Bændablaðið - 13.12.2018, Page 28

Bændablaðið | Fimmtudagur 13. desember 201828
LÍF&STARF
Vor í Pétursborg
sp
ör
e
hf
.
Vor 2
Pétursborg er án efa miðstöð menningar og lista og hafa
bókmenntir, tónlist og leiklist þaðan mikla þýðingu um
heim allan. Við skoðum m.a. virki heilags Péturs og Páls,
dómkirkju heilags Ísaks og Vetrarhöllina. Hér er því margt
sem gleður augað og margir hápunktar!
3. - 8. apríl
Fararstjóri: Pétur Óli Pétursson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 174.700 kr. á mann í tvíbýli.
Mjög mikið innifalið!
Rekaviður á Langanesi. Mynd / VH.
Ríkisstjórnin samþykkir fimm megintillögur:
Efling byggðar við Bakkaflóa
Ríkisstjórnin hefur samþykkt
tillögur samgöngu- og sveitar-
stjórn ar áðherra um eflingu
byggðar við Bakkaflóa. Til-
lögurnar voru settar fram í
skýrslu nefndar sem ráðherra
skipaði til að fjalla um málefni
byggðarinnar. Í nefndinni sátu
fulltrúar fimm ráðuneyta.
Í skýrslunni er lagt til að
aflaheimildir til ráðstöfunar í
Bakkafirði verði auknar, vegagerð
um Brekknaheiði flýtt, byggðin
tekin inn í verkefnið Brothættar
byggðir, samfélagssáttmáli
gerður milli íbúa, sveitarstjórnar
og ríkis og loks að starfsstöð í
náttúrurannsóknum verði sett á fót
í Bakkafirði.
Nefndin leggur til að ríkið verji
allt að 40 milljónum króna á ári í
fimm ár til undirbúnings verkefna
á Bakkaflóasvæðinu. Fjármunum
verður varið til að styðja við ýmis
uppbyggingarverkefni í tengslum
við tillögur nefndarinnar.
Kostnaður vegna aflaheimilda
og vegagerðar eru utan þessa
kostnaðar. Fimm megintillögur
eru lagðar fram í skýrslu
nefndarinnar.
Auknar aflaheimildir
Lagt er til að 150 þorskígildistonnum
verði að lágmarki bætt við
aflaheimildir til ráðstöfunar í
Bakkafirði og óskað eftir samstarfi
um nýtingu þeirra. Jafnframt
verði kannað hvort ná megi fram
jákvæðari áhrifum á samfélagið
með því að slá af kröfum um
vinnsluskyldu á Bakkafirði fyrir
þessar viðbótarheimildir, að minnsta
kosti tímabundið.
Bundið slitlag á Langanesströnd
Tekið er undir áform Vegagerðarinnar
og eindregið lagt til að lagning
bundins slitlags á Langanesströnd
hefjist á árinu 2019 og að verkinu
ljúki eigi síðar en 2021. Í beinu
framhaldi verði hafist handa við
vegagerð um Brekknaheiði sem er
á samgönguáætlun.
Brothættar byggðir
Lagt er til að byggðin við Bakkaflóa
verði tekin inn í verkefnið Brothættar
byggðir og verkefnisstjóri ráðinn til
að stýra verkefninu. Nefndin leggur
til að verkefnisstjóri verði í fullu
starfi og hafi búsetu á Bakkafirði
ef kostur er.
Samfélagssáttmáli um þjónustu
og umhverfismál
Nefndin leggur til að gerður
verði samfélagssáttmáli á milli
sveitarstjórnar, íbúasamtaka og
ríkis. Þar verði meðal annars lýst
yfir vilja til að snúa við neikvæðri
byggðaþróun og settar fram
skuldbindingar hvers aðila fyrir
sig. Í umræddum samfélagssáttmála
mætti taka á ýmsum málum, svo sem
átaki í að efla nærþjónustu og átaki
í umhverfismálum.
Starfsstöð í náttúrurannsóknum
Loks er lagt til að skoðað
verði að koma á fót starfsstöð í
náttúrurannsóknum á Bakkafirði
sem hefði það hlutverk að rannsaka
lífríki Bakkaflóa, þar með talið
lífríki Finnafjarðar og nágrennis.
Um væri að ræða útibú frá
annaðhvort Náttúrufræðistofnun
Íslands eða Náttúrustofu
Norðausturlands. /VH
Stóra-Grábrók rís fagurformuð fast við þjóðveginn hægra megin á myndinni.
settur var upp í nóvember í fyrra. Mynd / HKr.
Ríflega 75 þúsund manns
á Grábrók á einu ári
Grábrók i Borgarfirði er
vinsæll viðkomu staður. Ár er
frá því teljari var settur þar
upp en á þeim tíma sem liðinn
er hafa ríflega 75 þúsund manns
gengið á Grábrók samkvæmt
teljaranum. Þetta kemur fram á
vef Umhverfis stofnunar.
Þar má finna ýmsar upplýsingar
um náttúrufyrirbærið, m.a. að
Grábrókargígar hafi fyrst verið
friðlýstir sem náttúruvætti árið
1962 en friðlýsingunni hafi verið
breytt árið 1975. Gígarnir séu alls
þrír. Litla-Grábrók hafi horfið að
mestu við framkvæmdir en Stóra-
Grábrók rísi fagurformuð fast
við þjóðveginn. Þriðji gígurinn
er vestar og heitir Grábrókarfell.
Gígarnir tilheyra eldstöðvakerfi
sem teygir sig langt vestur á
Snæfellsnes. Hraun úr gígunum
þekur stóran hluta Norðurárdals.
Gangandi fólki er heimil för um hið
friðlýsta svæði, enda sé merktum
slóðum fylgt og snyrtimennsku
gætt í hvívetna.
Göngustígurinn upp Grábrók
er með manngerðum þrepum. Jón
Björnsson hjá Umhverfisstofnun
segir að aldrei áður hafi talning með
rafrænum hætti verið framkvæmd
við Grábrók. Greinilega sé mikil
umferð á svæðinu en niðurstaðan
sé í takt við hans tilfinningu áður
en mælingin fór fram. /MÞÞ
Samtök sunnlenskra sveitarfélaga:
Vilja sjúkraþyrlu
á Suðurland
Stjórn Samtaka sunnlenskra
sveitarfélaga áréttaði á fundi
sínum fyrir skömmu nauðsyn
þess að sem fyrst verði farið í
tilraunaverkefni þar sem þyrlur
verði notaðar í sjúkraflug.
Stjórnin vill að slík þyrla verði
staðsett á Suðurlandi en þá er verið
að tala um sjúkraþyrlu sem yrði
rekin í samvinnu við sjúkraflutninga
Heilbrigðisstofnunar Suðurlands
á landi. Þyrlan yrði með stuttum
útkallstíma og sérhæfðum mannskap
eins og lækni og hjúkrunarfræðingi.
Áætlaður kostnaður er á bilinu
500 til 880 milljónir króna á ári
eftir því hvaða þyrla yrði valin til
verkefnisins og hvort einn eða tveir
flugmenn yrðu í áhöfn. /MHH
Lambadagatalið 2019:
Breiðir út fegurð íslensku
sauðkindarinnar
Lambadagatalið fyrir árið 2019
er komið út, í fimmta sinn. Það
prýðir að venju stórar og fallegar
andlitsmyndir af nýlega fæddum
lömbum í sínu náttúrulega
umhverfi. Myndirnar fanga
fegurð þeirra, persónuleika og
þá einstöku dásemd sem fólgin
er í nýju lífi.
Dagatalið er í A4 stærð (hæð
297 mm og breidd 210 mm) þar
sem hver mánuður er á einni
blaðsíðu. Það er gormað með
upphengju og því auðvelt að hengja
það upp þar sem hentar. Á það eru
merktir allir hefðbundnir helgi- og
frídagar, einnig eru merkingar fyrir
fánadaga, komu jólasveinanna,
gömlu mánaðaheitin og ýmsa
aðra daga er tengjast sögu lands
og þjóðar. Dagatalið er því ekki
eingöngu fallegt heldur inniheldur
líka þjóðlegan fróðleik og er því
tilvalið til gjafa, ekki hvað síst
jólagjafa. Fallegar myndirnar og
þjóðlegur fróðleikurinn veitir
dagatalinu líftíma umfram það ár
sem venjan er með dagatöl.
Ragnar Þorsteinsson sauðfjár-
bóndi, ljósmyndari, ásamt ýmsu
öðru tilfallandi hefur veg og vanda
að útgáfu lambadagatalsins, en
flestar myndanna eru teknar á búi
hans, Sýrnesi í Aðaldal í Suður-
Þingeyjarsýslu. Lambadagatölin
hafa hlotið góðar viðtökur.
Útgáfan hefur verið fjármögnuð
á Karolina Fund þar sem þau eru
keypt í forsölu. Megintilgangur
útgáfunnar er þó að sögn Ragnars
sá að breiða út sem víðast
fegurð og fjölbreytni íslensku
sauðkindarinnar. /MÞÞ