Bændablaðið - 14.12.2017, Qupperneq 49

49Bændablaðið | Fimmtudagur 14. desember 2017
Leikfangasafnið var opnað
formlega á Íslenska safnadeginum,
11. júlí árið 2010, en árið á undan
hafði Góðtemplarareglan gefið
Akureyrarbæ húsið. Bærinn
auglýsti eftir hugmyndum og
áhugasömum rekstraraðilum, en
Guðbjörg kynnti þá hugmynd sína
að Leikfangasafninu og fékk húsið
samkvæmt samningi til afnota
undir þá starfsemi. Samningurinn
var endurnýjaður í sumar og
með aðstoð Akureyrarstofu er
starfsemi Leikfangasafnsins í
Friðbjarnarhúsi því tryggð næstu
árin.
Gömul leikföng vekja
æskuminningar
Leikfangasafnið er opið yfir
sumarmánuðina, frá því í byrjun
júní og til loka ágúst. Að jafnaði
sækja það um 2.000 gestir á þeim
tíma. Yfir vetrartímann er Guðbjörg
fús að hleypa fólki inn á safnið,
hvort heldur eru hópar í hinum
ýmsu ferðum eða einstaklingar.
Hún starfar sem myndlistarmaður
og nýtir vetrartímann til að sinna
því starfi, „en ég er alltaf til í að
þurrka af penslinum og sýna safnið
þegar menn hafa áhuga fyrir að
skoða, það hefur aldrei verið mikið
mál,“ segir hún.
Hún segir flesta þá sem sækja
safnið heim sjálfa eiga góðar
minningar um hin og þessi leikföng
úr eigin æsku. „Það er afskaplega
gaman þegar fólk tekur andköf
þegar það sér ákveðin leikföng
sem vekja bernskuminningar,“
segir hún.
Tekur þátt í listalífi bæjarins
Um þessar mundir er Leikfangasafnið
þátttakandi í tveimur sýningum;
Allir fá þá eitthvað fallegt er
yfirskrift jólasýningar Minjasafnsins
þar sem m.a. er að finna muni af
Leikfangasafninu og sömuleiðis
eru munir þess á jólasýningu
Amtbókasafnsins á Akureyri.
Listasafnið á Akureyri hefur staðið
fyrir viðburði sem nefnist Sköpun
bernskunnar, sem er samsýning
skólabarna og starfandi listamanna
og hefur Guðbjörg tekið þátt í
honum. Nú síðast var þema þess
viðburðar hafið, en næst verður
tekist á við tröll, „þannig að ég
mun örugglega trilla öllum mínum
lukkutröllum á milli húsa í bænum,“
segir hún. /MÞÞ
Leikföng frá Leikfangagerð Akureyrar nutu vinsælda fyrir og um miðja
síðustu öld.
Það er komin matur, bangsi!
Skjaldbökur sem stökkbreyttust og urðu ninjur. Þessi fremsta er ættuð frá
Dalvík og hefur aldrei í sinni tíð gengið í gegnum umbreytingar af neinu tagi.
Guðbjörg með forláta dúkku úr safni sínu. Hún er um 100 ára gömul en ekki er vitað hvaðan hún er. Dúkkan býr
áskotnaðist.
sér leikföngum.
á hverja myndavél.
Hasarhetjan Heman og félagar hans
Reykofnar frá Bradley S·M·O·K·E·R
Nytsamlegar jólagjafir!
Vacuum pökkunarvélar frá ORVED
Landsins mesta úrval af vacuum pokum - 100my
Sjónaukar frá Bushnell
Erum á facebook
Ný ódýr pökkunarvél
Dúkkuvagn og brúða frá árinu
1960.