Skessuhorn - 05.06.2019, Blaðsíða 16

MIÐVIKUDAGUR 5. júnÍ 201916
Gítarleikarinn Eðvarð Lárusson
frá Akranesi hefur fyrir löngu síð-
an skapað sér nafn sem einn fremsti
gítarleikari landsins. Eðvarð, eða
Eddi Lár, eins og hann er jafnan
kallaður, hefur leikið í fjölmörg-
um hljómsveitum í gegnum tíð-
ina og komið fram með ótal tón-
listarmönnum við hin ýmsu tæki-
færi. Auk þess hefur hann um árabil
kennt ungum og upprennandi tón-
listarmönnum í Tónlistarskólan-
um á Akranesi, til að mynda Dav-
íð Þór jónssyni, Kristjáni Grétars-
syni og Þorleifi Gauki Davíðssyni
svo aðeins örfáir séu nefndir. Það
er því óhætt að segja að Eddi hafi
sett mark sitt á tónlistarlíf Akra-
ness og landsins alls frá því hann
sló fyrstu hljómana á gítarinn sem
barn. Hann var á síðasta ári valinn
bæjarlistamaður Akraness og ætlar
að þakka fyrir sig með tónleikum á
Gamla Kaupfélaginu sunnudaginn
16. júní næstkomandi, síðasta dag-
inn sem hann ber þessa heiðurs-
nafnbót. Tónleikarnir bera einfald-
lega yfirskriftina Kvöldstund með
bæjarlistamanni. Eddi Lár segir frá
gítarnum, tónlistinni og tónleikun-
um sem framundan eru í Skessu-
horni vikunnar.
Langaði bara að spila
„Ég var átta eða níu ára þegar ég
byrjaði að spila. Bróðir minn kom
svífandi heim með einhvern gít-
ar og nokkur grip í farteskinu sem
hann kenndi mér,“ segir Eddi.
Blaðamaður hafði heyrt því fleygt
að Eddi hefði verið orðinn betri en
bróðir sinn nánast um leið og hann
snerti strengina. „Ég varð húkkt al-
veg um leið, gat ekki hætt að spila
og fór hratt fram. næstu árin spil-
aði ég mikið og sem unglingur
gerði ég fátt annað en að spila, lok-
aði mig bara inni í herbergi, spilaði
með plötum og lærði lög eftir eyr-
anu,“ segir hann. „Ég fór ekki í tón-
listarskóla fyrr en seinna. Þegar ég
var unglingur var ekki kennt á gítar
í tónlistarskóla. Það var bara norm-
ið þá og sá hugsunarháttur enn við
lýði í tónlistarskólum að ákveðin
músík þótti merkileg og önnur var
bara ekki kennd. Það var bara kennt
á ákveðin hljóðfæri og þegar loksins
var byrjað að kenna á gítar var það
að sjálfsögðu bara klassískur gítar-
leikur,“ segir hann. „Það var ekki
fyrr en töluvert seinna að yfirleitt
var farið að kenna rytmíska músík í
tónlistarskólanum. Ég fór því ekki í
skólann fyrr en ́ 78 eða ́ 79, var í tvö
ár og hætti svo. Fór bara að spila á
böllum og svona og fór ekki aftur í
tónlistarskólann fyrr en ég byrjaði
að kenna þar sjálfur um miðjan ní-
unda áratuginn. Þá hugsaði ég með
mér að ég yrði nú að læra eitthvað,“
segir hann og hlær við. „Ég er bú-
inn að kenna við Tónlistarskólann
á Akranesi meira og minna allar
götur síðan. Ég tók mér fimm ára
pásu eftir aldamótin en byrjaði síð-
an aftur hrunárið mikla 2008,“ bæt-
ir hann við.
Aðspurður segir Eddi að hann
hafi ekki tekið upp gítarinn vegna
töfra hljóðfærisins sjálfs. Hann hafi
fyrst og fremst haft þörf fyrir að
spila tónlist. „Það var ekkert sér-
stakt sem heillaði mig við gítar-
inn, nema bara að hann er hljóð-
færi og mig langaði bara að spila.
Mig langaði reyndar alltaf að læra
á píanó, miklu meira en á gítar. En
ég hafði ekki kost á því, það var ekki
til píanó heima og þess vegna fór ég
að spila á gítar. Ég vildi bara spila á
hljóðfæri,“ segir hann. „En ég spila
á píanó og hef gert í og með lengi,
en mest bara fyrir sjálfan mig. Ég
reikna þó með að spila aðeins á
píanóið á tónleikunum 16. júní,“
segir hann.
Njálssaga og Skagalög
Þeir tónleikar verða haldnir á
Gamla Kaupfélaginu á Akranesi og
þar kemur Eddi fram ásamt tveim-
ur hljómsveitum. Fyrir hlé stíg-
ur hljómsveitin njálssaga á svið og
flytur svokallaða njálssögu, úrval af
lögum neil Yong. „neil Young hef-
ur verið í uppáhaldi hjá mér síðan
ég var krakki. Ég hef reyndar ekki
mikið spilað músíkina hans í gegn-
um tíðina en alltaf hlustað mikið á
hann. Fyrsta platan sem ég keypti
mér var After the Gold Rush. Pró-
grammið mun mikið til saman-
standa af lögum af þeirri plötu,
sem og af næstu plötu hans, Har-
vest. Lögin verða þarna sett í svolít-
ið annan búning, í grunninn útsett
fyrir gítartríó,“ segir Eddi. njáls-
sögu flytja með Edda þeir Pét-
ur Sigurðsson bassaleikari og Karl
Peter Smith trymbill, auk þess sem
Þorleifur Gaukur Davíðsson munn-
hörpuleikari verður sérstakur gest-
ur. „Eftir hlé verða síðan Skagalög
á dagskránni og þá tekur við hljóm-
sveitin Sementsstromparnir. Þá
leika með mér Birgir Baldursson
á trommur, Valdimar Olgeirsson á
kontrabassa og Þorleifur Gaukur
á munnhörpu og kjöltugítar,“ seg-
ir Eddi. „Skagalögin eru allt dæg-
urlög frá Akranesi. Á dagskránni er
allt frá Dumbó og Steina og Tedda
Einars til Tíbrár, Orra Harðar, Ska-
gakvartettsins og svo mætti lengi
telja,“ bætir hann við.
Alltaf heillaður af spuna
Í gegnum tíðina hefur gítarleik-
ur Edda þróast sem og tónlistar-
smekkurinn hans sjálfs. Þegar hann
var að stíga sín fyrstu skref kveðst
hann, eins og fleiri gítarleikar-
ar, hafa haldið mikið upp á bresku
blúsrokkarana, Eric Clapton,
jimmy Page og fleiri. „Það þróað-
ist síðan yfir í meira progg þegar
ég var unglingur. Ég hlustaði mik-
ið á Yes og hélt upp á gítarleikara
þeirrar sveitar, Steve Howe,“ segir
hann. „Í seinni tíð tók síðan djass-
deildin við og þar er af nógu að
taka. joe Pass er í miklu uppáhaldi
hjá mér, sem og Wes Montgomery
og síðan meira módern djassgítar-
leikarar eins og Bill Frisell. Hann
spilar eiginlega blöndu af djassi og
öllum fjandanum. Hugmyndin að
njálssögu er nú eiginlega stolin frá
honum. Fyrir nokkrum árum sendi
hann frá sér plötu þar sem hann
setur tónlist john Lennon í eigin
búning,“ segir Eddi.
„Djassinn hefur verið að þróast
svolítið í þá áttina undanfarin 20
ár kannski. Áður var mjög algengt
að menn byggðu prógrammið sitt
upp á standördum, sem allir þurftu
að kunna og svo var spunnið inn-
an þess ramma sem veittist hverju
sinni. En í seinni tíð hafa djasstón-
listarmenn gert töluvert af því að
taka önnur dægulög og setja þau í
djassbúning. Djassinn hefur þann-
ig opnast mikið undanfarna ára-
tugi og mörkin eru alltaf að verða
óljósari,“ segir hann. „neil Yo-
ung prógrammið verður til dæmis
þannig að áhorfendur munu ekk-
ert endilega upplifa að þeir séu að
hlusta á djass. En lögin verða samt
flutt með djass attitjúti og eru útsett
með impróvíseringar í huga,“ segir
hann og brosir. „Spuninn er lykil-
atriði í þessari músík. Það er allt-
af gert ráð fyrir spuna og ég hugsa
að hann sé það sem ég heillaðist af
við djassinn. Ég hef alltaf verið gef-
inn fyrir spuna frá því ég byrjaði að
spila. Hann á sér vissulega sinn stað
í blúsnum og rokkinu en það er að-
eins meira tjalleins að takast á við
hann í djassinum,“ segir Eddi sem
kveðst alltaf hafa fengið frelsi til að
spinna í öllum þeim hljómsveitum
sem hann hefur spilað með. „Og ég
hef líka bara veitt mér það frelsi,“
segir hann og hlær við.
Stefnir á upptökur
Eddi hefur spilað með ótal tónlist-
armönnum í gegnum tíðina. Hann
var í Tíbrá í gamla daga og seinna
í Strax með Pétri Kristjánssyni og
Kombóinu með Ellen Kristjáns.
Lengi vel hefur hann leikið með
Stórsveit Reykjavíkur, um ára-
bil með Andreu Gylfadóttur og þá
hefur hann komið fram með Sin-
fóníuhljómsveit Íslands,. Svo mætti
lengi telja og tónlistarmennirnir
sem Eddi hefur komið fram með
skipta hundruðum. „Heilt yfir hef-
ur þetta allt saman bara verið mjög
skemmtilegt og fjölbreytt, alls kon-
ar músík sem ég hef fengist við í
gegnum tíðina. Mörg fjölbreytt og
skemmtileg gigg hef ég spilað til
dæmis með Stórsveit Reykjavík-
ur og þá hefur mér alltaf fundist
gaman að spila með sinfóníuhljóm-
sveitinni þegar ég hef fengið tæki-
færi til þess. Mörg minni atriði hafa
líka verið einstaklega vel heppnuð.
Það er alltaf skemmtilegast þegar
kemistrían á milli spilaranna er góð
og þarf ekki mikið að vera að orða
hlutina heldur er bara talið í og
spilað og allt smellur,“ segir Eddi.
En hvað er næst á dagskrá hjá
gítarleikaranum, að loknum tón-
leikunum 16. júní? „Ég ætla bara
að halda áfram að spila og reyna
líka að taka upp. Stefnan er að fara
í stúdíó, taka upp njálssöguna og
gefa hana út helst í haust. Það er
kannski það sem ég á helst eftir að
gera sem tónlistarmaður. Ég hef
alltaf verið á hliðarlínunni í gegn-
um tíðina, í hljómsveitum eða hluti
af hóp. Ef til vill á ég eftir að gefa
meira út í framtíðinni undir eigin
nafni ef þetta kemur vel út,“ segir
Eddi Lár að endingu. kgk
Eddi æfir hér með þeim Flosa, Eiríki og Sigurþóri Þorgilssyni bassaleikara fyrir tónleikana Ungir/gamlir árið 2015.
„Mig langaði alltaf að læra á píanó“
- segir Eðvarð Lárusson gítarleikari og bæjarlistamaður sem undirbýr nú tónleika
Eddi Lár leikur hér ásamt Andreu Gylfadóttur á 17. júní á Akranesi síðastliðið sumar. Ljósm. úr safni.
Eddi sló að sjálfsögðu nokkra vel valda hljóma fyrir blaðamann þar sem þeir
ræddu saman í gítarstofunni í Tónlistarskólanum á Akranesi. Ljósm. kgk.
Eddi hefur spilað með fjölmörgum hljómsveitum og tónlistarmönnum í gegnum
tíðina. Hér er hann ásamt félögum sínum í hljómsveitinni Tíbrá frá Akranesi á
gullaldarárum sveitarinnar um miðjan níunda áratuginn. F.v. Flosi Einarsson
hljómborðsleikari, Eiríkur Guðmundsson trymbill, Eddi Lár gítarleikari, Kári
Waage söngvari og Jakob R. Garðarsson bassaleikari.