Hugur og hönd - 01.06.1985, Page 47

förnu. Nokkur hópur kvenna hefur
komið hér saman af og til í eins konar
kniplklúbb. Anna sagði að hún hefði
farið á þing kniplingaáhugafólks í
Brugge í Belgíu fyrir nokkru, en þingið
sóttu um 600 manns. Þar sagðist hún
hafa tekið eftir því að mikið var um
klúbba sem sýndu saman á sýningu.
sem haldin var samhliða þinginu. I
t'ramhaldi af því var þessi óformlegi
kniplklúbbur stofnaður.
Mikið er nú orðið um það úti í hinum
stóra heimi. að listamenn noti knipl sem
tjáningarform. Knipla þeir þá heilar
myndir og mikil listaverk. Lítið, ef
nokkuð, hefur verið um það enn sem
komið er hérlendis, en gæti átt eftir að
aukast ef knipl nær hér fótfestu sem
heimilisiðnaður og verður áhugamál
bæði listamanna og þeirra sem sinna því
af áhuga þótt þeir kalli sig ekki lista-
menn dagsdaglega.
Fríða Björnsdóttir