Fréttablaðið - 18.03.2020, Blaðsíða 44

Viðmælendur Frétta-blaðsins búa víða í Evrópu og þurfa nú að laga sig að breytt-um siðum í hverju landi. Öll halda þau
þó ró sinni enda skynsamlegast að
krossa fingur og vona það besta.
Ræktar garðinn sinn
Andri Björn Róbertsson óperu-
söngvari býr í Whitley Bay við norð-
austurströnd Englands ásamt eigin-
konu sinni Ruth og börnum þeirra
tveimur. Hann segir COVID-9 vissu-
lega hafa haft nokkur áhrif á líf sitt.
„Ég var að byrja æfingar við
Óperuhúsið í Amsterdam en nú
hefur okkur verið tilkynnt að það
þurfi að fresta þeim og engin trygg-
ing varðandi sýningar eða laun,“
segir Andri Björn sem hafði reikn-
að með að þessar tekjur myndu
duga fjölskyldunni fram á haust.
„Síðan veit maður ekkert hvern-
ig þetta ástand þróast eða hversu
lengi samfélagið verður í lama-
sessi en við komumst út úr þessu.
Nú er ég kominn heim til mín aftur
og hugsa um börnin og held áfram
undirbúningi fyrir næstu verkefni,
sem ég veit ekki hvort verður af,
og rækta garðinn minn. En ég er
ungur og hraustur, og hef því meiri
áhyggjur af þeim sem eldri eru og
þeim sem eru með undirliggjandi
sjúkdóma.“
Æðruleysi og öflugt fjarnám
Listneminn Alma Dögg Fanneyjar-
dóttir tekur á móti okkur á næsta
viðkomustað, þeirri dásamlegu
borg Barcelona á Spáni. „Skólanum
hefur verið lokað en kennararnir
eru mjög almennilegir. Þau eru
til staðar ef við höfum einhverjar
spurningar eða áhyggjur og eru
bara að hvetja okkur til að halda
áfram að vinna í listinni okkar,“
segir Alma Dögg.
„Við tölum við kennarana á
hverjum degi því þau verða að vera
viss um að allt sé í lagi hjá okkur.
Nokkrir bekkjarfélagar mínir eru
farnir aftur til heimalanda sinna
og skólinn er með öflugt fjarnám á
netinu.
Ein stelpa í skólanum mínum er
búin að skipuleggja dagskrá fyrir 21
dag þar sem við fáum verkefni fyrir
daginn eins og til dæmis að hug-
leiða. Ég átti að byrja í nýrri vinnu á
í dag en því var frestað,“ heldur hún
áfram.
„Allt er lokað nema apótek og
búðir og þau hleypa inn í hollum
og löggan hefur verið að senda
fólk heim ef það er ekki með gilda
ástæðu til að vera úti.
Ég hef reynt að nýta tímann sem
mest og bara dunda mér. Við her-
bergisfélagarnir höfum verið að
elda saman og ég reyni að mála
og bara halda mér upptekinni.
Klukkan 20.00 fara allir út á svalir
og klappa fyrir fólkinu sem starfar
í heilbrigðiskerfinu.“
Dauft yfir djamminu
Í Berlín hittum við fyrir Andreu
Björk Andrésdóttur, hreyfimynda-
hönnuð og grínista, þar sem hún
býr ásamt kærasta sínum Jóni
Eðvald. „Hérna í Berlín undu ráð-
stafanir tiltölulega hratt upp á sig,
það eru kannski helstu viðbrigðin.
Í miðri síðustu viku vissi fólk ekki
hversu hart yrði tekið á þessu og
núna hafa landamæri, skólar og
Berghain lokað,“ segir hún sem sjálf-
sagt segir sitt að jafnvel hinn rómaði
næturklúbbur hafi skellt lás.
Andrea bætir við að á næstu
dögum verði síðan öllum versl-
unum sem ekki gegni mikilvægu
hlutverki lokað. „Sem sagt allt nema
matvöruverslanir og apótek skilst
mér.
Brjálað í Bauhaus
Það var víst kraðak í Bauhaus í gær.
Allir að kaupa sér dót til að föndra
og dytta að heimilinu næsta mán-
uðinn. Á fimmtudag í síðustu viku
var tekin ákvörðun um að loka
Comedy Café Berlin, leikhúsinu
sem ég sýni í um hverja helgi, og
það hefur haft svolítil áhrif á mitt
daglega munstur.
Ég er „freelance art director“
þannig að ég get auðveldlega unnið
að heiman. Ég er einmitt að vinna
að hönnun fyrir The Berlin School
of Public Health, sem passar ágæt-
lega við ástandið. Þetta er samt að
koma hart niður á öllum mínum
vinum í skapandi greinum hérna,“
segir hún og þá sérstaklega sviðs-
listafólkinu; grínistum, tónlistar-
mönnum og fleirum.
Andrea segist verða vör við alla
hugsanlega möguleika á viðbrögð-
um og undirbúningi við faraldr-
inum. „Brauð og klósettpappír eru
oft uppseld og annað þannig dót.
Hins vegar voru 18 gráður og sól
í gær og ég sá fullt af fólki sem var
úti að njóta, spila fótbolta og ég veit
ekki hvað og hvað. Þannig að það
eru augljóslega ekki allir að taka
þessu alvarlega. En þetta breytist
örugglega á næstu dögum. Ég og Jón
Eðvald höldum okkur allavega mest
inni nema það sé brýn nauðsyn að
sækja eitthvað,“ segir hún og bætir
við að:
„Fólk er að reyna að finna sér leið-
ir til að vera ekki einmana þótt það
sé að einangra sig. Það er til dæmis
búið að bjóða mér í Dungeons &
Dragons Skype- hóp, fólk er svolítið
að spila borðspil saman á netinu
með Tabletop Simulator. Annars
ætla ég bara að reyna að lesa, mála,
gera jóga og díla við skattafram-
talið. Hluti sem sitja venjulega á
hakanum í amstri dagsins.“
Skólinn í iPaddinum
Í Noregi býr Jóhannes Kjartans-
son ljósmyndari ásamt Hildi Her-
mannsdóttur og dætrum þeirra
tveimur. „Í Ósló var öllum skólum
lokað á föstudaginn. Hildur vinnur
sem aðstoðarkennari í 1. bekk í
Steinerskólanum og er því heima
með Mayu og Nínu, dætrum okkar.
Maya hefur notað iPad frá skól-
anum í vetur og er því undirbúin
fyrir fjarnám sem kennarinn fylgir
vel eftir. Hildur mætir örfáa daga til
að passa börn fólks í samfélagslega
mikilvægum störfum en fær annars
greitt fyrir tapaða daga frá ríkinu,“
segir Jóhannes.
Handspritt og hanskar
„Ég starfa sem fasteignaljósmynd-
ari og er því venjulega inni á 4-5
heimilum daglega. Ég þarf að fylgja
ströngum reglum: Nota handspritt
og hanska og engin handabönd. Og
ég verð að spyrja hvort húsið sé í
sóttkví og ef svo er þá á ég að hlaupa
öfugur út aftur.
Verkefnafjöldinn hefur minnkað
talsvert en margir kjósa að skilja
eftir lykil að íbúðinni frekar en að
hitta mann í eigin persónu, sem
hentar mér ágætlega því þá get ég
hlustað á eigin tónlist.
Við reynum að hafa plan fyrir
stelpurnar á virkum dögum og fara
Daglegt líf á tímum kórónaveirunnar
COVID-19 fór umhverfis jörðina á allt of fáum dögum með ógn, skelfingu og í verstu tilfellum með lífsháska í
eftirdragi. Lífið verður þó að halda áfram og Fréttablaðið hleraði nokkra Íslendinga sem nú takast á við ógnina.
Tilveran tekur á sig ýmsar undarlegar myndir í skugga COVID-19 þannig að nú kippir fólk sér varla lengur upp við að mæta heilbrigðisstarfsfólki í geimbúningi á förnum vegi. FRÉTTABLAÐIÐ/ANTON
Andri Björn
Róbertsson.
Alma Dögg
Fanneyjardóttir.
Andrea Björk
Andrésdóttir.
Jóhannes
Kjartansson.
1 8 . M A R S 2 0 2 0 M I Ð V I K U D A G U R20 L Í F I Ð ∙ F R É T T A B L A Ð I Ð
LÍFIÐ