Bændablaðið - 06.04.2017, Síða 27

27Bændablaðið | Fimmtudagur 6. apríl 2017
Bára Eyfjörð Heimisdóttir, gæðastjóri hjá Norðlenska:
Gæði, öryggi og arðsemi í framleiðslu
Norðlenska er kjötvinnslufyr-
irtæki í eigu bænda. Fyrirtækið
rekur tvær kjötvinnslur og þrjú
sláturhús. Slátrað er nautgripum,
svínum og sauðfé hjá Norðlenska
og eingöngu eru unnar afurðir úr
þessum dýrategundum.
Bára Eyfjörð Heimisdóttir,
gæðastjóri hjá Norðlenska, segir
að gæði og öryggi matvælanna sé
forsenda þess að rekstur fyrirtækisins
sé arðbær. „Þessir þættir eru grunn-
stoðir í því að viðskiptavinurinn beri
traust til fyrirtækisins og trúverð-
ugleiki þess haldist út á við.“
Margir ferlar og vörulínur
„Í kjötvinnslufyrirtæki eins og
Norðlenska eru margir ferlar og
vörulínur þar sem hver hlekkur í
keðjunni skiptir miklu máli. Ef eitt-
hvað fer úrskeiðis í ferlinu þá getur
það leitt til þess að óánægður við-
skiptavinur situr uppi með gallaða
vöru sem ekki er sambærileg við þá
vöru sem hann á að venjast.
Góð samskipti, fræðsla og þjálfun
er lykillinn að því að fækka frávikum
í framleiðsluferlum.“
Erfitt að fá Íslendinga í vinnu
„Ég tel að helsta áskorun mat-
vælafyrirtækja eins og Norðlenska
síðustu ár hafi verið að fá íslenska
starfsmenn til vinnu. En það reynist
sífellt erfiðara. Áskoranirnar verða
meiri þegar starfsmannahópurinn
verður fjölþjóðlegur og samskiptin
verða erfiðari vegna tungumálaörð-
ugleika. Einnig minnir það okkur á
mikilvægi iðnnáms. Það að halda
við og endurnýja í hópi kjötiðnaðar-
manna er afar mikilvægt til þess að
þekking og færni viðhaldist í fyrir-
tæki eins og Norðlenska.“
Upphafið hjá bóndanum
Bára segir að upphafið, eða upp-
eldið, hjá bóndanum sé einnig afar
mikilvægur hlekkur þegar kemur að
lokaútkomu hvað varðar gæði mat-
vælanna.
„Íslendingar eru mjög lánsam-
ir og hafa haft aðgang að góðri og
heilnæmri vöru þegar kemur að
kjöti. En það breytir ekki því að við
getum alltaf gert betur. Á það bæði
við þegar kemur að kjötgæðum og
heilnæmi afurðanna. Við þurfum að
vera samkeppnishæf við innflutt kjöt
hvað varðar alla þætti.
Hvað varðar heilnæmi afurðanna
þá erum við í algjörum sérflokki
ásamt Noregi og snýr það meðal
annars að notkun sýklalyfja í mat-
vælaframleiðslu. Sú sérstaða sem við
höfum er eitthvað sem við fáum ekki
keypt og við megum ekki tapa eða
glata. Það er einnig áskorun að upp-
lýsa neytandann hvers vegna þetta er
svo mikilvægt.
Þar sem sýklalyfjaónæmi er eitt-
hvað sem kannski er ekki svo áþreif-
anlegt fyrr en viðkomandi lendir í því
þá vill þessi þáttur oft verða undir í
umræðunni.
En þrátt fyrir að við séum góð
þarna þá má alltaf gera betur og ég
held að nú síðustu ár hafi bændur og
dýralæknar unnið enn markvissara
að því að minnka notkun sýklalyfja.
Skilningur meðal bænda varðandi
aðhaldssemi í lyfjaávísunum dýra-
lækna er sífellt að aukast.“
Gæðavottun til að gera betur
„Síðastliðið haust fékk Norðlenska
gæðavottun ISO/FSSC 22000 sem
er matvælaöryggisstaðall. En það er
liður í því að gera enn betur í öllu
matvælaferlinu. Slíkur staðall stuðlar
að meira aðhaldi og agaðri vinnu-
brögðum. Nokkuð sem allir hafa gott
af að fara í gegnum.
Þekking og færni í matvælafyr-
irtæki eins og Norðlenska fæst með
því að hlúa að og tryggja endurnýj-
un í greininni. Þar er mikilvægi iðn-
námsins mikið auk þess að við náum
að eiga góð samskipti við þá erlendu
starfsmenn sem sækja til okkar,“
segir Bára Eyfjörð Heimisdóttir,
gæðastjóri hjá Norðlenska. /VH
Höfðabakka 9, 110 Reykjavík, sími 525 8210
eddaehf@eddaehf.is • www.eddaehf.is
EDDA
HEILDVERSLUN
Stofnsett 1932
Allt lín fyrir:
Hótelið - Gistiheimilið - Bændagistinguna - Airbnb
Rúmföt og lök
Handklæði
Sængur og koddar
Sloppar og inniskór
Bára Eyfjörð Heimisdóttir, gæðastjóri
hjá Norðlenska.
Góð samskipti, fræðsla og þjálfun er lykillinn að því að fækka frávikum í framleiðsluferlum. Mynd / Norðlenska
getur verið eftir miklum fjárhagsleg-
um ávinningi að slægjast fyrir bónd-
ann en ráðgjöfin felst í því að tekin
eru sýni úr fóðurbirgðum búsins,
heyforða, og þau greind með tilliti til
næringarefnainnihalds. Í kjölfarið er
gerð áætlun um notkun á kjarnfóðri,
val á tegund og magni, með það að
markmiði að auka verðmæti, fitu og
prótein og magn mjólkurinnar á sem
hagkvæmastan hátt.“
Nýsköpunarráðgjöf
Vignir segir að ráðunautar sinni
rekstrarráðgjöf og áætlanagerð,
nýsköpunarráðgjöf auk ráðgjafar á
sviði bútækni og aðbúnaðar búfjár.
„Hjá RML geta bændur fengið
heildstæða ráðgjöf um reksturinn.
Markmið starfsins er að greina og
meta stöðu núverandi reksturs við-
komandi rekstraraðila og benda á
styrkleika og veikleika í rekstri og
jafnframt að veita heildstæða ráðgjöf
til að ná enn betri árangri í núverandi
rekstri. Á sama hátt er markmiðið að
benda á nýja möguleika ef vilji er til
þess að takast á við nýja atvinnustarf-
semi eða þróa aðra atvinnustarfsemi
samhliða þeim rekstri sem fyrir er
á viðkomandi lögbýli. Vaxandi
áhersla er á ráðgjöf tengda bútækni
og aðbúnaði enda kröfur sífellt að
aukast um velferð dýra.“
Kaflaskil í fjármögnun
Frá og með síðustu áramótum urðu
kaflaskil í fjármögnun starfsemi
RML. Bændur höfðu til þess tíma
greitt búnaðargjald og rann hluti þess
til reksturs RML. Nú hefur búnað-
argjald verði aflagt en tekjur af því
voru um þriðjungur heildartekna
RML.
„Í Rammasamningi BÍ og ríkisins
eru markaðir fjármunir til að koma
til móts við þann hluta búnaðargjalds
sem áður rann til leiðbeiningaþjón-
ustu. Það framlag mun hins vegar
lækka jafnt og þétt út samningstím-
ann þar til það núllast út á tíu árum.
Um þriðjungur af heildartekjum
félagsins mun þar með falla út á
þessu tímabili en því þarf þá að mæta
með auknum sértekjum eigi félagið
að halda úti sambærilegu umfangi.
Það er því mikil áskorun fyrir okkur
sem störfum hjá Ráðgjafarmiðstöð
landbúnaðarins að bjóða upp á þjón-
ustu og ráðgjöf sem er í senn áhuga-
verð og árangursrík og sem bændur
sjá sér hag í að nýta sér. Við þurfum
og munum á næstu misserum leggja
enn meiri áherslu á að kynna það
mikla og faglega starf sem unnið er
hjá RML og vonum að það mælist
vel fyrir hjá okkar viðskiptavinum,“
segir Vignir Sigurðsson, fram-
kvæmdastjóri RML. /VH