Bændablaðið - 14.12.2017, Síða 27

27Bændablaðið | Fimmtudagur 14. desember 2017
Mýs geta nagað sig inn í hold
á lifandi fé
Eflaust þykir einhverjum músaveiðar
af þessum toga vera „ómannúðlegar“
og jafnvel dæmi um dýraníð. Indriði
segir þó að fyrir fjárbændur sé
músafár ekkert grín og þetta snúist
ekki síður um að verja kindurnar frá
því að vera hreinlega étnar lifandi og
forða þeim frá þeim vítiskvölum sem
því hljóti að fylgja.
Mýs átu drjúgan hluta úr
hryggvöðva á lifandi á
„Góðæri, eins og nú hefur verið í
veðurfarinu, geta komið í bakið á
manni og þá þarf að bregðast við
því með einhverjum hætti. Ég man
eftir því á árum áður þegar hér voru
torfhús og féð lá við torfveggina.
Þá gengu mýsnar út á ærnar í
húsunum og lögðust á þær. Ég man
sérstaklega eftir einni á sem var illa
leikin eftir mýs. Það var búið að éta
hryggvöðvann á henni lifandi, allan
öðrum megin hryggsúlu, þar var bara
gapandi tóm.
Ætli ég hafi ekki verið tíu eða tólf
ára þegar einn morgun var verið að
hleypa fénu út úr húsi hér rétt ofan við
íbúðarhúsið og hét Hólhús. Afi minn
var þar að hleypa út fénu, en hann
var fatlaður og með staurfót. Það var
fínasta veður og snjóföl yfir öllu.
Við stöndum þarna báðir og horfum
á kindurnar renna út, þá sjáum við
allt í einu mýs koma upp úr ullinni
á hvítri á sem var rétt komin út. Afi,
sem var mikill rósemdarmaður, rak
upp þetta litla öskur og æddi af stað
á sínum staurfót með stafinn sinn á
lofti og ætlaði heldur betur að vega
að þessari mús. Pabbi var þá líka
kominn á vettvang með fé sem fara
átti í þennan sameiginlega rekstur.
Hann var frár á fæti en músin hljóp
eins og hún ætti lífið að leysa, sem
hún eðlilega átti, en pabba tókst samt
að ná henni og traðka hana til bana.
Það var greinilegt að þeim þótti þessi
verknaður mjög mikil nauðsyn, því
þegar mýs komast á bragðið við að
leggjast á fé halda þær því áfram.
Það er rétt eins og dýrbítur sem
kemst í að drepa lömb. Þessari á var
fargað haustið eftir og þá kom í ljós
að hryggvöðvinn öðrum megin var
alveg burt étinn.“
Indriði segist ekki hafa lent í slíku
í haust, en mýsnar sæktu eðlilega inn
í hús ef þær gætu þegar frysti og það
tæki að snjóa. Hann segist ekki vilja
hugsa það til enda hvað hefði getað
gerst ef þessar 1.400 mýs hefðu farið
í fjárhúsin. Hann segir því að það
verði bara með illu eða góðu að vinda
ofan af þessum ófögnuði.
Það er bara brýn nauðsyn, því
mýsnar eru til alls vísar. Þetta er
ekkert grín og það er vissara að menn
vakni til vitundar um vandann í tæka
tíð,“ segir Indriði bóndi á Skjaldfönn.
/HKr.
– Steinsagir, kjarnaborvélar, gólf- og vegsagir
MHG Verslun ehf | Akralind 4 | 201 Kópavogi | Sími 544-4656 | www.mhg.is
ALLT FYRIR ATVINNUMANNINN
HUSQVARNA
FS 400 LV
Sögunardýpt 16,5 sm
HUSQVARNA
K 760
Sögunardýpt 12,5 sm
HUSQVARNA
K 2500
Sögunardýpt 14,5 sm
HUSQVARNA
DM 230
HUSQVARNA
K 3600 MK II
Sögunardýpt 27 sm
HUSQVARNA
Steinsagarblöð
og kjarnaborar
Glerártorgi - Kringlunni - Smáratorgi - www.lindesign.is
Mýkt, hlýja og vellíðan
fyrir alla fjölskylduna
Nýjar
Jólavörur
· Ledlýsing sem endist og eyðir litlu rafmagni
· Hægt að fá í lituðu áli eða ryðfríu stáli
· Verið velkomin á facebooksíðu okkar: Led húsnúmer
· Best að panta í gegnum facebook
· Led húsnúmer S. 789 3010
Led húsnúmer
Jólagjöf hússins · sérsmíðum númer á öll hús
Bændablaðið
Smáauglýsingar 56-30-300