur við
klúbbinn um rekstur golfvallarins
og fasteigna sem þar eru, ásamt
uppbyggingu á félagsstarfi klúbbs-
ins. Sveitarstjórn klofnaði í afstöðu
sinni til kaupanna og lét minnihlut-
inn bóka áhyggjur sínar af þeirri
fjárhagslegu bindingu sem kaupin
hafa í för með sér. Klofningurinn er
óvenjulegur því yfirleitt ná aðilar
saman um þau mál sem tekin eru
fyrir í sveitarstjórninni.
Morgunblaðið/Ólafur Bernódusson
Skrúðganga Á áttatíu ára afmæli Höfðaskóla gengu nemendur og starfsfólk frá gamla skólanum að nýjum skóla.
Fólki fjölgar á́ Skagaströnd
20 FRÉTTIRInnlent
MORGUNBLAÐIÐ LAUGARDAGUR 30. NÓVEMBER 2019
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Þingeyjarsveit | Veðrið hefur
verið gott á Norðausturlandi nú í
nóvember og er það góð tilbreyt-
ing frá öllum rigningunum fyrr í
haust. Spáin er svipuð næstu
daga, en margir hafa nýtt sér
góða veðrið til útvistar og ým-
issa verka. Búfénaður kann vel
að meta tíðarfarið og víða er
sauðfé enn úti við, allavega á
þeim bæjum þar sem ekki er búið
að rýja.
Ærnar í Lyngbrekku í
Þingeyjarsveit eru ánægðar með
útivistina enda eru þær enn í ull-
inni. Hjörðin þar er athyglisverð,
þar sem flest féð er flekkótt og
þar er mörg litaafbrigði að finna.
Nú verða þær reknar inn en þá
hefst rúningurinn og útiverunni
lýkur.
Fallegt flekkótt fé
Morgunblaðið/Atli Vigfússon
Söguhringur kvenna býður öllum
áhugasömum konum í jólagöngu
undir leiðsögn sögukvennanna Hall-
veigar Thorlacius og Helgu Arnalds
á morgun, sunnudag, 1. des. Laum-
ast verður inn á áhugaverða staði
undir tindrandi ljósum miðborg-
arinnar og sérstök áhersla verður
lögð á jólasiði Íslendinga fyrr og síð-
ar. Koma Grýla, jólakötturinn og
jólasveinarnir 13 til sögunnar. Í til-
kynningu kemur fram að „eftir
hressandi gönguferðina, sem tekur
um 45 mínútur, verður farið upp á 6.
hæð Borgarbókasafnsins í Grófinni,
þar sem gestir fá að forvitnast um
matarsiði Íslendinga á jólunum
gegnum tíðina. Eitt af því sem ein-
kennir undirbúning íslenskra jóla er
laufabrauð og munu þátttakendur
læra listina að skera út og steikja
laufabrauð. Hver gestur kemur með
eigin skurðarbretti. Öllum er vel-
komið að koma með hátíðargóðgæti
eða miðla því sem einkennir hátíðina
í eigin fjölskyldum eða upprunalandi
þeirra. Léttar veitingar verða í
boði.“
Öllum konum er velkomið að taka
þátt í kvennagöngunni og lagt verð-
ur af stað frá Borgarbókasafninu,
Tryggvagötu 15, kl. 13.30.
Jólagöngutúr og
laufabrauðsgerð
Sögukonur leiðsegja öðrum konum
Laufabrauðsskurður Þær konur
sem mæta til göngu fá að læra hann.
Alls hefur 451
einstaklingur
notið góðs af svo-
kölluðum sára-
fátæktarsjóði
Rauða krossins á
Íslandi (RKÍ) síð-
an að úthlutun úr
honum hófst í
mars. Þá hafa 249
umsóknir borist
og 215 verið sam-
þykktar.
Sárafátæktarsjóðnum er ætlað að
styðja við mjög tekjulága ein-
staklinga en á hverjum tíma eru allt
að 6.000 einstaklingar sem glíma við
sárafátækt á Íslandi, samkvæmt
skýrslu Hagstofunnar.
„Til Rauða krossins leita oft ein-
staklingar í hvers kyns neyð. Fram
að stofnun sjóðsins hafði Rauði
krossinn aðeins stutt við fólk sem
býr við mikla fátækt og neyð með
fjárstuðningi í kringum jólin með
jólaðstoð. Hins vegar er ljóst að
þörfin er fyrir hendi allt árið um
kring og því var stofnaður sérstakur
sjóður með 100 milljóna króna stofn-
framlagi af sjálfsaflafé Rauða kross-
ins,“ segir Brynhildur Bolladóttir,
upplýsingafulltrúi RKÍ, en hægt er
að sækja um styrk á redcross.is.
451 fengið
aðstoð
frá RKÍ
Brynhildur
Bolladóttir
Jóladagatal Borgarbókasafnsins
hefur glatt yngri notendur safnsins
árum saman en í ár var í fyrsta sinn
efnt til samkeppni um besta jóla-
dagatalið og sigurvegarinn var Jóla-
álfurinn sem flutti inn, eftir hjónin
Grétu Þórsdóttur Björnsson og Hall-
dór Snorrason. Jóladagatalið er ætl-
að börnum á öllum aldri og mun einn
kafli birtast á degi hverjum fram að
jólum á heimasíðunni borgar-
bokasafnid.is. Sá fyrsti birtist á
morgun, sunnudag, 1. des. Verður
hægt að lesa kaflana og njóta mynd-
skreytinga en einnig hlusta á upp-
lestur á sögunni. Jóladagatalið birt-
ist líka á Facebook-síðu safnsins og
verður aðgengilegt inni á hlaðvarpi
safnsins eftir 24. desember.
„Pínulítil hurð birtist á vegg
heima hjá Urði. Hver gerir prakk-
arastrik á nóttunni og skilur eftir sig
fótspor í hveitinu? Foreldrar Urðar
halda að hún sé sökudólgurinn – en
Urður er blásaklaus! Getur verið að
danskur jólaálfur sé fluttur inn til
þeirra?“ Um þetta og margt fleira
skemmtilegt fjallar sagan Jólaálfur-
inn sem flutti inn.
Saga skrifuð af hjónum
Hjón Halldór og Gréta sigruðu í
samkeppni um jóladagatal.
Hver skilur
eftir sig fótspor
í hveitinu?