Skessuhorn - 06.03.2019, Blaðsíða 14

MIÐVIKUDAGUR 6. MARS 201914
Bæjarfulltrúar Sjálfstæðisflokks,
sem sitja í minnihluta í bæjarstjórn
Akraneskaupstaðar, lögðu fram bók-
un á síðasta bæjarstjórnarfundi þar
sem þeir fagna ákvörðun Kristjáns
Þórs Júlíussonar, sjávarútvegs- og
landbúnaðarráðherra, um að heim-
ila áframhaldandi veiðar á lang-
reyði og hrefnu árin 2019-2023.
Segja þeir þá ákvörðunin ráð-
herrans samhljóma umsögn bæj-
arráðs Akraness frá 7. janúar sl. til
atvinnuveganefndar vegna þings-
ályktunartillögu um endurmat á
hvalveiðistefnu Íslands. Meirihluti
bæjarstjórnar tók á síðasta fundi
ekki undir ályktun minnihlutans í
ljósi þess að hún barst ekki meiri-
hlutaflokkunum fyrr en 22 mínút-
um fyrir bæjarstjórnarfund og því
gafst ekki ráðrúm til að bera hana
efnislega undir flokksfélaga á bæj-
armálafundum Samfylkingar og
Framsóknarflokks. „Í ljósi ofan-
greinds munu bæjarfulltrúar meiri-
hlutans ekki taka þátt í þeirri álykt-
un sem hér er lögð fram,“ segir í
bókun meirihlutans.
Í bókun Sjálfstæðismanna, þar
sem ákvörðun um hvalveiðar er
fagnað, segir að hvalveiðar við Ís-
land fari fram með sjálfbærum hætti
á grundvelli vísindalegra rannsókna
og að ekki verði eingöngu litið til
þjóðhagslegra hagsmuna heldur
einnig til áhrifa innan tiltekinna at-
vinnusvæða. „Bein og afleidd störf
sem skapast í kringum hvalveiðar
og -vinnslu skipta miklu máli á at-
vinnusvæði Akurnesinga og þessi
störf snerta framfærslu margra fjöl-
skyldna á þessu svæði ásamt því að
skapa sveitarfélögum mikilvæg-
ar tekjur. Einnig er mikilvægt að
skapa þeim fyrirtækjum sem stunda
hvalveiðar og -vinnslu stöðugt laga
og rekstrarumhverfi svo hægt sé að
ráðast í nauðsynlegar fjárfestingar
og endurnýjun búnaðar til aukinnar
verðmætasköpunar,“ segir í bókun
fulltrúa Sjálfstæðisflokks. mm
Bæjarfulltrúar fagna
ákvörðun um hvalveiðar
Hvalskurður í Hvalstöðinni síðastliðið sumar.
Nokkrir sjúkdómar herja nú á hross
í nágrannalöndum okkar og hafa
ráðamenn áhyggjur af að þeir geti
borist hingað til lands. Eiga þess-
ir sjúkdómar það sammerkt að hafa
aldrei borist til Íslands og gætu
hver um sig skapað alvarlega ógn
við íslenska hrossastofninn og alla
hestatengda starfsemi hér á landi.
Dýravelferðarsvið Matvæla-
stofnunar hefur gert samantekt á
þeim sjúkdómum sem í hlut eiga.
„Fyrst ber að nefna hesta-herpes
týpu 1 (EHV-1) sem hefur nú mik-
il áhrif á stórum svæðum í Svíþjóð
auk þess sem grunur er um tilfelli í
Noregi. Bæði er um að ræða fóst-
urlát af völdum sýkingarinnar en
einnig hafa verið tilfelli þar sem
sýkingin leggst á miðtaugakerfið
og veldur alvarlegum einkennum, í
versta falli lömun og dauða.“
Þá hefur tiltekinn stofn hesta-
inflúensu (Florida Clade 1 H3N8)
valdið miklum usla á Bretlands-
eyjum og á meginlandi Evrópu.
Sá stofn virðist nú einnig vera að
breiðast út um Skandinavíu. „Síð-
ast en ekki síst er nýgengi kver-
keitlabólgu (Streptococcus equi)
nokkuð hátt um þessar mundir í
mörgum nágranna- og viðskipta-
löndum okkar. Faraldur smitandi
hósta (Streptococcus zooepidem-
icus ST209) árið 2010 var alvarleg
áminning um að sérhæfðir sjúk-
dómsvaldandi streptókokkar geta
borist í hrossastofninn hér á landi
með smygli á notuðum búnaði,
óhreinum fatnaði eða með öðrum
óbeinum hætti.“
Helstu varnir Íslands gegn þess-
um sjúkdómum liggja í banni við
innflutningi á hrossum, sæði og
fósturvísum. „Einnig er bannað að
flytja inn hvers konar búnað sem
notaður hefur verið í umhverfi
hrossa erlendis. Í þriðja lagi ber að
þvo og eftir atvikum sótthreinsa
fatnað og skófatnað sem notað-
ur hefur verið í umhverfi hrossa
erlendis. Þeir sem hafa atvinnu
af hestatengdri starfsemi og hafa
mestra hagsmuna að gæta, þurfa að
vera forgöngumenn í nauðsynleg-
um smitvörnum og sýna gott for-
dæmi. Þeim ber auk þess að upp-
fræða erlenda viðskiptavini sem
koma til landsins og hvetja þá til að
fylgja reglum um smitvarnir í hví-
vetna. Mikilvægt er að reglur um
smitvarnir berist erlendum hesta-
ferðamönnum áður en lagt er í ferð
til Íslands,“ segir í tilkynningu frá
Matvælastofnun.
mm
Óvenju mikið er um smitsjúk-
dóma í hrossum erlendis
Herpessjúkdómur hefur valdið miklum usla í sænska hrossastofninum að undanförnu auk þess sem grunur er um nokkur
tilfelli í Noregi. Hestainflúensa er einnig í breska stofninum. Þessir sjúkdómar gætu reynst íslenskum hrossum stórhættulegir.
Kosningu sauðfjárbænda um end-
urskoðun á samningi um starfs-
skilyrði sauðfjárræktarinnar lauk
á mánudaginn. Kosningin var raf-
ræn og tóku 45% bænda þátt; 1.035
greiddu atkvæði af 2.297 sem voru á
kjörskrá. Þrátt fyrir andstöðu í röð-
um bænda við væntanlegar breyt-
ingar var mikill meirihluti sem
samþykkti endurskoðun samnings-
ins, eða rúmlega 68%. Um 30%
höfnuðu samkomulaginu og rúm-
lega eitt prósent tók ekki afstöðu.
Fyrirhuguð endurskoðun sauð-
fjársamnings felur meðal annars í
sér að greiðslum ríkisins er breytt
til að draga úr framleiðsluhvata
og bændum er gefinn kostur á að
draga úr eða hætta framleiðslu og
snúa sér að annarri vinnu á jörðum
sínum með samningi um búhátta-
breytingu. Gagnrýni við breytingu
hefur einkum snúið að því að breyt-
ingar á greiðslum koma misjafnlega
við sauðfjárbúin. Eftir þessa niður-
stöðu er búist við að landbúnaðar-
ráðherra muni leggja fram frum-
varp á Alþingi á næstunni til breyt-
ingar á búvörulögum, en það er
skilyrði til lögfestingar breytinga
á núverandi sauðfjársamningi milli
ríkis og bænda. mm
Sauðfjárbændur samþykktu
endurskoðun á samningi
Föstudaginn 1. mars hófst sala á nýj-
um Mottumars-sokkum í verslunum
um land allt og í vefverslun Krabba-
meinsfélagsins; krabb.is. Þá opn-
aði félagið nýtt vefsvæði fyrir karla,
karlaklefinn.is og ljósmyndasýning-
in Meiri menn verður opnuð á sex
stöðum á landinu, þó hvergi á Vest-
urlandi.
Mottumarssokkarnir nú eru
hannaðir af Önnu Pálínu Baldurs-
dóttur, nemanda í grafískri hönn-
un í Listaháskóla Íslands. Hún bar
sigur úr býtum í hönnnunarsam-
keppni Krabbameinsfélagsins og
Listaháskólans síðastliðið haust. Á
vefsvæðinu Karlaklefanum er að
finna fræðsluefni af ýmsum toga
sem sérstaklega er ætlað karlmönn-
um. „Karlmenn leita sér upplýs-
inga í minna mæli en konur varð-
andi margt sem snertir heilsufar,
þeir bregðast síður við einkennum
og leita seinna til læknis. Markmið
Krabbameinsfélagsins með Karla-
klefanum er að auka áhuga karla á
fróðleik og upplýsingum um heil-
brigðan lífsstíl. Einnig um krabba-
mein og sjúkdómsferli, réttindamál,
stuðning og viðbrögð aðstandenda
og vinnufélaga svo dæmi séu tekin,“
segir í tilkynningu frá félaginu.
mm
Krabbameinsfélagið
selur sokka í mars
Þessir glaðlegu Mottumars-sokkar
verða seldir 1.-15. mars til styrktar
starfsemi Krabbameinsfélagsins.
Skúla Mogensen eiganda, WOW
air, tókst ekki að ljúka samningi
við Indigo Partners um endurfjár-
mögnun félagsins, en til stóð að
ljúka þeim viðræðum eigi síðar en
um síðustu mánaðamót. Í tilkynn-
ingu frá WOW á fimmtudagskvöld
kemur fram að viðræður muni engu
að síður halda áfram. Vonast er til
að þeim ljúki eigi síðar en 29. mars
nk. Frekari upplýsingar liggja ekki
fyrir. Markaðurinn tók þessum tíð-
indum með þeim hætti að hlutabréf
í Icelandair þokuðust lítið eitt upp
í viðskiptum síðustu daga. Á föstu-
daginn var gengi í félaginu komið
yfir 8 krónur á hlut, en það er þó
einungis helmingur af verði bréfa í
félaginu fyrir réttu ári síðan.
mm
Basl í íslenskum
flugrekstri