Bændablaðið - 12.04.2018, Blaðsíða 46

46 Bændablaðið | Fimmtudagur 12. apríl 2018
Ráðgátan hennar Meri Remes er leyst:
Bóndinn í stóðréttunum heitir Trausti Kristjánsson
Í síðasta Bændablaði var viðtal
við Meri Remes, starfsmann
finnsku bændasamtakanna og
gest Búnaðarþings 2018, en
hún flutti ræðu við setninguna
á reiprennandi íslensku. Þar
biðlaði hún til íslenskra bænda
um að hjálpa sér að hafa uppi á
manni sem hún hafði séð á mynd
og hafði mikil áhrif á það að
hún ákvað að koma til landsins
sem ung kona. Það gekk eftir og
heitir hann Trausti Kristjánsson,
bóndi á Syðri-Hofdölum,
Viðvíkurhreppi í Skagafirði.
Myndin frá stóðréttunum
heillaði
Í viðtalinu kom fram að hún hefði
dvalist á Íslandi í þrjú skipti; fyrst
sem skiptinemi á Eskifirði í eitt ár
og síðan í tvö sumur í Keldudal
í Skagafirði sem vinnukona hjá
Guðrúnu Lárusdóttur og Þórarni
Leifssyni.
Ein af ástæðum þess að hún
fékk áhuga á Íslandi voru sögur
móður hennar sem starfaði sem
sjúkraþjálfari á Íslandi eitt ár í
kringum árið 1975. Hún heillaðist
líka af þessari mynd sem áður
er getið, sem nú er orðið ljóst
að er af Trausta, sem hún sá í
bókinni Stallion of the North –
The Unique Story of the Iceland
Horse, eftir Sigurð A. Magnússon
með myndum eftir Guðmund
Ingólfsson og fleiri. „Það var
þessi maður, sem sannfærði mig
um að Ísland væri fyrir mig. Hann
hefur margt að svara fyrir. Ef það
er einhver sem þekkir hann, þá má
hann endilega færa honum góðar
kveðjur frá mér. Væri voða gaman
að vita hver hann er,“ sagði Meri
í viðtalinu.
Það var sonur Trausta, Atli Már
Traustason, sem kom upplýsingum
um myndina á framfæri við
Bændablaðið.
Voru bæði við setningu
Búnaðarþings 2018
Trausti Kristjánsson er fæddur
7. janúar 1953 á Sauðárkróki.
Svo skemmtilega vill til að við
setningu Búnaðarþings 2018 var
honum og fjölskyldu hans veitt
Landbúnaðarverðlaunin 2018,
skömmu eftir að Meri hafði flutt
íslenskum bændum kveðju frá nor-
rænu bænda samtökunum. /smh
Mynd / smh
Vesturhrauni 3 - 210 Garðabær
480-0000 - sala@aflvelar.is - www.aflvelar.is
Í yfir 20 ár hefur Viking Window AS
framleitt tréglugga og hurðir með
eða álkápu í öllum litum sem
afhendast tilbúnir til ísetningar.
Afgreiðslutími er einungis 5 -8 vikur
Sjá nánar á www.viking.ee
Sendu okkur gögn á sala@aflvelar.is og fáðu tilboð
Gluggar og hurðir
Mynd / smh
Aðalfundur Búnaðarsambands Suður-Þingeyinga:
Þingeyskir bændur verðlaunaðir fyrir góðan árangur
Búnaðarsamband Suður-
Þingeyinga hélt sinn aðalfund í
vikunni þar sem veitt voru ýmis
verðlaun. Í sauðfjárræktinni
voru Heiðurshornið og
Hvatningarverðlaunin veitt en í
nautgriparækt voru kúabændur
verðlaunaðir fyrir bestu kýrnar
fæddar árið 2013.
Heiðurshornið til Bergsstaða
Heiðurshornið, sem veitt er í
minningu Eysteins Sigurðssonar
frá Arnarvatni, var afhent í
12 sinn. Núna eftir breyttum
reglum frá 2016 þar sem vægi
vöðvaflokkunar og fjölda lamba
til nytja var aukið og vegur 40%
hvort en hlutfall gerðar og fitu
20%. Samkvæmt núgildandi
úthlutunarreglum komu 29 bú
til endanlegs útreiknings. Fyrsta
sætið og Heiðurshornið hlaut að
þessu sinni Benedikt Arnbjörnsson
á Bergsstöðum en hann hlaut 19,72
stig. Í öðru sæti voru Sigurður og
Helga í Skarðaborg með 18,78
stig og í þriðja sæti var Eyþór
Pétursson í Baldursheimi 2 með
18,51 stig.
Í texta dómnefndar segir að
Benedikt hafi fyrrum rekið rausnar
fjárbú, en á undanförnum árum fyrst
og fremst einbeitt sér að hrossarækt
með góðum árangri. „Enn lifir þó í
gömlum glæðum og þó hann eigi
ekki mjög margt fé er ræktunarstarfið
greinilega í hávegum haft og má
sérstaklega geta þess að hann hefur
tvö lömb til nytja eftir ána sem er
frábær árangur.“
Hvatningarverðlaun til
bændanna á Brún
Hvatningarverðlaun BSSÞ voru
veitt í fyrsta skipti árið 2009. Til
útreiknings koma öll bú sem hafa
50 ær eða meira og tekið er mið af
fjölda lamba til nytja, fallþunga og
-
nar. Verðlaunin komu í hlut Félags-
búsins á Brún en Svartárkotsbúið
var í öðru sæti og Skarðaborgarbúið
í því þriðja.
Frægðarsól Lagðs skín enn
Á Brún hefur verið rekinn
fyrirmyndarbúskapur áratugum
saman með megináherslu á góðar
kýr, segir í umsögn. „Brún er fallegt
býli og þangað er til fyrirmyndar
heim að horfa. Óneitanlega
hefur alltaf verið glæsileiki yfir
fjárstofninum. Þaðan hafa komið
fallegir hrútar til sæðingastöðvar
og margir sjálfsagt hallað höfði
að Lagði heitnum sem hefur verið
gerður ódauðlegur og prýðir púða. Á
Brún er einnig mikil og góð frjósemi
og má til gamans geta að þar voru
1,97 lömb til nytja.“
Kýrin Gæs fremst kúa
Í nautgriparæktinni á starfssvæði
BSSÞ hefur myndast sú hefð að veita
verðlaun fyrir bestu kýrnar í hverjum
árgangi. Að þessu sinni voru þau
veitt fyrir kýr sem fæddar eru árið
2013. Til grundvallar verðlaununum
eru að kýrnar séu lifandi í árslok
2017, fyrir liggi að minnsta kosti
6 efnamælinganiðurstöður á heilu
mjaltaskeiði. Kýrnar mega ekki
hafa verið eldri en 3 ára við burð og
burðartilfærsla sé ekki óeðlilega mikil.
Fyrstu verðlaun hlutu Böðvar
Baldursson og Linda Hrönn
Arnþórsdóttir fyrir kúna Gæs 393
með 298,4 heildarstig, faðir hennar
er Úlli 10089. Annað sætið hlutu
Ingólfur Víðir Ingólfsson og Hulda
Skarphéðinsdóttir fyrir kúna Huppu
220 með 297,6 heildarstig, faðir
hennar er Lúður 10067. Í þriðja sæti
voru Rúnar Jóakimsson og Þórunn
Jóndóttir fyrir kúna Drífu 483 en hún
var með 296,8 heildarstig, faðir hennar
er Koli 06003.
Myndir / SSS