Bændablaðið - 12.04.2018, Blaðsíða 30

30 Bændablaðið | Fimmtudagur 12. apríl 2018
Undirbúningur Handverkshátíðarinnar í Eyjafirði í fullum gangi:
„Hátíðin er stökkpallur
fyrir handverksfólk“
Handverkshátíðin í Eyjafjarðar-
sveit er ein af gamalgrónustu
og fjölsóttustu sumarhátíðum
landsins og verður hún haldin
í 26. sinn dagana 9.–12. ágúst
næstkomandi.
Eitt af því sem skapar þessum
viðburði sérstöðu er mikil
þátttaka fólks í félagasamtökum í
Eyjafjarðarsveit í undirbúningi og
framkvæmd hátíðarinnar og leggja
þar allir aldurshópar hönd á plóg;
hvort heldur er í veitingasölu,
uppsetningu og frágangi
sýningarbúnaðar, miðasölu eða öðru
því sem leysa þarf til að hátíðin takist
sem best.
Stökkpallur fyrir
handverksfólk
„Við leggjum okkur
alltaf fram um að þróa
viðburðinn í takt við
tíðarandann og þarfir
sýnenda og gesta hverju
sinni,“ segir Dóróthea
Jónsdóttir, sem sæti
á í sýningingarstjórn
Handverkshátíðarinnar
en að baki sýningunni
stendur sveitarfélagið
Eyjafjarðarsveit.
„Markmiðið með
sýningunni er að laða
til okkar sýnendur með
fjölbreytt handverk,
sýna gestum þá miklu
grósku, metnað og
fagmennsku sem er í
íslensku handverki og
hvernig það þróast á
hverjum tíma. Þetta tel
ég að hafi tekist vel á
þessum aldarfjórðungi
sem Handverkshátíðin
hefur verið haldin og ég er ekki í
vafa um að hátíðin er og hefur verið
stökkpallur fyrir handverksfólk. Það
er líka mjög gleðilegt að sjá hversu
víða af landinu handverksfólk
kemur til að sýna og selja sitt
handverk á hátíðinni og þannig má
fullyrða að Handverkshátíðin er í
sjálfu sér mikið og gott framlag til
atvinnunýsköpunar víða um land,“
segir Dóróthea.
Enn fleiri möguleikar fyrir
sýnendur
Í aðalsýningarsal Handverks-
hátíðarinnar á komandi sumri
verður gerð breyting á fyrirkomulagi
sýningarkerfisins sem bæði eykur
rými fyrir gesti og býður fleiri
möguleika í framsetningu fyrir
sýnendur.
„Vegna fjölda gesta sem
heimsækja sýninguna þá hafa
þeir sem framleiða fáa muni ekki
séð hag í því að koma en núna
er kominn vettvangur fyrir þá til
þátttöku. Við hyggjumst bjóða upp
á sýningarsvæði fyrir þá sem vilja
jafnvel koma með örfáa muni, sýna
og taka við pöntunum. Þar með er líka
hægt að koma með ferska strauma og
kanna áhuga kaupenda. Við höfum í
röðum sýnenda þaulvana aðila sem
hafa mikið vöruúrval og mikinn lager
fyrir sína sölu en viljum líka ná til
þeirra sem vilja sýna sitt handverk og
taka niður pantanir. Líkt og á öðrum
sviðum hefur margt handverksfólk
tekið vefverslanir í sína þjónustu
og þá er Handverkshátíðin tilvalin
kynningarvettvangur,“ segir
Dóróthea og bendir einnig á þann
mikilvæga þátt sýningarinnar
sem felst í tengslamyndun innan
sýnendahópsins.
Umsóknarfresti að ljúka
Líkt og áður verður bænda-
markaður opinn á sýningarsvæði
Handverkshátíðarinnar, veitingasala,
kvöldvaka á sínum stað með
skemmtilegri dagskrá og margt
annað sem gleður augu, eyru og
maga!
Umsóknarfrestur um þátttöku
í sýningunni stendur til 15. apríl
næstkomandi og er hægt að sækja um
á heimasíðu hennar, handverkshatid.
is. Dóróthea segirst eiga von á góðri
þátttöku sem fyrr.
„Handverkshátíðin er í hugum
margra viðburður sem þeir láta alls
ekki framhjá sér fara,“ segir hún.
/MÞÞ
Spinder fjósainnréttingar eru
hannaðar og prófaðar eftir
ströngustu gæðakröfum og miða
að velferð bæði dýra og manna.
Áralöng reynsla hefur leitt af sér
innréttingakerfi sem auðvelt er
að aðlaga að nánast öllum þörfum
nútímafjósa.
Við afgreiðum stíur, jötugrindur
og milligerði í mörgum stærðum
og gerðum og í flestum tilfellum er
afgreiðslutíminn stuttur og varan
flutt heim í hlað.
Hafðu samband:
bondi@byko.is
INNRÉTTINGAR
byko.is
Í aðalsýningarsal Handverkshátíðarinnar á kom-
andi sumri verður gerð breyting á fyrirkomulagi
sýnendur.
Myndir / MÞÞ
Úrbætur í fráveitumálum við Mývatn:
Svartvatn nýtt til land-
græðslu á Hólasandi
Guðmundur Ingi Guðbrandsson
umhverfis- og auðlindaráðherra
og Bjarni Benediktsson fjármála-
og efnahagsráðherra rituðu
á dögunum, ásamt fulltrúum
Skútustaðahrepps og fulltrúa
Landgræðslu ríkisins, undir
viljayfirlýsingu um samstarf við
úrbætur í fráveitumálum við
Mývatn.
Unnið verður að framkvæmd
þróunarverkefnis, sem felst í því
að taka seyru úr skólpi í byggð við
Mývatn og nýta hana til uppgræðslu
á illa förnu landi á Hólasandi.
Leitað hefur verið lausna um hríð
á fráveitumálum við Mývatn, ekki
síst vegna áhyggna vísindamanna
um að næringarefni úr fráveitu geti
haft neikvæð áhrif á lífríki vatnsins.
Lausnin sem nú verður unnið að er
að miklu leyti nýmæli á Íslandi, en
hún felst í aðskilnaði svokallaðs
svartvatns og grávatns, þar sem
svartvatni er safnað og ekið burt
og það síðan nýtt fjarri vatninu til
landgræðslu.
„Þetta er góð lausn fyrir Mývatn og
fyrir umhverfið,“ segir Guðmundur
Ingi Guðbrandsson, umhverfis- og
auðlindaráðherra. „Ávinningurinn
við þetta er þríþættur; álag á lífríki
Mývatns minnkar, næringarefnin eru
nýtt sem áburður til landgræðslu og
þessi lausn er hagkvæmari en þær
lausnir sem hafa lengst af verið
á borðinu. Hér er varúðarreglan
virkjuð og hagsmunir náttúrunnar
hafðir í fyrirrúmi.“
„Með þessari viljayfirlýsingu er
staðfestur ríkur vilji ríkisstjórnarinnar
til að koma að þessu mikilvæga
verkefni með heimamönnum“ segir
Bjarni Benediktsson, fjármála- og
efnahagsráðherra.
„Ein helsta forsenda fyrir aðkomu
ríkisins að málinu er hið einstaka
lífríki Mývatns- og Laxársvæðisins,
sem nýtur verndar að lögum en
Mývatn var fyrsta svæðið sem
Ísland tilkynnti til alþjóðlegrar skrár
um verndun votlendis á grundvelli
Ramsar-sáttmálans. Það er sérstakt
gleðiefni hversu vel heimamenn hafa
haldið á þessu verkefni í samstarfi
allra aðila. Þannig hefur verið fundin
hagkvæm og umhverfisvæn lausn
með aðkomu íslenskra sérfræðinga
á fjölmörgum sviðum, allt frá
verkfræði til landgræðslu.“
Umræða hefur verið um
ástand lífríkis í Mývatni um
nokkra hríð, meðal annars á
Alþingi. Vísindamenn hafa lýst
yfir áhyggjum að innstreymi
næringarefna af mannavöldum kunni
að ýta undir bakteríublóma og fleiri
neikvæða þætti í vistkerfi vatnsins.
Umhverfis- og auðlindaráðuneytið
lét gera úttekt á fráveitumálum
við Mývatn 2017 og í kjölfar
hennar gerði Skútustaðahreppur
umbótaáætlun, þar sem fram kom
að sveitarfélagið taldi sig ekki geta
hrint henni í framkvæmd án aðstoðar
ríkisvaldsins, þar sem kröfur væru
strangar og umbætur dýrar fyrir
fámennt sveitarfélag. Í desember
2017 ákvað ríkisstjórnin að ganga
til viðræðna við Skútustaðahrepp
um mögulega aðkomu ríkisins að
fráveitumálum. Skútustaðahreppur
setti svo fram nýja umbótaáætlun,
sem var samþykkt af
heilbrigðisnefnd Norðurlands eystra
í mars. Í kjölfar þess var gengið
frá samkomulagi um aðkomu
ríkisvaldsins að umbótaáætluninni,
verkaskiptingu aðila og fjármögnun.
Það samkomulag var formfest í
viljayfirlýsingunni sem ritað var
undir um liðna helgi. /MÞÞ