Fréttablaðið - 18.03.2020, Blaðsíða 1

— M E S T L E S N A DAG B L A Ð Á Í S L A N D I * —6 6 . T Ö L U B L A Ð 2 0 . Á R G A N G U R M I Ð V I K U D A G U R 1 8 . M A R S 2 0 2 0
Krónan
mælir með!
Besta
uppskeran
núna!
„Stundum er brekkan brött,“ segir Vilborg Arna Gissurardóttir, fjallgöngukona og pólfari, um efni fyrirlesturs síns, 8848 ástæður til að gefast upp, sem haldinn var fyrir tómum sal hjá
BHM vegna samkomubanns sem nú stendur yfir. Til stóð að streyma fyrirlestrinum á veraldarvefnum en hljóðið klikkaði og þarf því að endurf lytja hann í dag. FRÉTTABLAÐIÐ/ANTON BRINK
GEIRFINNSMÁL Deilt var um bóta-
fjárhæð og eigin sök Guðjóns Skarp-
héðinssonar á tjóni sínu og þján-
ingum í Héraðsdómi Reykjavíkur í
gær. Hann krefst 1,3 milljarða bóta
vegna Geirfinnsmálsins. 
Ragnar Aðalsteinsson sagði
aðstæður í máli Guðjóns sérstakar
og málið fordæmalaust. Af því leiðir
að í málinu þarf að falla fordæma-
laus dómur,“ sagði Ragnar í héraðs-
dómi í gær.
– aá / sjá síðu 6
Mál Guðjóns
fordæmalaust
Ragnar
Aðalsteinsson.
VIÐSKIPTI Eftir miklar verðlækkanir
á hlutabréfamörkuðum hér heima
og erlendis síðustu vikur, gætu farið
að myndast tækifæri fyrir langtíma-
fjárfesta, að mati Gunnars Baldvins-
sonar, framkvæmdastjóra Almenna
lífeyrissjóðsins. Hann telur þó mik-
ilvægt að slíkir fjárfestar haldi sjó
og taki ekki neinar skyndiákvarð-
anir. Skynsamlegast sé að þeir haldi
sinni fjárfestingarstefnu.
„Mér f innst líklegt að mark-
aðir verði órólegir áfram og lækki
mögulega meira, en það er þó erfitt
að segja til um það,“ segir Gunnar í
samtali við Markaðinn.
Mikil lækkun hefur verið á inn-
lendum og erlendum hlutabréfa-
mörkuðum að undanförnu vegna
áhyggna fjárfesta af útbreiðslu kór-
ónaveirunnar og áhrifum hennar á
heimshagkerfið. – kij / sjá Markaðinn
Sjá fram á
kauptækifæri
VIÐSKIPTI Seðlabankinn greip inn
í gjaldeyrismarkað í síðustu viku
og seldi gjaldeyri fyrir krónur fyrir
samtals um átta milljarða, til að
vega á móti snarpri lækkun á gengi
krónunnar. Á föstudag nam sala
Seðlabankans 3,6 milljörðum en
bankinn hefur ekki selt jafnmikinn
gjaldeyri á einum degi að minnsta
kosti frá 2008.
Allt árið í fyrra seldi bankinn sam-
tals gjaldeyri fyrir 11,9 milljarða.
Þrátt fyrir gjaldeyrisinngrip Seðla-
bankans hélt gengi krónunnar áfram
að gefa eftir. Gengið hefur þannig
fallið um tólf prósent gagnvart evru
frá áramótum.
Á sama tíma og gengi krónunnar
hefur gefið eftir hafa verðbólguhorf-
ur á markaði aðeins aukist lítillega
og eru í kringum 2,5 prósent verð-
bólgumarkmið Seðlabankans.
Agnar Tómas Möller, forstöðu-
maður skuldabréfa hjá Júpíter
rekstrarfélagi, segir í samtali við
Markaðinn ánægjulegt að sjá hvað
verðbólguvæntingar hafi lítið risið.
„Það helgast líklega af gríðarlegum
slaka í hagkerfinu, lækkun olíuverðs
og flugfargjalda sem og væntingum
um engar eða neikvæðar verðbreyt-
ingar á húsnæðismarkaði sem vega
þungt á móti.“ – hae / sjá Markaðinn
Hefur ekki selt meiri
gjaldeyri frá hruni
Seðlabankinn seldi gjaldeyri fyrir átta milljarða í síðustu viku. Ekki selt jafn
mikinn gjaldeyri í meira en áratug. Forstöðumaður hjá Júpíter segir ánægju-
legt að verðbólguvæntingar hafi lítið aukist þrátt fyrir mikla gengislækkun.