Bændablaðið - 14.12.2017, Blaðsíða 32

32 Bændablaðið | Fimmtudagur 14. desember 2017
„Það er mikill annatími framundan
hjá okkur og jólatrjásala til heimila
í fullum gangi,“ segir Ingólfur
Jóhannsson, framkvæmdastjóri
Skógræktarfélags Eyfirðinga.
Félagið býður fólki að koma í
Laugalandsskóg á Þelamörk og
höggva sín eigin jólatré tvær
næstu helgar og er oft mikill
handagangur í öskjunni og
stemningin skemmtileg þegar
fjölskyldur leita að því tré sem
best hentar og njóta um leið
útiveru í skóginum.
Stjórnarmenn í félaginu standa
vaktina í jólatrjásölunni og bjóða
gestum sínum upp á ketilkaffi, kakó
og piparkökur auk þess að ræða
landsins gagn og nauðsynjar.
„Þessi viðburður er okkur
mikilvægur til að eiga samskipti við
fólkið sem notar skógana okkar sér
til yndis og ánægju, en við leggjum
mikla áherslu á að bæta aðgengi að
þeim og útivistarmöguleika ,“ segir
Ingólfur, en nýverið var gert átak í
að bæta göngustíga, merkingar og
bílastæði í Laugalandsskógi.
Samkeppni við innflutt dönsk
jólatré og plasttré frá Kína
Tekjur af sölu jólatrjáa eru félaginu
mikilvægar til að vinna að vexti
og viðhaldi skóganna auk þess að
bjóða upp á þjónustu í þeim svo
sem eins og að troða brautir fyrir
göngu- og skíðafólk. „Við eigum
í mikilli samkeppni við innflutt
jólatré frá Danmörku og plasttré
sem gjarnan eru ættuð frá Kína, en
ég hef góða tilfinningu fyrir því að
ef við leggjum okkur fram um að
bjóða góða vöru á sanngjörnu verði
gætum við bætt okkar hlut. Að auki
bjóðum við okkar viðskiptavinum
upp á jákvæða ímynd og upplifun
í kaupbæti. Salan hjá okkur hefur
hægt en örugglega farið upp á við
með hverju árinu og við stefnum að
því að halda þeirri þróun, m.a. með
aukinni þjónustu við viðskiptavini
og bættum gæði trjánna.“
Ingólfur segir að reynt sé að sinna
jólaskógum félagsins af kostgæfni,
á hverju ári er stafafuru plantað,
rauðgreni og fjallaþin. „Mest seljum
við af stafafuru, mikið af henni eru
sjálfsáin tré þannig að sumir okkar
reitir eru sjálfbærir um endurnýjun,“
segir hann. Rauðgreni á sinn trygga
kúnnahóp og reynir skógræktarfólk
að meðhöndla þau á þann hátt að
barrheldni sé tryggð, einkum felst
það í að velja þróttleg tré til höggs og
höggva þau eins seint og kostur er.
Feta í fótspor norska frændans
„Við hófum að rækta fjallaþin í
einhverjum mæli fyrir nokkrum
árum og vonumst til að fá hann í sölu
á komandi árum, en þar fetum við
í fótspor frænda okkar Norðmanna
sem náð hafa góðum árangri í ræktun
og markaðssetningu hans,“ segir
Ingólfur. Tvö kvæmi af fjallaþin hafa
einkum verið notuð, „apache“ sem
hefur bláleitan blæ og „arapaho“
sem er fagurgrænt. – „Vonandi
verður þetta góð viðbót við furuna
og rauðgrenið sem við bjóðum nú
upp á.“ Dr. Brynjar Skúlason, sem
starfar hjá Skógræktinni, hefur
safnað saman úrvalstrjám af þessum
kvæmum og hefur fræreitur verið
settur upp sem vonast er til að gefi
úrvalsfræ innan fárra ára.
„Kynbótastarf er ekki síður
mikilvægt í skógrækt en í öðrum
búgreinum,“ segir Ingólfur. /MÞÞ
SKÓGRÆKT&LANDGRÆÐSLA
Jólatrjásala í fullum gangi hjá Skógræktarfélagi Eyfirðinga:
Kynbótastarf er ekki síður mikilvægt
í skógrækt en öðrum búgreinum
Undanfarnar vikur hefur
Skógræktarfélagið einkum
sinnt fyrirtækjum sem vilja
koma jólabrag á sitt umhverfi,
sinnt sölu torgtrjáa sem eru allt
að 10 metra há og þá hefur sala
á aðventutrjám stóraukist hin
síðari ár.
Aðventutrén eru allt að
þriggja metra há, sett í kassa sem
smíðaðir eru úr eyfirsku lerki og
ætlaðir til að standa fyrir utan
fyrirtæki og heimili á aðventunni.
Trjánum er ekið til viðskiptavina
á Eyjafjarðarsvæðinu og þau
sótt aftur á nýju ári, þau eru
endurunnin og kassarnir nýttir til
annarra verkefna fram að næstu
jólum. Trén er hægt að fá með
ljósaseríum og segir Ingólfur að
heilmikil aukning hafi orðið í
umsetningu á þessari vöru, þannig
hafi nokkur slík verið send suður
yfir heiðar á höfuðborgarsvæðið.
„Með þessu erum við að skapa
virðisaukningu á hverju tré sem
við seljum en við leitum allra
leiða til þess. Hjá okkur starfar
hagleiksmaður sem gjarnan
nýtir neðsta hlutann af trjástofni
jólatrjánna, sker út handverk sem
endar á jólamarkaði. Fullvinnsla
sjávarafurða er hugtak sem við
höfum oft heyrt en er okkur
kannske síður tamt þegar fjallað
er um skógrækt en á
þó jafn vel við þar og
annars staðar.“
Virðisaukning á hverju tré
Sigurður Arnarson að setja jólaljós í aðventutré við verslun á Akureyri.
Neðsti hluti af trjástofni jólatrjánna er nýttur, hagleiksmaður sker út
handverk sem endar á jólamarkaði.
Næstu tvær helgar gefst fólki kostur á að koma í Laugalandsskóg á Þelamörk
og velja jólatré fyrir fjölskylduna. Þá er oft mikill handagangur í öskjunni og
stemningin skemmtileg.
Verður fjallaþinur „apache” framtíðar -
jólatré Íslendinga?
Sjálfsáin stafafura með húfu.
Skógræktarfélag Skagastrandar:
Lítið sem ekkert viðhald á girðingu
Skógræktarfélags Skagastrandar
hefur lýst yfir áhyggjum sínum
af litlu sem engu viðhaldi
skógræktar g irð ingar í
Spákonufelli.
Bendir félagið á að þær
þúsundir trjáplantna sem hafa verið
gróðursettar innan girðingarinnar
þoli illa ágang búfjár. Því er beint
til sveitarfélagsins að láta gera við
girðinguna sem allra fyrst.
Sveitarstjóri upplýsti á fundi
sveitarstjórnar á dögunum að
verktaki sem fenginn var til verksins
í sumar hafi sökum mikilla verkefna
ekki getað sinnt verkinu, en samið
hafi verið við hann að ganga í verkið
strax næsta vor. /MÞÞ
Umhverfisstofnun:
Undirbúa gerð verndaráætlunar fyrir Kattarauga
Umhverfisstofnun hefur hafið
undirbúning að gerð stjórnunar- og
verndaráætlunar fyrir náttúruvættið
Kattarauga við Kornsá í Vatnsdal.
Henni er ætlað að fjalla um
markmið með verndun svæðisins
og hvernig stefnt skuli að því að
viðhalda verndargildi þess. Við gerð
hennar er lögð mikil áhersla á samráð
og samstarf við hagsmunaaðila.
Umhverfisstofnun hefur m.a. óskað
eftir því að Húnavatnshreppur
tilnefni fulltrúa í samstarfshóp um
gerð áætlunarinnar að því er fram
kemur á vefnum huni.is.
Kattarauga var friðlýst sem
náttúruvætti árið 1975. Tjörnin
Kattarauga er alldjúpur pyttur sem
í eru tveir fljótandi hólmar sem
reka undan vindi. Mikið og stöðugt
rennsli er í gegnum tjörnina. Í botni
tjarnarinnar er lindarauga sem glittir
á þegar logn er og bjartur dagur. Af
lindarauganu dregur tjörnin nafn sitt.
Gróður á svæðinu er dæmigerður
íslenskur mýrargróður.
Umhverfisstofnun hefur umsjón
með ríflega 100 friðlýstum svæðum
á Íslandi. Samkvæmt lögum um
náttúruvernd er eitt af hlutverkum
stofnunarinnar að annast gerð
stjórnunar- og verndaráætlana fyrir
friðlýst svæði. /MÞÞ