Læknablaðið - nov 2019, Qupperneq 58

530 LÆKNAblaðið 2019/105
SAMÚEL SIGURÐSSON varði doktorsritgerð sína í lækna-
vísindum við læknadeild Háskóla Íslands. Ritgerðin heitir: Áhrif
bólusetningar með prótein-tengdu pneumókokka bóluefni á pneumókokka
í nefkoki og sýkingar af völdum pneumókokka í íslenskum börnum.
Andmælendur voru Adam Finn, prófessor í barnalækningum
við Háskólann í Bristol, og Richard Malley, prófessor við Harvard-
háskóla í Boston.
Umsjónarkennari var dr. Ásgeir Haraldsson, prófessor, og leið-
beinandi Karl G. Kristinsson, prófessor. Auk þeirra sátu í doktors-
nefnd Birgir Hrafnkelsson, prófessor við raunvísindadeild, Helga
Erlendsdóttir, aðjúnkt við læknadeild, og Þórólfur Guðnason sótt-
varnalæknir.
Ágrip af rannsókn: Streptococcus pneumoniae, pneumókokkar,
eru á meðal algengustu baktería sem valda miðeyrnabólgu og
lungnabólgu í börnum og geta valdið alvarlegum sýkingum eins
og heilahimnubólgu og blóðeitrun. Bólusetningu gegn 10 algeng-
ustu, meinvirkustu og/eða sýklalyfjaónæmustu hjúpgerðunum
var bætt í ungbarnabólusetningar á Íslandi árið 2011. Markmið
rannsóknarinnar var að meta áhrif bólusetningarinnar á berahlut-
fall pneumókokka og á sýkingar af völdum þeirra í bólusettum
íslenskum börnum samanborið við fyrri árganga. Rannsóknin
sýnir að sjúkdómsbyrði pneumókokka hefur minnkað umtalsvert
í íslenskum börnum frá upphafi bólusetningar árið 2011.
Doktorsefnið: Samúel Sigurðsson (1988) lauk B.Sc.-prófi í lækn-
isfræði 2013 frá Háskóla Íslands og kandídatsprófi í læknisfræði
frá sama skóla 2017.
ANDRI LEÓ LEMARQUIS varði doktorsritgerð sína í lækna-
vísindum við læknadeild Háskóla Íslands. Ritgerðin heitir Klínísk
mynd og ónæmissvar einstaklinga með sértækan IgA skort.
Andmælendur voru Rita Carsetti, prófessor við Ospedale Pedi-
atrico Bambino í Róm, og Valtýr Stefánsson Thors, aðjunkt í barna-
lækningum við læknadeild.
Umsjónarkennari og leiðbeinandi var Björn Rúnar Lúðvíksson,
prófessor við læknadeild, og meðleiðbeinandi var Una Bjarnadótt-
ir, lífefnafræðingur. Auk þeirra sátu í doktorsnefnd Ásgeir Har-
aldsson og Ingileif Jónsdóttir, prófessorar við læknadeild, og René
Toes, prófessor við Leiden University Medical Center í Hollandi.
Ágrip af rannsókn: Markmið rannsóknarinnar var að greina
klíníska og ónæmisfræðilega mynd sértæks IgA-skorts (sIgAD).
Notast var við klíníska greiningu, frumugreiningu eitilfrumna,
sjálfsónæmismótefna-mælingu og boðefnamælingar til betri skil-
greiningar á einstaklingum með gallann. Meginniðurstöður eru
því að í sértækum IgA-skorti er tenging milli klínískrar myndar
sjálfsónæmis, sýkinga, ofnæmissjúkdóma og röskunar ónæm-
issvars er tengist B-frumuþroskun með tilheyrandi ofseytingu
ónæmisþátta og sjálfsónæmismótefnaseytingu.
Doktorsefnið: Andri Leó Lemarquis (1989) lauk kandídatsnámi
í læknisfræði frá Háskóla Íslands 2017. Andri Leó hóf doktorsnám
samhliða kandídatsnámi í læknisfræði árið 2013 undir handleiðslu
Björns Rúnars Lúðvíkssonar prófessors. Auk þessa hefur Andri
unnið að skrifum og erfðagreiningu undir handleiðslu prófessors
Olovs Ekwall og sérhæfir sig í barnalæknisfræði við Sahlgrenska
sjúkrahúsið.
Doktorar í læknisfræði 2018-2019
Myndir: Kristinn Ingvarsson