Hugur og hönd - 01.06.1983, Side 10

semina, fyrst voru settir upp gamlir vefstólar, svo vinnan
gæti hafist sem fyrst, en jafnframt pantaðir nýir hjá
Trésmiðju Eyrarbakka, sem þeir Bergsteinn Sveinsson og
Vigfús Jónsson áttu og ráku. Vefstólarnir voru engin
smásmíði, annar skilaði 1,50 m breidd og hinn 2 m. Við
Júlíana unnum svo við gólfteppavefnaðinn um veturinn
og hluta úr sumrinu, en hún fluttist aftur til Bergen um
haustið 1939. Þá komu til vinnu með mér systurnar Olöf
og Helga Þorsteinsdætur frá Langholti í Flóa og var hlut-
verk mitt að kenna þeim og sjá um vinnustofuna. Fram-
leiðslan var áfram gólfteppi, ýmist ofin með röggvarvefn-
aði, þráðabrekáni eða krossvefnaði. Pantanir voru af-
greiddar og eitthvað selt þar að auki. Þetta urðu vitaskuld
dýrir hlutir og ekki á allra færi að eignast. Sumarið 1940
keypti Ragnhildur áhöld, garn og teppalager af Samband-
inu, en veturinn eftir vann ég áfram við vefnað hjá henni
heima í Háteigi. Stóra vefstólinn gaf síðan ein dóttir
Ragnhildar Heimilisiðnaðarfélagi Islands.
A efri árum fór Ragnhildur að vefa myndvefnað og
hafði af því mikið yndi. Hún vann hugmyndir sínar beint
í vefinn. Gaman var að koma í heimsókn í Háteig og
hlusta á skýringar hennar á myndtjáningunni, oftast voru
þær tengdar gömlum minnum frá Engey. Greininni fylgja
myndir af nokkrum verka hennar.
Ragnhildur Pétursdóttir andaðist hinn 9. janúar 1961 á
áttugasta og fyrsta aldursári eftir gifturíka æfi.
Guðrún Jónasdóttir
Heimildir:
Gjörðabók Heimilisiðnaðarfélags Islands árin 1913 til 1962.
Hlín, ársrit kvenna 1931-1941.
Afmælis- og minningargreinar úr dagblöðum.
Katrín Helgadóttir: Skólaslitaræða Húsmæðraskóla Reykjavíkur 1961.
Veggteppi, stærð 60 x 72 cm. ofið úr handspunnu jurtalituðu bandi.
1il
NÉ'. ■ 4jf|g&i
10
HUGUR OG HÖND