Bændablaðið - 13.12.2018, Qupperneq 80

Bændablaðið | Fimmtudagur 13. desember 201880
LÍF&LYST – BÆRINN OKKAR
Egilsstaðakot hefur verið í eigu
fjölskyldunnar síðan 1928. Á
bænum eru 11 ára fjárhús/hesthús,
2 ára nautgripahús (kallað
Steikhúsið), fjós byggt 1974, með
endurbótum 2002 með mjaltabás
2x5, og hesthús endurbyggt 2012.
Þorsteinn Logi hefur verið með
kindurnar síðan 2007 og tók ásamt
Cathy við kúnum 1. júlí 2017.
Sameiginlega er stunduð hrossarækt
á bænum.
Býli: Egilsstaðakot.
Staðsett í sveit: Flóahreppi.
Ábúendur: Þorsteinn Logi Einarsson
og Cathy Krentel, börn þeirra, Elín
Dóra, 4 ára og Hermundur Karl, 4
mánaða, auk foreldra Þorsteins,
Einars Hermundsssonar og Elínar
Bjarnveigar Sveinsdóttur. Þau eru
með hrossarækt auk þess sem þau
eru yngri hjónunum innan handar og
létta undir með önnur störf.
Fjölskyldustærð (og gæludýra):
Ásamt okkur sex erum við með þrjá
hunda og tvo fjósaketti.
Stærð jarðar? Jörðin er 260 ha og
leiguland að auki.
Gerð bús? Blandað bú.
Fjöldi búfjár og tegundir? Um 220
nautgripir, þar af 52 mjólkurkýr, 350
kindur og samtals um 50–60 hross.
Hvernig gengur hefðbundinn
vinnudagur fyrir sig á bænum?
Morgunmjaltir eru græjaðar fyrir
morgunkaffi sem er um klukkan 8.30.
Gegningar kláraðar fyrir hádegi.
Eftir hádegi er tíminn notaður til
aukastarfa, viðhalds eða útréttinga.
Um klukkan 17 er síðan farið í
kvöldgegningar og mjaltir og reynt
að klára fyrir klukkan 20.

Skemmtilegustu/leiðinlegustu
bústörfin? Erfitt að gera upp á
milli. Skemmtun er að vissu leyti
ákvörðun, flest verk eru skemmtileg
þegar vel gengur. Leiðinlegast er
þegar illa gengur eða þegar maður
missir góðar skepnur.
Hvernig sjáið þið búskapinn fyrir
ykkur á jörðinni eftir fimm ár?
Með svipuðu sniði.
Hvaða skoðun hafið þið á
félagsmálum bænda? Mætti batna,
synd ef þátttaka fer minnkandi.
Ekki hægt að hafa tvær
leiðir, annaðhvort þurfum við
að fara þá leið að bændur séu í
búgreinafélögum og þau síðan
sameinast í bændasamtökunum eða
að leggja niður búgreinafélögin og
hverfa aftur til búnaðarfélaganna.
Hvernig mun íslenskum land-
búnaði vegna í framtíðinni? Vel
ef við gætum vel að hreinleika og
gæðum vara okkar og við að upplýsa
neytendur um það góða sem við erum
að gera í íslenskum landbúnaði.
Hvar teljið þið að helstu tækifærin
séu í útflutningi íslenskra búvara?
Í lambakjöti, skyri og grænmeti.
Hvað er alltaf til í ísskápnum?
Smjör, ostur, AB mjólk og SS skinka.
Hver er vinsælasti maturinn á
heimilinu? Ærfille og folaldakjöt.
Eftirminnilegasta atvikið við
bústörfin? Sennilega þegar
við fengum til okkar í sauðburð
skólakrakka frá Bandaríkjunum sem
voru að læra sjálfbæra þróun. Þau
vildu fá að upplifa eitthvað einstakt
þannig að við hreiðruðum um þau
í einni stíunni innan um ærnar, þar
sem þau gistu um nóttina.
Vinnslusmiðjan Nordic Kitchen á Íslandi:
Vörur þróaðar úr ærkjöti,
smjöri og kartöflum
Nokkrir matarfrumkvöðlar sam-
einuðust í vinnslusmiðjunni Nordic
Kitchen á Íslandi nýverið til að
þróa vörur sínar og fá leiðsögn
frá reyndu fagfólki. Áhugaverðar
matvörur eru í þróun og má nefna
snakk úr berjalegnu ærkjöti
og kartöflu-knish, vegan-ost og
smjörvörur.
Á dögunum var hér í blaðinu sagt
frá Facebook-hópnum Eldstæðinu,
sem Eva Michelsen eigandi Michelsen
Konfekt á Íslandi, stofnaði. Hún hugsar
sér Eldstæðið sem samstarfsvettvang
fyrir matarfrumkvöðla og spratt
vinnusmiðjan Nordic Kitchen á
Íslandi úr þeim jarðvegi.
Eva hafði kynnst rekstri
vinnslueldhúsa í Washington í
Bandaríkjunum og sótti í kjölfarið um
styrk í Rising North sjóðinn til að setja
upp smækkaða mynd hér á Íslandi,
af því sem hún sá í Washington.
Íslenska smiðjan var þannig hluti
af vinnslumiðjuseríu sem haldin
var í Helsinki og Stokkhólmi, auk
Reykjavíkur.
Vörur á mismunandi þróunarstigi
Að sögn Evu fór fyrri dagur
smiðjunnar fram í Húsi
Sjávarklasans en sá seinni í
nemaeldhúsi Menntaskólans í
Kópavogi. Þátttakendur í smiðjunni
voru 15 með 12 vörutegundir,
en matarfrumkvöðlarnir eru á
mismunandi stigum framleiðslu,
sölu og markaðssetningu á sínum
vörum; ýmist á algjöru frumstigi,
þróunarstigi, á leið í verslanir eða
komnar nú þegar í hillur verslana.
Um fjölþjóðlegan hóp af fólki
var að ræða sem tók þátt, sem
á það þó sameiginlegt að hafa
hug á því að markaðssetja vörur
sínar hér á Íslandi. Þátttakendur í
vinnusmiðjunni fengu leiðsögn í
framleiðslu, umgjörð og umbúðum,
markaðssetningu og öðru sem lýtur
að því að koma nýrri matartengdri
hugmynd á markað.
Í leit að húsnæði fyrir Eldstæðið
Eva segir að leitað sé að hentugu
húsnæði fyrir Eldstæðið, hún
finni að mikill áhugi sé meðal
matarfrumkvöðlanna að hafa fasta
sameiginlega góða aðstöðu. „Ef
einhverjir geta bent mér á húsnæði
eða eiga slíkt – sem ekki er of dýrt
– mega þeir endilega hafa samband
við mig.
Ég finn að það er mikill áhugi hjá
fólki og margir hafa verið að missa
húsnæði að undanförnu svo ég held
að þörfin hafi jafnvel aukist.“ /smh
Vörurnar sem unnið var með í vinnslumiðunni
• Jökla, fyrsti íslenski rjóma líkjörinn.
Frumkvöðlar eru Pétur Pétursson og
Sigríður Sigurðardóttir.
• Handgerð lífræn rabarbarasulta
unnin eftir gamalli aðferð í ýmsum
tilbrigðum. Fengin frá íslenskum bónda
og til í takmörkuðu upplagi. Frumkvöðull
er Auður B. Ólafsdóttir. Fáanlegt í Jólaþorpi
Hafnarfjarðar, fyrstu og síðustu helgina
í desember.
• Nýtt Pestó sinnep frá Sælkera sinnepi
Svövu (www.sinnep.is). Frumkvöðullinn
er Svava Hrönn Guðmundsdóttir.
• Nýtt deluxe pizza deig og pizzasósa.
Pizza deig af nýjum staðli en sést
nú þegar í verslunum um land allt.
Verkefnið er enn á frumstigi, en
frumkvöðull er Guðmundur Már Einarsson.
• Handgerður vegan ostur, vara sem
er í þróun þar sem nýttar eru cashew-
hnetur í framleiðsluna. Frumkvöðullinn
er Erlendur Eiríksson, matreiðslumeistari
og framkvæmdastjóri Skyrgerðarinnar
í Hveragerði.
• Artisan handunnið smjör.
• Ærberjasnakk. Bóndinn Guðný
Harðardóttir vinnur með sitt eigið
lambakjöt frá Breiðdalsvík á
Austfjörðum, tínir ber og jurtir úr eigin
landi og notar sem marineringu/krydd.
Stuðlað er að fullnýtingu afurða þar á
bæ. Þetta verður ný vara á markaði og
er hún í þróun.
• VÅRK vill auka úrvalið af góðum
sveppum á Íslandi. Frumkvöðlar eru
Malthe Gaarden og Davið Erik Mollberg.
Þeir hafa þróað keramikpott sem
selst með sveppagróum og eina sem
þarf að bæta út í pottinn er notaður
kaffikorgur og Íslendingar geta fengið
heimaræktaða ostrusveppi á
eldhúsborðinu hjá sér.
• Sykurlausar orkustangir. Dröfn
Svavarsdóttir hefur verið að þróa
sykurlausar orkustangir, þ.e.a.s. engin
aukaefni, enginn sykur og engin
sætuefni. Allt gert með náttúrulegum
hráefnum.
• Nýting á aukaafurðum af ilmkjarna-
olíuframleiðslu: Elín Hrund Þorgeirsdóttir
vinnur með ilmkjarnaolíur undir heitinu
Nordic Angan og af framleiðslunni
myndast aukaafurð sem nefnist
Hydrosol og er hún að leita leiða til að
nýta þessa afurð í stað þess að henda.
• Knish úr kartöflum: götumatur sem
gerður er úr kartöflum og hægt er að
fylla með ýmsu. Frumkvöðull bakvið
vöruna er Michelle Goldberg sem tekur
áhrif með sér frá Bandaríkjunum. Þessi
hugmynd er á frumstigi hér á landi.
• Bone & Marrow voru með skírt smjör
(ghee/clarified butter). Fyrirtækið er
þegar með tvær gerðir af beinaseiði
á markaði. Frumkvöðull er Björk
Harðardóttir.
Leiðbeinendur og fyrirlesarar:
• Björn Bragi Bragason, forseti
Klúbbs matreiðslu meistara og
meðlimur Íslenska kokkalands-
liðsins.
• Ragnheiður Axel Eyjólfsdóttir
annar stofnenda Lady Brewery.
• Ingi Björn Sigurðsson, verkefna-
stjóri og mataráhugamaður hjá
Icelandic startups.
• Eva Michelsen, eigandi Michelsen
Konfekt og stofnandi Nordic Kitchen
Vinnusmiðjunnar.
• Federico Ronca, verkefnastjóri og
ráðgjafi hjá Sweden Foodtech.
• Óskar Þórðarson, einn af
stofnendum Omnom Súkkulaði.
• Jóhanna A. Gunnarsdóttir,
Gæðastjóri framleiðslusviðs hjá
Nóa Síríus.
Sigríður Sigurðardóttir og Pétur Pétursson (með svunturnar) framleiða
Jöklu, fyrsta íslenska rjómalíkjörinn. Á milli þeirra er Björn Bragi Bragason,
forseti Klúbbs matreiðslumeistara. Mynd / Ása Steinars
Berjalegið ærkjöt frá Breiðdalsvík. Skírt smjör. Myndir / Ása Steinars
Eva Michelsen í Húsi sjávarklasans
tímann. Mynd / Joe Shutter
Egilsstaðakot