Hugur og hönd - 01.06.1983, Qupperneq 7

Ragnhildur tók mikinn þátt í félags- og baráttumálum
kvenna. Gekk í félög er fyrir voru og var einn af stofnfé-
lögum nýrra m. a. Heimilisiðnaðarfélags Islands hinn 12.
júlí 1913. Hún var og í hópi þeirra er ötullega börðust
fyrir kosningarétti kvenna. I Hlín, ársriti kvenna 1941, er
birt útvarpserindi er hún flutti hinn 19. júní 1941 á 26 ára
afmæli kosningaréttar kvenna. Þykir henni uppskeran rýr
að ekki skuli fleiri en tvær konur hafa setið á Alþingi í
þennan rúmlega aldarfjórðung (þær Ingibjörg H. Bjarna-
son og Guðrún Lárusdóttir) og segir að oft setji að sér
ugg um að þær missi aftur kosningarétt sinn ef ekki verði
betur að málum staðið og nefnir um það dæmi bæði frá
Englandi og Ameríku.
Ragnhildur hafði alla æfi brennandi áhuga á húsmæðra-
fræðslunni og var ávallt í fylkingarbrjósti þar sem þau mál
voru á döfinni. Heimilismenning var hennar hugsjón.
Hún var einn af frumkvöðlum um stofnun Húsmæðra-
skóla Reykjavíkur og fyrsti formaður skólanefndar og sat
í henni svo lengi sem aldur og heilsa entust.
Hinn 18. júlí 1911 mátti lesa í dagblaði í Reykjavík að
gefin hefðu verið saman í hjónaband Ragnhildur Péturs-
dóttir frá Engey og Halldór Kr. Þorsteinsson skipstjóri.
Fylgdi fréttinni að í stað brúðkaups hefðu þau gefið gild-
an sjóð til Vífilstaðahælis. Þessi ákvörðun ungu hjónanna
lýsir greinilega viðhorfi þeirra og menningararfi. Ragn-
hildur og Halldór hófu fljótlega byggingu á framtíðar
heimili sínu suðaustur af Reykjavík þeirra daga. Reist var
íbúðarhús og gripahús, brotið land og ræktuð tún og áður
en varði hafði risið þarna fyrirmyndar stórbýli, svo af bar
bæði innanhúss og utan.
Veggtcppi, stærð 73 x 87 cm. ofið úr handspunnu jurtalituðu bandi.
HUGUR OG HÖND
7