Fréttablaðið - 18.03.2020, Blaðsíða 48

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg. ehf
DREIFING Póstdreifing ehf.
dreifing@postdreifing.is 550 5000
Bjarna
Karlssonar
BAKÞANKAR
buzzador®
Oft hefur verið sagt að hver sé sjálfum sér næstur og að Guð hjálpi þeim sem
hjálpi sér sjálf. Nú er okkur hins
vegar orðið ljóst að ókunnugt fólk
er jafn nálægt og manns eigin
andardráttur og að Guð getur bara
hjálpað þeim sem hjálpast að.
Kórónaveiran hefur sýnt og
sannað að við erum öll náskyld og
innbyrðis tengd. En samt bitnar
hún ekki eins á öllum. Verst fara
þau sem hafa tæpa heilsu, búa við
atvinnuóöryggi eða rýrt tengsla­
net.
Hversu mörg skyldu þau vera
sem vakna á þessum miðviku­
dagsmorgni eftir dimma nótt til
þess að lifa daginn í heilsu­ eða
fjárhagskvíða eða í aðskilnaði frá
fólki sem þau elska og þrá?
Ég heyrði þá sögu að fimm ára
drengur kom stökkvandi upp í
rúm til foreldra sinna að nóttu því
hann hafði dreymt illa. Pabbi tók
drenginn í fangið, gekk með hann
inn í barnaherbergið, talaði blíð­
lega við hann, lagði hann í rúmið
og mælti loks: Nú skulum við sofa,
Guð og englarnir passa þig. Nei,
sagði þá barnið, ég þarf einhvern
sem hefur skinn!
Ekkert læknar kvíða og ein­
semd betur en mannleg snerting.
Og nú, þegar samkomubann og
sóttkvíar ástand veldur því að
ástrík snerting er ekki í boði fyrir
margt fólk er mikilvægt að fá
hlustun og skilning. Næstbesta
lækningin við kvíða og einsemd er
sú að einhver sé vitni að lífi manns
og sýni samkennd.
Traust okkar til samfélagsins
hefur endurnýjast þessa daga
við að finna fumlaus og einbeitt
viðbrögð almennings og stofnana.
Þetta verður langhlaup og við
þurfum að halda hópinn, skilja
engan eftir … Útlenska fjölskyldan
í stigaganginum, ungi maðurinn
með geðraskanirnar, gamla konan
í næsta húsi: „Góðan daginn,
mér datt í hug að hringja og vita
hvernig þér líður …“
Skinn
siminn.is
Stóraukið úrval
í Sjónvarpi Símans Premium
Út af breyttum samfélagsaðstæðum hefur Síminn aukið
efnisframboð í Sjónvarpi Símans Premium. Nýjar
íslenskar og erlendar þáttaraðir ásamt glás af talsettu
barnaefni. Svona á sjónvarp að vera!
Auðvelt er að ganga frá áskrift í netspjalli á siminn.is.
 
Ótakmarkað gagnamagn
Á meðan á samkomubanni stendur mun Síminn ekki
gjaldfæra viðskiptavini sína fyrir notkun umfram innifalið
gagnamagn. Þetta á við um internettengingar heimila og
farsímaáskriftir innanlands, Krakkakort og Þrennu.

PEPSI MAX
LIME 500 ML

169
KR/STK
338 KR/L