Bændablaðið - 14.12.2017, Blaðsíða 78

78 Bændablaðið | Fimmtudagur 14. desember 2017
É ÁV LAB SINN
Hjörtur L. Jónsson
liklegur@internet.is
Fyrsti bíllinn sem ég eignaðist 17
ára var Opel Rekord 1966 sem þá
var orðinn 11 ára gamall og afar
þreyttur. Hann var svo þreyttur
að vinna þurfti í honum í einn dag
svo að hægt væri að keyra hann
í tvo daga.
Opel Rekord var einn mest seldi
bíllinn frá Opel og var afar vinsæll
sem fjölskyldubíll á árunum 1966 til
1970. Nú er kominn nýr rúmgóður
og kraftmikill bíll frá Opel sem
er sportlegur fjölskyldubíll með
gott innrými og pláss fyrir mikinn
farangur.
Mikið lagt upp úr öryggi og
þægindum
Opel Insigma er fáanlegur í þrem
mismunandi gerðum, Enjoy 1,5L
bensín-túrbó, Innovation 1,5L
bensín-túrbó og 1,6L dísil-túrbó.
Bíllinn sem ég prófaði var 1,5L
bensín-túrbó bíllinn sem skilar
165 hestöflum (dísilbíllinn er 136
hestöfl).
Öryggisþættirnir eru margir,
s.s. akreinalesari sem les ótrúlega
vel hvítu línurnar í vegköntunum
þrátt fyrir að þær séu ekki alltaf
vel sjáanlegar með berum augum.
Blindhornsvari og hliðarvörn er í
bílnum, fjarlægðarvari í næsta bíl
fyrir framan sem lætur vita hvort
ekið sé of nálægt næsta bíl fyrir
framan (mismunandi fjarlægð sem
miðast út frá hraða hverju sinni).
Þægindi fyrir ökumann og
farþega, frammi í bílnum er hiti
í sætum og upp á bak, en bíllinn
sem prófaður var er með leðursæti
og í svoleiðis bílum finnst mér að
öll sæti ættu að vera upphituð (líka
aftursæti). Einnig er hiti í stýrinu
sem hentar vel í kulda eins og hefur
verið undanfarna daga.
Bakkmyndavél og skiltalesari að
verða staðalbúnaður í bílum
Síðustu 3–5 ár hefur orðið
mikil framför hjá flestum
bílaframleiðendum samanber að
nú eru flestir bílar komnir með
bakkmyndavél, GPS leiðsögukerfi,
blindhornsvara og skiltalesara
sem les umferðarskiltin um
hámarkshraða og lætur vita í
mælaborðið hver hámarkshraðinn
er á hverjum stað. Í sumum bílum
er hægt að stilla hámarkshraðann
í bílnum eftir þessum skiltalesara.
Allur þessi búnaður er í
Opel Insigma og meira til, s.s.
bílastæðaaðstoð (hjálpar til að
leggja í stæði) og sjálfvirk rafstýrð
neyðarhemlun svo eitthvað er nefnt.
Að sitja í ökumannssætinu
getur stundum verið þreytandi, en
í Opel Insigma er hægt að stilla
bílstjórasætið á átta vegu og einnig
að setja fram litla framlengingu fyrir
læri (sem mér finnst mjög gott þegar
ekið er langt).
Eyðsla minni en ég gerði ráð
fyrir
Að keyra bílinn er gott og hávaði að
utan inn í bílinn er með minna móti
sem bendir til þess að bíllinn sé vel
hljóðeinangraður.
Fjöðrun er skemmtileg á malbiki,
stíf og með sportbílaeiginleika. Á
malarvegi var fjöðrunin of stíf þar
sem dekkin gefa nánast ekkert eftir
þegar ekið er í dæmigerðar holur á
malarvegum. Bíllinn sem ég prófaði
var á 18 tommu felgum, en hægt er
að fá hann á 17 tommu felgum með
hærri dekkjum sem gefa betur eftir
á möl, en eru síðri í miklum leik á
malbiki.
Þrátt fyrir að bíllinn væri á
harðkorna vetrardekkjum mældist
hávaðinn inni í bílnum ekki nema
58db. (mæli alltaf eins með db.
mæli á hægra læri á 90 km hraða
á malbiki).
Fyrirfram hafði ég ímyndað
mér að svona stór bíll með svona
kraftmikla vél væri að eyða nálægt
10 lítrum á hundraðið, en að loknum
prufuakstri hafði ég farið 120 km.
Í blönduðum akstri og samkvæmt
aksturstölvunni var mín eyðsla 8,5
lítrar á hundraðið á meðalhraða upp
á 49 km.
Fáir mínusar, en margir plúsar
Eftir aksturinn fór ég yfir alla
þá þætti sem prófaðir voru, en
mér fannst bíllinn frekar hastur á
holóttum malarvegum.
Full lágt var til lofts fyrir farþega
í aftursætum. Voru aðeins örfáir
sentímetrar til lofts frá mínu höfði
þegar ég sat í aftursætinu, en ég er
175 cm.
Varadekkið er það sem ég
kalla aumingi og varla boðlegt
íslensku vegakerfi. Plúsarnir voru
svo fjölmargir að varla er pláss á
prenti fyrir þá alla, en hrifnastur
var ég af hitanum í stýrinu,
fjarlægðarskynjaranum í næsta
bíl á undan, stóru farangursrými,
hljómtækjunum, hljóðeinangrun
frá umhverfishljóðum og
ökumannssætinu.
Verðið á Opel Insigma er frá
4.290.000 og upp í 4.990.000.
OPEL Insigna Innovation. Myndir / HLJ
Blindhornsvari er nú að verða staðalbúnaður í bílum sem vonandi verður
skyldubúnaður.
Dekk með svona lágan prófíl gefa nánast enga fjöðrun á holóttum malarvegum.
Lofthæð fyrir farþega í aftursæti er með minna móti.
Undir plötunni í stóru farangursrýminu er varadekksaumingi sem er þó
Nokkuð sáttur í lok prufuaksturs með eyðsluna.
Grænn bíll fyrir framan segir
fjarlægð í hann vera í lagi.
Gulur bíll, segir að of stutt bil sé í
bílinn fyrir framan.
Hæð 1.455 mm
Breidd 1.941 mm
Lengd 4.897 mm
Helstu mál og upplýsingar