Hugur og hönd - 01.06.1993, Blaðsíða 44

Hei m i I is iðna ða rféla g
íslands 80 ára
Frá sýningu í verslun félagsins að Flafharstrieti 3 í tilefni 80 ára
afmœlis þess.
Þegar við hófumst handa við greinarkorn þetta
þótti okkur við hæfi að glugga ofurlítið í fyrstu
fundargerð félagsins og vitna lítillega í hana.
Stofnfundur heimilisiðnaðarfélagsins var haldinn
12. júlí 1913 í Báruhúsinu í Reykjavík. Fundarstjóri
var Rögnvaldur Ólafsson húsameistari. í fyrstu
fundargerð félagsins segir að til fundarins hafi verið
boðað með auglýsingu í ísafold og götuauglýsing-
um. Auk þess var öllum alþingismönnum sent sér-
stakt fundarboð. Ennfremur kemur fram í fundar-
gerðinni að málinu hafi fyrst verið hreyft í
„Lestrarfélagi kvenna” veturinn 1911 - 12. Einnig
er skýrt frá því að Matthías Þórðarson forn-
minjavörður hafi flutt erindi um þýðingu og gildi
heimilisiðnaðarins og rakið í stuttu máli sögu
þessarar elstu starfsviðleitni mannkynsins. Benti
hann á hvað við íslendingar gætum hagnýtt okkur
margfalt betur ýmsar afurðir með því að skila
unnum vörum í stað óunnins efnis. Þriggja manna
nefnd hafði áður unnið að gerð laga sem undir-
búningsnefndin hafði samþykkt. 1. greinin var um
markmið félagsins og er hún svohljóðandi:
„Það er tilgangur félagsins að auka og efla þjóð-
legan heimilisiðnað á íslandi, stuðla að vöndun
hans og fegurð og vekja áhuga manna á því að
framleiða nytsama hluti. Jafnframt skal félagið
stuðla að sem arðvænlegastri sölu á íslenzkum
heimilisiðnaðarafurðum bæði á íslandi og er-
lendis.”
Fyrsti forseti félagsins var kosinn Jón Þórarinsson
fræðslumálastjóri og voru stofnfélagar 34.
Áttatíu árum síðar er þessi grein enn í fullu gildi.
Ef miðað er við mannsævina er þetta hár aldur en
engin ellimörk eru á félaginu. Starfsemi félagsins er
öflug og þess ekki síður þörf í dag en fyrir áttatíu
árum. í áranna rás hefur félagið á ýmsan hátt unnið
að upphaflegum markmiðum sínum, reynt að að-
laga sig að hverjum tíma fyrir sig og hafa margir lagt
þar hönd á plóginn og margt áunnist. Á síðast-
liðnu ári hefur talsvert verið unnið að eflingu sam-
starfs við ýmsa handverkshópa og heimilis-
iðnaðarfólk um land allt. Er það von okkar að
Heimilisiðnaðarfélag íslands geti nýtt reynslu sína
og þekkingu í þágu þessa fólks.
í tilefni þessara tímamóta var haldin þjóð-
búningasýning í verslun félagsins, „íslenskur
heimilisiðnaður“, Hafnarstræti 3-
í heimilisiðnaðarskólanum á Laufásvegi 2 var haft
„opið hús” þar sem kynnt var starfsemi skólans og
þrjár ungar konur héldu sýningu á verkum sínum,
þær Arndís Jóhannsdóttir sem sýndi muni unna úr
steinbítsroði, Ingibjörg Ágústsdóttir sem sýndi út-
saumaðar myndir og Stefanía Stefánsdóttir sem
sýndi verk unnin úr flóka og pappír.
Elín Salóme Guðmundsdóttir
Hildur Sigurðardóttir
Ljósmynd
Agúst Guðmundsson.
VEFSTOFA í GEYSISHÚSI
Vesturgötu 1, 101 Reykjavík. Sími: 91-12460
Opið þriðjudaga - föstudaga kl. 10-15.
Áslaug Sverrisdóttir
Heimasími: 91-625180
Sigríður Halldórsdóttir
Heimasími: 91-604276
44
HUGUROG HÖND